ສັນຍາເຊົ່າ..ມ້າລາຍເລັງດຶງດາມ້ຽນປີໜ້າ

 

ສື່ອີຕາລີຕີຂ່າວ ຢູເວັນຕຸດ ພ້ອມເດີນໜ້າດຶງໂຕ ມັດຕິໂອ ດາມ້ຽນ ແບັກຂອງ ແມນເຊສເຕີ ຢູໄນເຕັດ ແບບຢືມໂຕໃນຕະຫຼາດນັກເຕະໜ້າໜາວຫຼັງຈາກນັກເຕະຕົກເປັນຕົວສຳຮອງຂອງ ອັນໂຕນິໂອ ວາເລັນເຊຍ ແນວຮັບເພື່ອນຮ່ວມທີມໃນລະດູການນີ້.

 

“ຕຸດໂຕສະປອດ” ສື່ກິລາຂອງອີຕາລີລາຍງານຂ່າວວ່າ “ມ້າລາຍ” ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ພ້ອມເດີນໜ້າດຶງໂຕ ມັດຕິໂອ ດາມ້ຽນ ແບັກຂວາຂອງ ແມນ ຢູໄນເຕັດ ທີມດັງຂອງລີກຜູ້ດີໃນຮູບແບບການຢືມໂຕເມື່ອຕະຫຼາດຊື້ຂາຍນັກເຕະໜ້າໜາວເປີດຂຶ້ນ.

 

ກອງຫຼັງທີມຊາດອີຕາລີຕົກເປັນຂ່າວວ່າອາດຍ້າຍໄປຫຼິ້ນຢູ່ແດນກະໂລນີເມື່ອຊ່ວງຊຳເມີທີ່ຜ່ານມາແຕ່ວ່າ ໂຊເຊ ມູຣິນໂຢ ຜູ້ຈັດການທີມ ຜີສາດແດງ ຕັດສິນໃຈດຶງນັກເຕະໄວ້ຕໍ່ໄປ ຢ່າງໃດກໍຕາມຈາກການທີ່ ອັນໂຕນິໂອ ວາເລັນເຊຍ ນັກເຕະເອກວາດໍເປັນຕົວເລືອກທຳອິດໃນຕຳແໜ່ງແບັກຂວາຂອງ ຜີສາດແດງ ໃນຊ່ວງຕົ້ນລະດູການເຮັດໃຫ້ຄາດວ່າ ດາມ້ຽນ ອາດໄດ້ຮັບອະນຸຍາດໃຫ້ຍ້າຍທີມແບບສັນຍາເຊົ່າໃນຕົ້ນປີໜ້າ.

 

ຫຼ້າສຸດ “ຕຸດໂຕສະປອດ” ຕີຂ່າວວ່າ ມ້າລາຍ ມັກໃນໂຕຂອງ ດາມ້ຽນ ທີ່ລົງຫຼິ້ນໃຫ້ ແມນຢູ ໄປແລ້ວ 39 ນັດເມື່ອລະດູການທີ່ຜ່ານມານັບຕັ້ງແຕ່ຍ້າຍຈາກ ໂຕຣິໂນ້ ແລະ ກຽມເດີນໜ້າດຳເນີນແບບສັນຍາເຊົ່າໃນເດືອນມັງກອນປີ 2017.