ສັນຍາເຊົ່າ ບັກກ້າຍ້າຍຊົບບີຢາເຣອັນແບບຢືມຕົວ

 

“ຜີສາດແດງ-ດຳ” ເອຊີ ມິລານ ຕົກລົງປ່ອຍ ຄາລອສ ບັກກ້າ ຫົວຫອກໂຄລຳບີໃຫ້ກັບ ບີຢາເຣອັນ ຢືມໃຊ້ງານເປັນທີ່ຮຽບຮ້ອຍໂດຍມີຕົວເລືອກຂາຍຂາດທີ່ລາຄາ 15.5 ລ້ານເອີໂຣ.

ເອຊີ ມິລານ ສະໂມສອນຍັກໃຫຍ່ແຫ່ງເວທີ ກັນໂຊ ຊີເຣຍ ອາ ຕົກລົງປ່ອຍຕົວ ຄາລອສ ບັກກ້າ ກອງໜ້າທີມຊາດໂຄລຳບີໄປໃຫ້ກັບ ບີຢາເຣອັນ ສະໂມສອນດັງໃນ ລາ ລີກາ ສະເປນຢືມຕົວໃຊ້ງານເປັນເວລາ 1 ລະດູການຮຽບຮ້ອຍເມື່ອວັນອັງຄານທີ່ຜ່ານມາ.

ບີຢາເຣອັນ ຈະຈ່າຍເງິນຈຳນວນ 2.5 ລ້ານເອີໂຣໃຫ້ກັບ “ຜີສາດແດງ-ດຳ” ເພື່ອເປັນຄ່າຢືມຕົວຫົວຫອກອາຍຸ 30 ປິມາໃຊ້ງານ ໂດຍພວກເຂົາມີຕົວເລືອກຊື້ຂາດໃນຊ່ວງຊຳເມີປີໜ້າທີ່ລາຄາ 15.5 ລ້ານເອີໂຣອີກດ້ວຍ.

ສຳລັບລະດູການ 2016-2017 ທີ່ຜ່ານມາ ບັກກ້າ ລົງຫຼິ້ນໃຫ້ກັບ ມິລານ ລວມທຸກລາຍການ 33 ນັດຍິງໄດ້ 14 ປະຕູ.