ສະ​ໝຸນ​ໄພ​ ຮັກ­ສາ​ເບົາ­ຫວານ ​ບຳ­ລຸງສຸ­ຂະ­ພາບ​ຫຼຸດ​ນ້ຳ­ຕານ​ໃນ​ເລືອດ

 

 ໂລກ​ເບົາ­ຫວານ​ຮັກ­ສາ​ໄດ້​ໂດຍ​ວິ­ທີ​ທຳ​ມະ​ຊາດ​ເຮັດ​ໃຫ້​ສຸ­ຂະ­ພາບດີ ແລະ​ຫຼຸດ​ນ້ຳ­ຕານ​ໃນ​ເລືອດ​ໄດ້​ດ້ວຍ​ສະ​ໝຸນ​ໄພ​ທີ່​ມີ​ສັບ­ພະ​ຄຸນ​ອັນ​ລົ້ນ ເຫຼືອ​ດັ່ງ​ຕໍ່​ໄປ​ນີ້:

  • ໂສມ: ດ້ວຍ​ສັບ­ພະ​ຄຸນ​ອັນ​ໜ້າ​ອັດ­ສະ­ຈັນ ທີ່​ສາ­ມາດ​ຕໍ່­ສູ້​ກັບ​ໂລກ­ໄພ­ໄຂ້­ເຈັບ​ຕ່າງໆ​ໄດ້ ເຮັດ​ໃຫ້​ໂສມ​ເປັນ​ສະ​ໝຸນ​ໄພ​ທີ່​ໄດ້​ຮັບ​ການ​ຂະ­ໜານ​ນາມ​ວ່າ​ເປັນ​ສະ​ໝຸນ​ໄພ​ທີ່​ລ້ຳ​ຄ່າ ໂດຍ​ມີ​ການ​ຄົ້ນ​ພົບ​ວ່າ­ການ​ກິນ​ໂສມ​ສາ­ມາດ​ຊ່ວຍ ຫຼຸດ­ຜ່ອນ​ການ​ດູດ​ຊຶມ​ຂອງ​ຄາ​ໂບ​ໄຮ​ເດຣດ ແລະ​ເພີ່ມ​ການ​ເຮັດ​ວຽກ​ຂອງ​ເຊວ ຊ່ວຍ​ໃຫ້​ເຊວ​ສາ­ມາດ​ດູດ​ທາດ​ນ້ຳ­ຕານ​ໄປ​ໃຊ້​ງານ​ໄດ້​ຫຼາຍ​ຂຶ້ນ ນອກ­ຈາກ​ນີ້​ຍັງ​ເພີ່ມ​ການ​ຫຼັ່ງ​ຂອງ​ສານ​ອິນ​ຊູ​ລີນ ເຮັດ​ໃຫ້​ລະ­ດັບ​ນ້ຳ­ຕານ​ໃນ​ເລືອດ ຫຼຸດ​ລົງ​ເຖິງ15 -20% .
  • ຫວ້ານ​ຫາງ​ແຂ້: ບໍ່​ພຽງ​ຊ່ວຍ​ຫຼຸດ​ການ​ໃຄ່​ບວມ, ການ​ອັກ­ເສບ ແລະ​ຊ່ວຍ​ຮັກ­ສາ​ບາດ­ແຜ​ໄດ້​ເທົ່າ​ນັ້ນ​ແຕ່​ຍັງ ເປັນ​ສະ​ໝຸນ​ໄພ​ທີ່​ເໝາະ​ກັບ​ຜູ້​ປ່ວຍ​ໂລກ​ເບົາ­ຫວານ ເພາະ​ມີ​ການ​ສຶກ​ສາ​ແລ້ວ​ວ່າ​ນ້ຳ­ຂອງ​ຫວ້ານ​ຫາງ​ເເຂ້​ສາ­ມາດ​ຊ່ວຍ​ຫຼຸດ​ລະ­ດັບ​ນ້ຳ­ຕານ​ໃນ​ເລືອດ​ໄດ້​ໂດຍ​ສະ­ເພາະ​ໃນ​ກຸ່ມ​ຜູ້​ປ່ວຍ​ໂລກ​ເບົາ­ຫວານ.
  • ເຄືອ​ຕົດ­ໝາ: ເຄືອ​ຕົດ­ໝາ​ຊື່​ຟັງ​ແລ້ວ​ອາດ​ຈະ​ບໍ່​ຄ່ອຍ​ມ່ວນ​ປານ­ໃດ​ແຕ່​ມີ​ສັບ­ພະ​ຄຸນ​ອັນ​ລົ້ນ​ຫຼາຍ ໂດຍ​ສະເພາະ​ສານ​ສະ­ກັດ​ຂອງ​ໃບ ເພາະ ສາ­ມາດ​ຫຼຸດ​ລະ­ດັບ​ນ້ຳ­ຕານ​ໃນ ເລືອດ ທັງ​ຊ່ວຍ​ເພີ່ມ​ການ​ຫຼັ່ງ​ຂອງ ສານ​ອິນ​ຊູ​ລີນ​ໃນ​ຮ່າງ­ກາຍ, ມີ​ສານຕ້ານ​ອະ­ນຸ​ມູນ​ອິດ­ສະ­ຫຼະ ແລະ ຊ່ວຍ​ຫຼຸດ​ໄຂ­ມັນ​ໃນ​ເລືອດ​ຂະ­ນະ​ທີ່ ສັບ­ພະ​ຄຸນ​ທາງ​ຢາ­ພື້ນ­ເມືອງ​ກໍ​ຍັງ ມີ​ອີກ​ບໍ່​ໜ້ອຍ​ບໍ່​ວ່າ​ຈະ​ໃຊ້​ລ້າງ​ພິດ, ແກ້​ທ້ອງ­ບິດ, ຖອກ­ທ້ອງ, ຖ່າຍ​ພະຍາດ, ແກ້​ອາ­ການ​ອ່ອນ­ເພຍ, ຕົກເລືອດ ຫຼື ແກ້​ອາ­ການ​ປວດ​ເມື່ອຍ.