ສະໝູນໄພຮັັກສາສິວ ເຄັດບໍ່ລັບຂອງຜິວງາມ ຫນ້າໃສ

ສິວຄືບັນຫາທີ່ໃຫຍ່ສໍາລັງສາວໆ ແນ່ນອນວ່າຄວາມສວຍຄວາມງາມ ເປັນສີ່ງທີ່ຢູ່ຄູ່ກັບຜູ້ຍິງຕະຫລອດມາ ດັ່ງນັ້ນສິວຈຶ່ງເປັນສິ່ງທີ່ສ້າງຄວາມໜັັັັັກໃຈບໍ່ນ້ອຍເລີຍ ບາງຄົນເປັນສິວຫລາຍຈົນຂາດຄວາມໝັ້ນໃຈ ຕ້ອງຫາສິ່ງມາປົກປິດໃບຫນ້າ ຫລືບໍ່ກ້າອອກຈາກບ້ານກັນເລີຍກໍ່ວ່າໄດ້ ເພື່ອເພີ່ມຄວາມໝັ້ນໃຈ ແລະ ທັງມີໃບຫນ້າທີ່ງາມແບບບໍ່ມີສິວ ເຮົາມາຮູ້ຈັກກັບສະຫມູນໄພຮັກສາສິວ 7ຊະນິດ      ທີ່ນໍາມາຝາກກັນດີກ່ວາ ແລະ ຈະຮູ້ວ່າສິວບໍ່ແມນບັນຫາທີ່ຫນ້າຫນັກໃຈອີກຕໍ່ໄປ

7ສະຫມູນໄພທີ່ຮັກສາສິວ

ສໍາລັບບ້ານເຮົາແມ່ນອຸດົມໄປດ້ວຍພັນໄມ້ນານາຊະນິດ ຫລາຍຊະນິດເປັນສະຫມູນໄພທີ່ມີສັບພະຄຸນໃນການຮັກສາສິວ ຊຶ່ງຖ້າຫາກທ່ານໃດທີ່ຫມົດເງິນໄປຫລາຍແລ້ວກັບການຫາຊື້ຄີມ ຊື້ຢາຕ່າງໆມາຮັກສາຜິວຫນ້າແຕ່ສິວກໍ່ຍັງບໍ່ຫາຍ ສະຫມູນໄພຈັດເປັນທາງເລືອກທີ່ດີອີກທາງຫນຶ່ງ ເພາະສະຫມູນໄພເປັນວັດຖຸດິບ ທີ່ໄດ້ມາຈາກທໍາມະຊາດ ປາສະຈາກສານເຄມີທີ່ທໍາຮ້າຍຜິວຫນ້າ ເປັນວິທີຮັກສາສິວຢ່າງປອດໄພ ທ່ານໃດສົນໃຈການຮັກສາສິວດ້ວຍວິທີທາງທໍາມະຊາດ ມາເບິ່ງກັນວ່າມີສະຫມູນໄພໂຕໃດແດ່ທີ່ຊ່ວຍກໍາຈັດສິວຕົວຮ້າຍນີ້ອອກໄປໄດ້ ຮັບຮອງວ່າມີຫລາຍຈົນເລືອກບໍ່ຖືກກັນເລີຍ

1 ຫວ່ານຫາງແຂ້ ຫວ່ານຫາງແຂ້ເປັນສະຫມູນໄພ ທີ່ຂື້ນຊື່ດ້ານການບໍາລຸງຜິວພັນມາດົນນານແລ້ວ ສໍາລັບການຮັກສາສິວ ຫວ່ານຫາງແຂ້ມີອິດທິລິດໃນການຢັບຢັ້ງເຊື້ອ ທີ່ເຮັດໃຫ້ເກີດສິວ ເຮັດໃຫ້ສິວຫລຸດລົງ ແຕ່ວ່າຫວ່ານຫາງແຂ້ມີອິດທິລິດເປັນກົດອ່ອນໆ ຊຶ່ງບໍ່ເນາະນໍາໃຫ້ໃຊ້ກັບສິວອັກເສບ ເພາະອາດຈະເຮັດໃຫ້ອັກເສບຫລາຍຍິ່ງຂື້ນ ທັງຍັງຫລຸດຮອຍດໍາ ຮອຍແດງທີ່ເກີດຈາກສິວ ປ້ອງກັນການເກີດຮອຍແຜເປັນ ປ້ອງກັນຈຸດດ່າງດໍາທີ່ເກີດຈາດແສງແດດ ປ້ອງກັນການເກີດຝ້າ ຊ່ວຍໃຫ້ຜິວນຸ່ມຊຸ່ມຊື່ນ

2 ຫອມແດງ ໃນຫອມແດງມີສານເຄມີຫລາຍຊະນິດ ເຊັ່ນ ໄດອັລລິນ ເພກຕິນ ໄຕຊັລໄຟ ເປັນຕົ້ນ ສານເຫລົ່ານີ້ມີຄຸນສົມບັດໃນການຢັບຢັ້ງແບກທີເຣຍ ອັນເປັນສາເຫດກໍ່ໃຫ້ເກີດສິວນັ້ນເອງ ຫອມແດງເປັນສະໝູນໄພທີ່ຫາໄດ້ງ່າຍ ຫາກທ່ານໃດທີ່ຕ້ອງການຮັກສາສິວດ້ວຍຫອມແດງກໍ່ເຮັດໄດ້ໂດຍການເອົາຫອມແດງ ມາຜ່າເປັນແຜ່ນບາງໆ ແລ້ວນໍາຫອມແດງມາວາງໃສ່ບໍລິເວນທີ່ເປັນສິວປະໄວ້ປະມານ 10-15 ນາທີ ຈາກນັ້ນກໍ່ລ້າງຫນ້າໃຫ້ສະອາດສິວຈະຍຸບ ແລະ ແຫ້ງລົງ ນອກນີ້ຍັງສາມາດນໍາໄປວາງໃສ່ບ່ອນທີ່ເປັນຮອຍດ່າງດໍາຈາກສິວໄດ້ອີກ

3 ກະທຽມ ກະທຽມມີສານອາຫານ ແລະ ສານເຄມີຄ້າຍໆຄືກັບຫອມແດງ ຈຶ່ງມີສັບພະຄຸນຄ້າຍຄືກັນ ຊ່ວຍຮັກສາສິວ ຄື ນໍາກະທຽມມາຜ່າເປັນແຜ່ນບາງໆ ອາດຈະທຸບ ຫລື ບີບເຫລັກນ້ອຍພໍໃຫ້ນໍາກະທຽມອອກມາ ແລ້ວນໍາໄປແປະໄວ້ບໍລິເວນທີ່ເປັນສິວປະໄວ້ປະມານ 5ນາທີ ກະທຽມຈະຊ່ວຍໃຫ້ສິວອັກເສບຍຸບ ແລະ ແຫ້ງໄວຂື້ນ ລວມທັງຊ່ວຍຢັບຢັ້ງການຈະເລີນເຕີບໂຕຂອງເຊື້ອແບກທີເຣຍ ອັນເປັນສາເຫດຂອງການເກີດສິວ ຫລຸດການເກີດສິວໃຫມ່ນັ້ນເອງ

4 ຫມາກນາວ ຫມາກນາວມີກົດ AHA ຈາກທໍາມະຊາດເປັນກົດອອ່ນໆຊຶ່ງມີຄຸນສົມບັດຊ່ວຍຮັກສາສິວໄດ້ເປັນຢ່າງດີ ການຮັກສາສິວດ້ວຍຫມາກນາວ ເຮັດໄດ້ໂດຍກາເອົາດິນສໍພອງມາປະສົມກັບຫມາກນາວ ນໍາສ່ວນປະສົມທີ່ໄດ້ມາແຕ້ມບາງໆບໍລິເວນທີ່ເປັນສິວ ຜົນທີ່ໄດ້ຮັບຄືຊ່ວຍຫລຸດສິວອຸດຕັນ ຊ່ວຍກໍາຈັດຄວາມມັນເທິງໃບຫນ້າ ຊ່ວຍຫລຸດຄວາມອຸດຕັນຕາມຮູຂຸມຂົນ

5 ໃບຜັກໜອກ ໃບຜັກໜອກມີສັບພະຄຸນທີ່ໂດດເດັ່ນເລື່ອງແກ້ອາການຊໍ້າໃນ ຫລຸດອາການອັກເສບ ຈິງມີຜົນທາງອ້ອມໃນການຮັກສາສິວ ໂດຍສະເພາະສິວອັກເສບ ການຄັ້ນນໍ້າໃບຜັກໜອກສົດໆແລ້ວນໍາມາພອກໄວ້ບໍລິເວນທີ່ເປັນສິວອັກເສບຈະຊ່ວຍໃຫ້ຜິວສະມານກັນຢ່າງໄວຫລຸດອາການຮຸນແຮງຂອງການອັກເສບ ບວມແດງ ຊ່ວຍໃຫ້ສິວຍຸບໄດ້ໄວຂື້ນ

6 ເປືອກມັງຄຸດ ນອກຈາກເນື້ອຫວານແຊບຫນ້າຮັບປະທານແລ້ວ ເປືອກມັງຄຸດກໍ່ຍັງມີຄຸນປະໂຫຍດຫລາຍ ສໍາລັບເປືອກມັງຄຸດມີສັບພະຄຸນຊ່ວຍຢັບຢັ້ງແບກທີເຣຍ ຊ່ວຍຫລຸດອາການອັກເສບຂອງຜິວຫນັງ ທ່ານໃດທີ່ເປັນສິວສາມາດນໍາເປືອກມັງຄຸດມາບົດແລ້ວຄັ້ນເອົາແຕ່ນໍ້າມາແຕ້ມໃນບໍລິເວນທີ່ເປັນສິວ ຈະຊ່ວຍໃຫ້ສິວແຫ້ງໄວ້ຂື້ນ ຫາກທ່ານໃດບໍ່ມີເວລາກໍ່ໃຫ້ໃຊ້ຜະລິດຕະພັນຕ່າງທ ທີ່ມີສ່ວນປະສົມຂອງເປືອກມັງຄຸດກໍ່ໄດ້ເຊັ່ນດຽວກັນ

7 ໝາກເລັ່ນ ໝາກເລັ່ນເປັນຜັກຜົນລະໄມ້ທີ່ຫລາຍໆຄົນອາດຈະຮູ້ດີວ່າຊ່ວຍບໍາລຸງຜິວພັນໄດ້ດີຫລາຍ ໃນໝາກເລັ່ນອຸດົມໄປດ້ວຍສານອາຫານຜິວທີ່ຫຼາກຫຼາຍຢ່າງ ທັງໄລໂຄປີນ ວິຕາມິນຊີ ວິຕາມິນເອ ເປັນຕົ້ນ ໝາກເລັ່ນຈັດເປັນຕົວຊ່ວຍທີ່ດີສໍາລັບນໍາມາຮັກສາສິວໄດ້ໂດຍການຜ່າເປັນແຜ່ນບາງໆ ຫລື ຄັ້ນເອົາແຕ່ນໍ້າມາພອກຫນ້າ ສິວຈະຄ່ອຍໆຫລຸດລົງ ໂດຍສະເພາະຢ່າງຍິ່ງ ສິວອຸດຕັນ ສາມາດນໍາມາພອກໄດ້ເປັນປະຈໍາໂດຍບໍ່ສົ່ງຜົນເສຍຕໍ່ຜິວພັນ ຫາກຮັບປະທານໄປດ້ວຍກໍ່ຈະຊ່ວຍໃຫ້ສິວຫລຸດລົງ ແລະ ມີສຸຂະພາບທີ່ດີຂື້ນຢ່າງຊັດເຈນຍິ່ງຂື້ນ

ສາວໆທ່ານໃດທີ່ປະສົບບັນຫາສິວໆ ຫາກຮູ້ຈັກສະໝູນໄພຮັກສາສິວ 7ຊະນິດນີ້ ສາມາດເລືອກຫາສະໝູນໄພໃກ້ໆຕົວມາດູແລຮັກສາສິວກັນ ສໍາລັບທ່ານໃດທີ່ແພ້ງ່າຍ  ຄວນົດສອບອາການແພ້ກ່ອນໂດຍນໍາມາທາບໍລິເວນທ້ອງແຂນກ່ອນນໍາໄປໃຊ້ກັບຜິວຫນ້າ ນອກຈາກນີ້ຄວນຮັກສາຄວາມສະອາດຢ່າງສະຫມໍ່າສະເຫມີ ພຽງເທົ່ານີ້ຜິວຫນ້າຂອງສາວໆກໍ່ຈະໃສ ຫ່າງໄກຈາກສິວແນ່ນອນ.