ສະໝຸນໄພປູກກິນໄດ້ ໄລ່ຍຸງດີ ທີ່ຄວນມີປູກໄວ້ໃນບ້ານ

 

ສະ​ໝຸນ​ໄພ​ໄລ່​ຍຸງ​ທີ່​ຈະ​ເຮັດໃຫ້​ຍຸງ​ຮ້າຍ​ຫ່າງ​ອອກ​ໄປ​ຈາກບ້ານ​ຂອງ​ເຮົາ ທັງ​ຊ່ວຍ​ໃຫ້​ພວກ ເຮົາ​ປອດ​ໄພ​ຈາກ​ໂລກ​ຕິດ­ຕໍ່​ໄດ້ຫຼາຍ​ຍິ່ງ​ຂຶ້ນແລະ​ປັດ​ສະ​ຈາກ​ສານສານ​ເຄ​ມີ ຊຶ່ງ​ສະ​ໝຸນ​ໄພ​ທີ່​ວ່າ​ນັ້ນ ແມ່ນ​ປະ­ກອບ​ດ້ວຍ

  • ຫົວ​ສີ​ໄຄ​ຫອມ: ພືດ​ຊະ­ນິດ ນີ້​ມີ​ກິ່ນ​ຫອມ​ເປັນ​ອາ­ວຸດ ເມື່ອ​ຍຸງ ໄດ້​ກິ່ນ​ມັນ​ຈະ​ທົນ​ບໍ່​ໄດ້​ເພາະ​ຍຸງ​ບໍ່ ຖືກ​ກັບ​ນ້ຳ­ມັນ​ຫອມ​ລະ​ເຫີຍ​ທີ່­ຢູ່​ໃນ ຫົວ​ສີ​ໄຄ ແລະ​ເພາະ​ຫົວ​ສີ​ໄຄ​ເປັນ ພືດ​ທີ່​ບໍ່​ຄ່ອຍ​ສູງ, ປູກ​ງ່າຍ​ຂະ­ຫຍາຍ ພັນ​ສະ­ດວກ​ກໍ​ໜ້າ​ຈະ​ຊ່ວຍ​ໃຫ້​ທ່ານ ກຳ­ຈັດ​ຍຸງ​ຮ້າຍ​ໄດ້​ເປັນ​ຢ່າງ​ດີ.

  • ໃບ​ບົວ­ລະ­ພາ: ເຮືອນ​ໃດ​ມັກ ເຮັດ​ອາ­ຫານ​ແນະ­ນຳ​ໃຫ້​ປູກ​ໄວ້ ເລີຍ ເພາະ​ນອກ­ຈາກ​ຈະ​ນຳ​ມາ ເປັນ​ວັດ­ຖຸ​ດິບ​ໃນ​ການ​ປະ­ກອບ​ອາ ຫານ​ແລ້ວ ຍັງ​ສາ­ມາດ​ຊ່ວຍ​ປ້ອງ ກັນ​ຍຸງ​ໄດ້​ເປັນ​ຢ່າງ​ດີ ເພາະ​ກິ່ນ ຫອມ​ຂອງ​ໃບ​ບົວ­ລະ­ພາ​ຈະ​ສົ່ງ​ຜົນ​ເສຍ​ຕໍ່​ຍຸງ ແລະ​ແມງ­ໄມ້ ເມື່ອ​ພວກ​ມັນ​ບໍ່​ສາ­ມາດ​ທົນ​ທານ​ຕໍ່​ກິ່ນ​ແຮງ​ຂອງ​ໃບ​ບົວ­ລະ­ພາ​ໄດ້​ມັນ​ຈະ​ຫຼີກ​ໜີ ແລະ​ບໍ່​ເຂົ້າ​ມາ​ໃກ້​ອີກ​ເລີຍ.

  • ໃບ​ຫອມ­ລາບ ຫຼື ໃບ​ມິ້ນ: ອີກ​ໜຶ່ງ​ພືດ​ຜັກ​ສວນ​ຄົວ​ທີ່​ດີ​ທີ່​ຍຸງ ເຫັນ​ແລ້ວ​ຕ້ອງ​ຫຼົບ­ໜີ ເພາະ​ພາຍ ໃນ​ຂອງ​ໃບ​ມິ້ນ​ນີ້​ຈະ​ມີ​ນ້ຳ­ມັນ​ຫອມ ລະ​ເຫີຍ​ທີ່​ຍຸງ​ບໍ່​ຄ່ອຍ​ມັກ ຫາກ​ຕ້ອງ ການ​ກັນ​ຍຸງ​ກໍ​ພຽງ​ນຳ​ມາ​ຍ່ອງໆ​ໃຫ້​ອອກ​ກິ່ນ​ແລ້ວ​ທາ​ລົງ​ໃນ​ຮ່າງ­ກາຍ​ພຽງ​ເທົ່າ​ນີ້​ຍຸງ​ກໍ​ບໍ່​ມາ​ໃກ້​ອີກ​ເລີຍ.

  • ກະ­ທຽມ: ເພາະ​ກະ­ທຽມ​ມີ​ກິ່ນ​ຮຸນ​ແຮງ​ຈົນ​ຊ່ວຍ​ກັນ​ຍຸງ​ບໍ່​ໃຫ້​ບິນ​ເຂົ້າ​ມາ​ຫາ​ເຮົາ​ໄດ້​ງ່າຍໆ ແລະ​ການ​ປູກ​ກະ­ທຽມ​ໄວ້​ບໍ­ລິ­ເວນ ເຮືອນ​ຈິ່ງ​ເໝາະ​ສົມ​ເປັນ​ຢ່າງ​ຫຼາຍ ສຳ­ລັບ​ຄົນ​ທີ່​ຢາກ​ມີ​ສຸ­ຂະ­ພາບ​ດີ  ເພາະ​ນອກ­ຈາກ​ຈະ​ກັນ​ຍຸງ​ໄດ້​ແລ້ວ ການ​ຮັບ​ປະ­ທານ​ກະ­ທຽມ​ຍັງ​ຊ່ວຍ ຫຼຸດ​ໄຂ­ມັນ​ໃນ​ກະ­ແສ​ເລືອດ​ໄດ້​ອີກ ດ້ວຍ.

  • ໝາກ​ຂີ້­ຫູດ: ນອກ­ຈາກ​ຈະ ມີ​ປະ­ໂຫຍດ​ອັນ​ຫຼວງ­ຫຼາຍ​ແລ້ວ ໝາກ​ຂີ້­ຫູດ​ຍັງ​ໃຊ້​ໄລ່​ຍຸງ​ໄດ້​ເປັນ ຢ່າງ​ດີ​ເພາະ​ນ້ຳ­ມັນ​ຫອມ​ລະ​ເຫີຍ ໃນ​ໃບ​ໝາກ​ຂີ້­ຫູດ ແລະ​ໝາກ​ຍັງ ສົ່ງ​ກິ່ນ​ຮຸນ​ແຮງ​ໄປ​ໃນ​ບໍ­ລິ­ເວນ ເຮືອນ​ຈິ່ງ​ຊ່ວຍ​ກັນ​ຍຸງ​ບິນ​ເຂົ້າ​ມາ ໃກ້​ໄດ້​ນັ້ນ​ເອງ​ອີກ​ຢ່າງ​ໜຶ່ງ​ກໍ​ເໝາະ ສົມ​ທີ່​ຈະ​ປູກ​ໄວ້​ບໍ­ລິ­ເວນ​ໃກ້ໆ​ກັບ ເຮືອນ​ຫຼາຍ​ທີ່​ສຸດ.

 

ທີ່ມາ: sedthakid.la