ສະເທືອນຮໍລີວູດ! ໂຈລີ້ ຟ້ອງປະຮ້າງ ແບັດພີດ

 

ເປັນອີກໜຶ່ງຂ່າວທີ່ສະເທືອນວົງການບັນເທີງຮໍລີວູດຂອງຄູ່ຮັກຊຸບເປີສະຕາທີ່ໂລກອິດສາ ແອງໂຈຣີນາ ໂຈລີ້ ແລະ ແບຣດພີດ. ເມື່ອຝ່າຍຍິງຟ້ອງປະຮ້າງຜູ້ເປັນຜົວດ້ວຍເຫດຜົນຍອດຮິດ “ເຮົາເຂົ້າກັນບໍ່ໄດ້” ແລະກໍຢືນຢັນວ່າບໍ່ມີມືທີສາມແນ່ນອນ.

 ນາງເອກຊຸບຕາໄວ 41ປີ ຢື່ນຄວາມຟ້ອງປະຮ້າງ ແບຣດພີດ ພະເອກໜຸ່ມໃຫຍ່ໄວ 52 ປີ. ໃນວັນທີ 19ກັນຍາທີ່ຜ່ານມາ. ໂຈລີ້ ຍອມເປີດເຜີຍວ່າ ການປະຮ້າງຄັ້ງນີ້ຕົນຂໍສິດລ້ຽງລູກທັງ 6ຄົນ (ລູກແທ້ 3ຄົນ, ລູກລ້ຽງ3 ຄົນ) ແຕ່ພຽງຜູ້ດຽວໂດຍບໍ່ຮັບຄ່າລ້ຽງດູຈາກຝ່າຍຊາຍເລີຍ ແລະຢ້ຳວ່າ ການປະຮ້າງຄັ້ງນີ້ເປັນການຕັດສິນໃຈເພື່ອສຸຂະພາບຄອບຄົວ ແລະຂໍຄວາມເປັນສ່ວນຕົວໃຫ້ກັບຄອບຄົວໃນຕອນນີ້.

ທາງດ້ານ ແບຣດພີດເອງ ກໍອອກມາຖະແຫຼງຂ່າວສະແດງຄວາມເສຍໃຈທີ່ທຸກຢ່າງລົງເອີ່ຍແບບນີ້ ແຕ່ສິ່ງສຳຄັນທີ່ເຂົາເປັນຫ່ວງກໍຄືລູກ.

ຂະນະດຽວກັນສື່ບັນເທີງຍັກໃຫຍ່ກໍອອກເຜີຍແຜ່ວ່າເຫດຜົນທີ່ຊຸບຕາສາວຟ້ອງປະຜົວ ເພາະທົນບໍ່ໄຫວທີ່ຜູ້ເປັນຜົວມັກດື່ມເຫຼົ້າ ແລະມີອາລົມໂມໂຫຮຸນແຮງ ມັກເອົາໄປລົງໃສ່ລູກໆ ໂຈລີ້ຈິ່ງຮູ້ສຶກວ່າພໍ່ແບບນີ້ເປັນພໍ່ທີ່ອັນຕະລາຍຈິ່ງຕັດສິນໃຈຕັດຂາດເພື່ອສຸຂະພາບຈິດທີ່ດີຂອງລູກເຕົ້າ.

ກ່ອນໜ້ານີ້ໂຈລີ້ເອງເຄີຍແຕ່ງງານມາແລ້ວ 2 ຄັ້ງ ແລະພົບຮັກກັບ ແບຣດພີດ ກາງກອງຖ່າຍຮູບເງົາເລື່ອງ Mr.&Mrs. Smith ເມື່ອປີ 2004. ຂະນະນັ້ນແບຣດພີດກໍຍັງມີເມຍນັ້ນກໍຄືສາວ ເຈນເນີເຟີ ອະນິສຕັນ ສຸດທ້າຍແບຣດພີດກໍຕັດສິນໃຈປະຮ້າງແລ້ວມາຢູ່ກິນກັບໂຈລີ້ຢ່າງເປັນທາງການເມືອ່ປີ 2005.