ສະເທືອນວົງການສະມາດໂຟນ ຫົວເຫວີຍເປີດຕົວລຸ້ນໃໝ່ HUAWEI nova 3 ແລະ HUAWEI nova 3i ສະມາດໂຟນ 4 ກ້ອງພ້ອມ AI ພ້ອມການອອກແບບທີ່ຫຼູຫຼາເໜືືອລະດັບ

ໃນວັນທີ 18 ກໍລະກົດ 2018 ທີ່ຜ່ານມາຫົວເຫວີີຍໄດ້ເປີດຕົວສະມາດໂຟນລຸ້ນໃໝ່ຢ່າງເປັນທາການຂອງຕະກູນ Nova ນັ້ນກໍ່ຄື HUAWEI nova 3 ແລະ HUAWEI nova 3i ທີ່ ສ ປ ຈີນ. ທັ້ງສອງລຸ້ນນີ້ມາພ້ອມກັບການອອກແບບທີ່ທັນສະໄໝ, ຖ່າຍຮູບງາມໄປກັບ AI 4ກ້ອງ ແລະ ຄວາມລື່ນໄຫຼຂອງລະບົບປະຕິບັດການພາຍໃນອັດສະລິຍະ, ພ້ອມທີ່ຈະສ້າງສີສັນ ແລະ ຄວາມມ່ວນຊື່ນໃຫ້ກັບຜູ້ຊົມໃຊ້.

 

ຖ່າຍຮູບໄດ້ໂດນໃຈ ດ້ວຍ AI ໃນ 4 ກ້ອງ

HUAWEI nova 3 ແລະ HUAWEI nova 3i ມາພ້ອມກັບກ້ອງຄູ່ໜ້າຫຼັງ ແລະ ລະບົບປະຕິບັດການ AI ທີ່ເຂົ້າມາຊ່ວຍວິເຄາະສາກຫຼັງ ແລະ ປັບຄ່າຕ່າງໆໃຫ້ເຫມາະສົມອັດຕະໂນມັດທັງກ້ອງໜ້າ ແລະ ຫຼັງ ເຮັດໃຫ້ຮູບຖ່າຍຂອງເຮົາງາມຂຶ້ນ, ເຊວຟີ້ໂດນໃຈຍິ່ງຂຶ້ນ ແລະ ມ່ວນຊື່ນກັບການຖ່າຍຮູບຫຼາຍກວ່າເກົ່າ. ກ້ອງໜ້າຄູ່ຂອງທັງສອງລຸ້ນນີ້ ກ້ອງຕົວຫຼັກມີຄວາມລະອຽດທີ່ 24 ລ້ານພິກເຊວ ແລະ ກ້ອງຕົວຮອງ 2 ລ້ານພິກເຊວ, ກ້ອງຫຼັກຈະຊ່ວຍໃນການຖ່າຍຮູບ - ວິດີໂອໃຫ້ຄົມຊັດ ແລະ ສີສັນສົດໃສຫຼາຍຂຶ້ນ, ສ່ວນກ້ອງຮອງຈະຊ່ວຍເກັບລາຍລະອຽດ ແລະ ຂໍ້ມູນເຊີງເລິກ, ເມື່ອສອງກ້ອງເຮັດວຽກພ້ອມກັນຈະເຮັດໃຫ້ຮູບຖ່າຍອອກມາສົມບູນແບບ ແລະ ເປັນທຳມະຊາດຄ້າຍກັບສາຍຕາມະນຸດຂະນະທີ່ເບິ່ງວັດຖຸຸ.

ລະບົບປະມວນຜົນພາບຈາກ AI ໃນ HUAWEI nova 3 ແລະ HUAWEI nova 3i ແມ່ນໄດ້ຜ່ານການພັດທະນາ ແລະ ຮຽນຮູ້ພາບຖ່າຍມາແລ້ວຫຼາຍກວ່າລ້ານຮູບ, ເຊິ່ງຈະເຂົ້າມາຊ່ວຍໃນການຖ່າຍຮູບຢ່າງສະຫຼາດ, ພຽງແຕ່ເຮົາຍົກກ້ອງຂຶ້ນ ລະບົບຈະສາມາດຈັບ, ວິເຄາະສາກຫຼັງ ແລະ ວັດຖຸຕ່າງໆໃຫ້ເຮົາຢ່າງອັດຕະໂນມັດ ຫຼາຍກວ່າ 200 ແບບເຊັ່ນ: ທ້ອງຟ້າ, ກາງຄືນ, ຄົນ, ແລະ ອື່ນໆ, ແຕ່ເມື່ອເຮົາຖ່າຍທຸກຢ່າງພ້ອມກັນລະບົບຍັງຄຳນວນຄວາມສຳພັນລະຫວ່າງຄົນ ແລະ ພື້ນຫຼັງ ໃຫ້ຕື່ມອີກ ເຊັ່ນ: ຄົນທີ່ຢູ່ດ້ານໜ້າງາມຄົມຊັດ, ທ້ອງຟ້າສີຟ້າຂື້ນ, ຫຍ້າສີຂຽວຂຶ້ນ ແລະ ກາງຄືນທີ່ງົດງາມຍິ່ງຂຶ້ນ.

ກ້ອງຫຼັງຂອງ HUAWEI nova 3 ປະກອບດ້ວຍກ້ອງຂາວດຳຄວາມລະອຽດທີ່ 24 ພິກເຊວ ແລະ ກ້ອງສີ 16 ລ້ານພິກເຊວ ພ້ອມຮູຮັບແສງຂະໜາດໃຫຍ່ f1.8, ເລນຄູ່ອອກແບບເປັນ 6 ຫຼ່ຽມເຮັດໃຫ້ການຖ່າຍຮູບໃນບ່ອນທີ່ມືດ ແລະ ມີແສງໜ້ອຍມີປະສິດທິພາບຫຼາຍຂຶ້ນ, ພ້ອມທັງຄວບຄຸມລາຍລະອຽດຂອງພາບໄດ້ຊັດເຈນຂຶ້ນ.

ກ້ອງຫຼັງຂອງ HUAWEI nova 3i ມີກ້ອງຫຼັກຄວາມລະອຽດທີ່ 16 ລ້ານພິກເຊວ ແລະ ກ້ອງຮອງ 2 ລ້ານພິກເຊວ , ກ້ອງຫຼັກມີໜ້າທີ່ໃນການຖ່າຍຮູບໃຫ້ສວຍງາມ ແລະ ກ້ອງຮອງມີໜ້າທີ່ໃນການຊ່ວຍເພີ່ມຄວາມຄົມຊັດຂອງຮູບພາບເພື່ອເຮັດໃຫ້ຮູບຖ່າຍແບບໜ້າແຈ້ງຫຼັງມົວໄດ້ແບບມືອາຊີບ ແລະ ງາມເປັນທຳມະຊາດ. 

ການອອກແບບທີ່ປານີດ ແລະ ສີສັນທີ່ທັນສະໄໝ

ສະມາດໂຟນຕະກູນ Nova ເປັນລຸ້ນທີ່ອອກແບບຕາມແຟຊັ້ນໃຫ້ເໝາະສົມກັບຄົນລຸ້ນໃໝ່ , ສະນັ້ນທັງ HUAWEI nova 3 ແລະ HUAWEI nova 3i  ຈຶ່ງມີການອອກແບບທີ່ທັນສະໄໝ, ນ້ຳໜັກເບົາ, ຂະໜາດບາງ, ມີໜ້າຈໍແບບ Full View Display ຂະໜາດ 6.3 ນິ້ວ ແລະ ກ້ອງຖ່າຍຮູບດ້ານໜ້າມີການອອກແບບສົມສ່ວນເຮັດໃຫ້ສາມາດເບິ່ງໜ້າຈໍໄດ້ຢ່າງເຕັມຕາ.
ຕົວເຄື່ອງພາຍນອກຂອງ HUAWEI nova 3 ແລະ HUAWEI nova 3i ມີການອອກແບບສີພິເສດ Gradient Color ຫຼື ການໄລ່ເສດສີ, ສີທີ່ເຫັນຈະເບິ່ງອອກເປັນສີຟ້າມ້ວງ (Iris Purple) ເຊິ່ງເປັນສີທີ່ກຳລັງໄດ້ຮັບຄວາມນິຍົມ 

ໃນຕອນນີ້, ວັດສະດຸຈະເປັນແກ້ວເຄືອບຜິວດ້ວຍນາໂນຈັບແລ້ວສະບາຍມື, ແຈມຸມມີລັກສະນະໂຄ້ງມົນ, ບວກກັບສີພາຍນອກແບບໄລ່ເສດສີ, ເມື່ອຖືກແສງກະທົບໃສ່ຈະເຮັດໃຫ້ເບິ່ງມີມິຕິ, ນຸ້ມນວນ, ຫຼູຫຼາ  ແລະ ມີເອກະລັກສະເພາະ.

 

ສຸດຍອດນະວັດຕະກຳ AI ສະມາດໂຟນໄວບໍ່ມີສະດຸດ

HUAWEI nova 3 ແລະ HUWEI nova 3i ມາພ້ອມກັບຊິບເຊັດ Kirin SoCs ແລະ ເທັກໂນໂລຍີ AI ຫຼ້າສຸດຂອງ Huawei, ເຊິ່ງບໍ່ພຽງຊ່ວຍໃນເລື່ອງຂອງຄວາມໄວໃນການປະມວນຜົນຮູບພາບ ແລະ ຄວາມແມ່ນຍຳ, ທັງຍັງຢູ່ໃນຖານະຜູ້ນຳໃນອຸດສາຫະກຳ, ໃຫ້ຜູ້ຊົມໃຊ້ໄດ້ເຕັມອິ່ມ ແລະ ເພີດເພີນໄປກັບການໃຊ້ງານເທັກໂນໂລຍີຂັ້ນສູງ.

HUAWEI nova 3 ມາພ້ອມກັບໜ່ວຍປະເມີນຜົນປະສິດທິພາບສູງ Kirin 970, ທັງຍັງມີໜ່ວຍປະເມີນຜົນປັນຍາປະດິດ NPU, ໂດຍໃຊ້ ສະຖາປັດຕະຍາກຳ ຄອມພິວເຕີ້ Huawei HiAI, ເມື່ອທຽບກັບ ໜ່ວຍປະເມີນຜົນແບບເດີມ ຈະມີປະສິດທີພາບການໃຊ້ພະລັງງານດີຂຶ້ນ 50ເທົ່າ ແລະ ປະສິດທິພາບການໃຊ້ງານດີຂຶ້ນອີກເຖິງ 25ເທົ່າ, ໃນຂະນະທີ່ AI ປະເມີນຜົນຈະມີອັດຕາສ່ວນຂອງປະສິດທິພາບການໃຊ້ພະລັງງານທີ່ດີຍິ່ງຂຶ້ນ.

HUAWEI nova 3i ມາພ້ອມກັບໜ່ວຍປະມວນຜົນ Kirin 710 SoC 12nm ເປັນຊິບເຊັດໃໝ່ ແລະ ຖືເປັນຄັ້ງທຳອິດທີ່ນຳເຂົ້າມາໃຊ້ໃນສະມາດໂຟນສຳລັບຊິບເຊັດນີ້, ພ້ອມໜ່ວຍປະມວນຜົນຮູບພາບທີ່ໄດ້ມີການປັບປຸງ ແລະ ພັດທະນາໃໝ່ (ISP), ໃນຂະນະດຽວຍັງໄດ້ເສີມໜ່ວຍປະມວນຜົນຮູບພາບສະເພາະອີກກໍ່ຄື (DSP) ເຮັດໃຫ້ຄຸນນະພາບໃນການຖ່າຍຮູບນັ້ນດີຍິ່ງໆຂຶ້ນ.

ນອກຈາກນີ້ແລ້ວ, ເພື່ອເຮັດໃຫ້ຜູ້ໃຊ້ງານມີປະສົບການຫຼິ້ນເກມໄດ້ມ່ວນ ແລະ ລື່ນໃຫຼດີກວ່າເກົ່າ HUAWEI nova 3 ແລະ HUAWEI nova 3i ມີການຕິດຕັ້ງ GPU Turbo (ເທັກໂນໂລຢີ້ເລັ່ງການປະມວນຜົນກຮາບຟິກ), ພ້ອມຍັງໄດ້ຕິດຕັ້ງອຸປະກອນຊ່ວຍເລັ່ງຄວາມໄວເຄືອຂ່າຍ, ໃນຂະນະຜູ້ຊົມໃຊ້ຫຼິ້ນເກມຟອມໃຫຍ່ຫຼັກໆ, ຄວາມໄວໃນການປະມວນຜົນກຮາບຟິກຈະດີຂຶ້ນຫຼາຍ, ແລະ ສາມາດຮັບປະກັນຄວາມຊັດເຈນ ແລະ ຄວາມລື່ນໄຫຼຂອງຄຸນນະພາບຂອງພາບໄດ້.

 

    ທາງດ້ານຂອງຊອບແວ, Huawei nova 3 ແລະ Huawei nova 3i ມີການຕິດຕັ້ງ Android O ທີ່ໄດ້ພັດທະນາລະບົບປະຕິບັດການ EMUI 8.2 ໃໝ່ລ້າສຸດ. ເພື່ອໃຫ້ໄດ້ສຳພັດກັບປະສົບການໃຊ້ງານ AI, EMUI 8.2 ໄດ້ສ້າງສະພາບແວດລ້ອມຂອງລະບົບໄດ້ຢ່າງສົມບູນແບບ, ເພື່ອໃຫ້ AI ເປັນໄດ້ຫຼາຍໆຢ່າງຍິ່ງຂຶ້ນໃຫ້ກັບຜູ້ໃຊ້ງານ.

ຂໍ້ມູນກ່ຽວກັບ Huawei Consumer BG

ຫົວເຫວີຍມີການຈຳໜ່າຍສິນຄ້າ ແລະ ການບໍລິການຢູ່ໃນ 170 ປະເທດໃນທົ່ວໂລກ ແລະ ມີປະຊາກອນ 1 ໃນ 3 ຂອງໂລກນຳໃຊ້ຜະລິດຕະພັນຂອງຫົວເຫວີຍ. ມີສູນວິໄຈ ແລະ ພັດທະນາ 15 ແຫ່ງໃນທົ່ວໂລກບໍ່ວ່າຈະເປັນ ອາເມລິກາ, ເຢຍລະມັນ, ສະວີເດັນ, ລັດເຊຍ, ອິນເດຍ ແລະ ຈີນ. Huawei Consumer BG ເປັນໜື່ງໃນ 3 ທຸລະກິດຫຼັກຫົວເຫວີຍ ເຊິ່ງກວມເອົາ ສະມາດໂຟນ, PC, tablets, ອຸປະກອນເສີມ, ການບໍລິການ Cloud ແລະ ອື່ນໆ.  

ເຄືອຂ່າຍໂທລະຄົມມະນາຄົມໃນທົ່ວໂລກຂອງຫົວເຫວີຍແມ່ນສ້າງຂື້ນຈາກປະສົບການເກືອບ 30 ປີ ເຊິ່ງມີຈຸດມຸ້ງໝັ້ນໃຫ້ຜູ້ບໍລິໂພກໄດ້ນຳໃຊ້ເທັກໂນໂລຢີທີ່ທັນສະໃໝທີ່ສຸດ. 

ເຫັນສະເປັກທັງສອງລຸ້ນນີ້ແລ້ວຕ້ອງບອກວ່າເປັນສະມາດໂຟນທີ່ໜ້າຊື້ທີ່ສຸດໃນປີນີ້ເລີຍ ສ່ວນເລື່ອງຂອງລາຄາ ແລະ ມື້ຈັດຈຳໜ່າຍຢ່າງເປັນທາງການຢູ່ໃນປະເທດລາວຂອງ Huawei nova 3 ແລະ Huawei nova 3i ຄາດວ່າເຮົາຈະໄດ້ຮູ້ກັນແນ່ນອນໃນໄວໆນີ້ ແລະ ທາງເຮົາຈະມາລາຍງານໃຫ້ທັນທີເດີ້.