ສະເຕີລິງຖອນໂຕສິງໂຕດຶງແອນດຣອສມາແທນ

 

ເອຟເອ ເຜີຍວ່າ ແອນດຣອສ ທາວເຊັ້ນ ປີກຈາກ ຄຣິສຕັນ ພາເຫຼດ ໄດ້ຖືກເອີ້ນໂຕຕິດທີມແທນທີ່ ຣາຮິມ ສະເຕີລິງ ປີກຂອງ ແມນຊີຕີ້ ເຊິ່ງຖອນໂຕໄປເພາດເຈັບບໍລິເວນຕົ້ນຂາໂດຍທີ່ ສະເຕີລິງ ຖືເປັນອີກຄົນໜຶ່ງທີ່ຕ້ອງຖອນໂຕຈາກທັບ “ສິງໂຕນຳ້ເງິນຄາມ” ຕໍ່ຈາກ ອະດຳ ລັນລານ້າ ກອງກາງຂອງ ລີເວີພູ.

 

ສະມາຄົມບານເຕະອັງກິດ ຫຼື ເອຟເອ ປະກາດວ່າ ແອນດຣອສ ທາວເຊັ້ນ ປີກຂອງ ຄຣິສຕັນ ພາເຫຼດ ສະໂມສອນດັງໃນ ພຣີເມຍລີກ ໄດ້ຖືກເອີ້ນໂຕເຂົ້າມາຕິດທີມຊາດອັງກິດຊຸດລຸຍບານໂລກ 2018 ຮອບຄັດເລືອກໂຊນເອີຣົບ ກຸ່ມເອຟ ເປັນທີ່ຮຽບຮ້ອຍແລ້ວ ຫຼັງຈາກທີ່ ຣາຮິມ ສະເຕີລິງ ປີກດາວດັງຈາກ ແມນເຊສເຕີ້ ຊີຕີ້ ເຈັບຕົ້ນຂາຈົນຕ້ອງຂໍຖອນໂຕໄປ.

 

ສະເຕີລິງ ຖືເປັນນັກເຕະອີກຄົນໜຶ່ງທີ່ຕ້ອງຖອນໂຕອອກຈາກທີມຊາດອັງກິດຊຸດດວນກັບ ມອນຕ້າ ແລະ ສະໂລວິເນຍ ໃນວັນທີ 8 ຕຸລາກັບ 11 ຕຸລານີ້ຕາມລຳດັບ ຫຼັງຈາກທີ່ ລັນລານ້າ ກອງກາງຂອງ ລີເວີພູ ກໍຂໍຖອນໂຕໄປກ່ອນແລ້ວ.

 

ທັງນີ້ຖືເປັນຄັ້ງທຳອິດຕັ້ງແຕ່ຊ່ວງອຸ່ນເຄື່ອງກ່ອນຮອດລາຍການ ຢູໂຣ 2016 ທີ່ທາວເຊັ້ນໄດ້ຕິດທັບ “ສິງໂຕນຳ້ເງິນຄາມ” ໂດຍເຂົາລົງຫຼິ້ນໃຫ້ບ້ານເກີດໄປແລ້ວທັງໝົດ 11 ນັດ ແລະ ຍິງໄດ້ 3 ປະຕູ.