ສະເຕັນສັນເທບ!!ຊິງລາງວັນສະມາຄົມນັກຂ່າວໄປຄອງ

 

ເຮັນຣິກ ສະເຕັນສັນ ກ້ານເຫຼັກຈາກສະວີເດັນ ໄດ້ລາງວັນນັກກອຟດີເດັ່ນແຫ່ງປີຂອງສະມາຄົມນັກຂ່າວກິລາກອຟໄປຄອບຄອງ ພ້ອມກັບເປີດໃຈດີໃຈສຸດກັບຄວາມສຳເລັດຂອງຕົນເອງ.

 

ເຮັນຣິກ ສະເຕັນສັນ ໂປຣກອຟຊາຍເລືອດສະວີດິດໄດ້ລາງວັນນັກກອຟດີເດັ່ນແຫ່ງປີຂອງສະມາຄົມນັກຂ່າວກິລາກອຟ “ກອຟ ໄຣເຕີ ໂທຣຟີ” ປະຈໍາປີ 2016 ໄປຄອບຄອງຫຼັງຈາກທີ່ໂຊຟອມໄດ້ຮ້ອນແຮງສຸດຍອດ.

 

ສະເຕັນສັນ ເຮັດຜົນງານໄດ້ໜ້າປະທັບໃຈໃນປີນີ້ຈົນເຖິງຂັ້ນໄດ້ແຊມ ເມເຈີ ລາຍການ ດິ ໂອເພັນ ແຊມປຽນຊິບ ໄປຄອງໂດຍມັນນັບເປັນແຊມ ເມເຈີ ລາຍການທຳອິດຂອງເຂົາເຊິ່ງຜົນງານດັ່ງກ່າວເຮັດໃຫ້ເຂົາໄດ້ລາງວັນອັນຊົງກຽດນີ້ໄປຄອງເອົາຊະນະຜູ້ແຂ່ງຂັນຄົນອື່ນໆຄື ແດນນີ ວິວເລັດ, ຈັສຕິນ ໂຣສ ແລະ ອະເລັກ ໂນເຣນ ໄປໄດ້.

 

ທັງນີ້ ສະເຕັນສັນ ເຊິ່ງໄດ້ລາງວັນນີ້ເປັນສະໄໝທີ 2 ກ່າວວ່າຮູ້ສຶກດີໃຈຢ່າງຍິ່ງກັບຄວາມສຳເລັດຕ່າງໆຂອງເຂົາ “ມັນເປັນເລື່ອງທີ່ດີທີ່ໄດ້ຮັບເລືອກໃນຄັ້ງນີ້ ແລະ ຂ້ອຍເອງກໍຮູ້ສຶກເປັນກຽດທີ່ໄດ້ລາງວັນນີ້ເປັນສະໄໝທີ 2 ມັນເປັນລະດູການທີ່ດີສຳລັບຂ້ອຍກັບການໄດ້ແຊມ ເມເຈີ ເປັນຄັ້ງທຳອິດທີ່ ຣໍຢໍ ໄທຄູນ, ໄດ້ແຊມລາຍການ ບີເອັນດັບເບິນຢູ ອິນເຕີ ເນຊັນແນວ ໃນເຢຍລະມັນ, ໄດ້ຫຼຽນເງິນໃນ ຣິໂອ ເກມ ແລະ ເປັນແຊມໃນ ເຣດສ໌ ທູ ດູໄບ ອີກ”.