ສະຫຼົດ!!ອະດີດແຄ່ງຄອສຕາຣິກາເສຍຊີວິດຈາກການແຂ່ງມິນິມາຣາທອນ

 

ກາບຽວ ບາດີຢາ ອະດີດກອງຫຼັງຄອສຕາຣິກາ ສະລົບຕອນແຂ່ງມິນິມາຣາທອນຈົນສິ້ນລົມໃນທີ່ສຸດໂດຍທີ່ບາງຝ່າຍເບິ່ງວ່າມັນເປັນຄວາມຜິດຂອງຝ່າຍຈັດການແຂ່ງຂັນກັບຝ່າຍແພດທີ່ໃຊ້ເວລາດົນກວ່າຈະມາຮອດບ່ອນເກີດເຫດ.

 

ກາບຽວ ບາດີຢາ ອະດີດກອງທີມຊາດຄອສຕາຣິກາເສຍຊີວິດລົງດ້ວຍອາຍຸ 32 ປີຫຼັງຈາກທີ່ເຂົາເປັນລົມລະຫວ່າງການແຂ່ງຂັນມິນິມາຣາທອນໄລຍະທາງ 10 ກິໂລແມັດ.

 

ທັງນີ້ ກາບຽວ ລົ້ມລົງໄປນອນກັບພື້ນກ່ອນທີ່ຈະຮອດເສັ້ນໄຊປະມານ 200 ແມັດໂດຍເຂົານອນນິ້ງຢູ່ແບບນັ້ນເປັນເວລາຫຼາຍກວ່າ 20 ນາທີກ່ອນທີ່ລົດໂຮງໝໍຈະເດີນທາງມາຮອດຈຸດເກີດເຫດ ແລະ ເຖິງວ່າທີມແພດຈະພະຍາຍາມຢ່າງເຕັມທີ່ແຕ່ສຸດທ້າຍກໍບໍ່ສາມາດຊ່ວຍຊີວີດຂອງເຂົາໄວ້ໄດ້ຈົນເຮັດໃຫ້ເຂົາເສຍຊີວິດໃນອີກປະມານ 40 ນາທີໃຫ້ຫຼັງ.

 

ສຳລັບ ບາດີຢາ ນັ້ນຫຼິ້ນໃຫ້ທີມຊາດຄອສຕາຣິກາທັງໝົດ 25 ນັດ ແລະ ຍິງໄດ້ 1 ປະຕູນອກຈາກນີ້ເຂົາຢູ່ໃນທີມຊຸດເຮັດເສິດ ຄອນຄາເຄບ ໂກ ຄັບ 2 ເທື່ອ ແລະ ບານໂລກ 2006 ພ້ອມໂດຍໃນປີ 2013 ເຂົາເຄີຍເຂົ້າຮັບການຜ່າຕັດຫົວໃຈມາແລ້ວເຊິ່ງຄົນທີ່ຢູ່ໃນເຫດການລາຍໜຶ່ງເບິ່ງວ່າຝ່າຍຈັດການແຂ່ງຂັນ ແລະ ຝ່າຍແພດເຮັດວຽກໄດ້ຊ້າຫຼາຍ “ມັນໜ້າເຫຼືອເຊື່ອ ເຮົາຖ້າລົດໂຮງໝໍມາດົນເກີນ 20 ນາທີແລ້ວ ມັນຈະເກີດເລື່ອງແບບນີ້ບໍ່ໄດ້ ມັນບໍ່ແມ່ນຍ້ອນເຂົາເປັນຄົນດັງ ມັນເປັນເລື່ອງຄວາມຮັບຜິດຊອບ ມັນເປັນການແຂ່ງທີ່ອົງກອນເປັນຜູ້ຈັດ ແລະ ມີສະປອນເຊີພ້ອມ ການທີ່ລົດໂຮງໝໍມັນໃຊ້ເວລາດົນນານກວ່າທີ່ຈະມາຮອດບ່ອນເກີດເຫດຖືວ່າເປັນເລື່ອງທີ່ຜິດປົກກະຕະຫຼາຍໆ”.