ສະຫຼຸບຫຍໍ້ໆແຈ້ງໆ ໂອບາມາ ຊ່ວຍເຫຼືອຫຍັງແດ່ແກ່ປະເທດລາວ?

ການເດີນທາງມາຢ້ຽມຢາມ ສປປ ລາວຄັ້ງປະຫວັດສາດຂອງປະທານາທິບໍດີສະຫະລັດອາເມຣິກາ ທ່ານ ບາຣັກ ໂອບາມາ ໄດ້ຮັບການຕ້ອນຮັບຢ່າງເປັນທາງການເມື່ອ ວັນທີ 6 ກັນຍາ 2016. ໂດຍທ່ານບາຣັກໂອບາມາ ໄດ້ສະແດງຄວາມປິຕິຍິນດີເປັນຢ່າງສູງໃນການຢ້ຽມຢາມຄັ້ງນີ້ ແລະທ່ານກໍໄດ້ກ່າວວ່າລັດຖະບານສະຫະລັດອາເມຣິກາມີແຜນການຈະຊ່ວຍເຫຼືອ ສປປ ລາວໃນຫຼາຍໂຄງການດັ່ງນີ້: 

ໍ+ ໂຄງການ​ເກັບ​ກູ້ລະເບີດບໍ່ທັນແຕກໃນມູນຄ່າ 90 ລ້ານໂດລາໃນໄລຍະ 3 ປີ
+ ໂຄງ​ການອາຫານຢູ່ໂຮງຮຽນ ໃນມູນຄ່າ 27 ລ້ານໂດລາ ສຳລັບໄລຍະ 5 ປີ
+ ໂຄງ​ການ​ອະ​ນາໄມຊຸມຊົນ ແລະ ອາຫານສຳລັບແມ່ ແລະ ເດັກ ໃນມູນຄ່າ 6 ລ້ານໂດລາສະຫະລັດ ໃນ​ໄລຍະ 3 ປີ.
 

ນອກຈາກນັ້ນ ທັງສອງຝ່າຍກໍໄດ້ຮ່ວມລົງນາມ.....
+ ບົດບັນທຶກວ່າດ້ວຍ ການ​ຮ່ວມມືລະຫວ່າງ ກະຊວງສາທາລະນະສຸກ ແລະ ມະຫາວິທະຍາໄລ ໂອເຣກອນ ກ່ຽວກັບການ​ປຸກສ້າງ ສະຖາບັນໂພຊະນາການ, 
+ ບົດບັນທຶກວ່າດ້ວຍ ການຮ່ວມມືລະຫວ່າງ ບໍລິສັດໄຟຟ້າລາວ ແລະ ບໍລິສັດ ເຈເນຣັນ ເອເລັກຕຣິກ ກ່ຽວກັບໂຄງການ ປັບປຸງຕາຂ່າຍໄຟຟ້າແຮງສູງ 
+ ບົດບັນ​ທຶກ​ວ່າ ດ້ວຍການຮ່ວມມື ລະຫວ່າງ ບໍລິສັດ ໄມໂຄຣຊັອບ ແລະ ກະຊວງສຶກສາທິການ ແລະ ກິລາ ນັບທັງ ກະຊວງໄປສະນີ, ໂທລະຄົມມະນາຄົມ ແລະ ການສື່ສານກ່ຽວກັບ ການ​ສະໜອງທຶນສຶກສາ​ຜ່ານຫລັກສູດອອນລາຍ ຈຳນວນ 2.500 ທຶນ.
ແຫຼ່ງຂໍ້ມູນ: ຂປລ
Photo Cr: AP Photo/Carolyn Kaster)

ບົດຄວາມໃຫມ່ໆ