ສະຫຼຸບຜົນການສອບເສັງນັກຮຽນເກັ່ງຊັ້ນປະຖົມ (ປໍ5) ທົ່ວປະເທດສົກປີ 2016-2017

ການສອບເສັງນັກຮຽນເກັ່ງຊັ້ນປະຖົມ (ປໍ5) ທົ່ວປະເທດສົກປີ 2016-2017 ໄດ້ຈັດຂຶ້ນໃນວັນທີ 27 ເມສາ 2017 ຜ່ານມາ ທີ່ສະຖາບັນຄົ້ນຄວ້າວິທະຍາສາດການສຶກສາແຫ່ງຊາດ (ສວສ) ນະຄອນຫຼວງ ວຽງຈັນໂດຍມີນັກຮຽນເກັ່ງຊັ້ນປະຖົມຕົວແທນຈາກ 17 ແຂວງ ແລະ 1 ນະຄອນຫຼວງເຂົ້າຮ່ວມແຂ່ງຂັນ ທັງໝົດມີ 53 ຄົນ, ຍິງ 37 ຄົນ.

ຜົນການແຂ່ງຂັນປາກົດວ່າ: ນະຄອນຫຼວງຍັງຕິດອັນດັບຕົ້ນໆຂອງແຕ່ ລະວິຊາ, ຮອງລົງມາແມ່ນສະຫວັນນະເຂດ, ຊຽງຂວາງ, ຈຳປາສັກ,ໄຊຍະບູລີ ຕາມລຳດັບ.

ສຳລັບວິຊາພາສາລາວ ອັນດັບທີ1 ໄດ້ແກ່ ນາງ ສີຣິຕາ ທາວົງສ໌ ຈາກໂຮງຮຽນ ນິຣະດາ ຈອມເພັດ ເມືອງສີສັດຕະນາກ ນະຄອນຫຼວງວຽງຈັນ; ອັນດັບ2 ຕົກເປັນຂອງນາງ ທິບສະໄໝ ບຸດວິເສດ ຈາກໂຮງຮຽນ ແຮກມານ ເມືອງປາກເຊ ແຂວງຈຳປາສັກ; ອັນດັບ3 ນາງ ພອນທິດາ ສີຫາວົງ ສັງກັດ ໂຮງຮຽນສະຫວ່າງຫຼັກ3 ເມືອງໄກສອນພົມວິຫານ ແຂວງສະຫວັນນະເຂດ.

ສ່ວນວິຊາຄະນິດສາດ ອັນດັບທີ1 ນາງ ສຸພອນສິລິ ຄຳມະນີ ສັງກັດໂຮງຮຽນສິນໄຊ ເມືອງຈັນ ທະບູລີ ນະຄອນຫຼວງວຽງຈັນ; ອັນດັບ2 ນາງ ທິບເກສອນ ສຸກຄຳທັດ ຈາກໂຮງຮຽນໂຖງເຢິດ ເມືອງໄກ ສອນພົມວິຫານ ແຂວງສະຫວັນນະເຂດ; ອັນດັບ3 ນາງ ຕຸກ ພັນທະວົງ ໂຮງຮຽນ ເຈນນິດາ ເມືອງແປກ ແຂວງຊຽງຂວາງ.

ຂະນະທີ່ ວິຊາໂລກອ້ອມຕົວ ອັນດັບທີ1 ນາງ ສຸກຈະເລີນ ໄຊຍະວົງ ຈາກໂຮງຮຽນ ເຈນນິດາ ເມືອງແປກ ແຂວງຊຽງຂວາງ; ອັນດັບ2 ທ້າວ ອະພິໄຊ ວົງໄຊ ສັງກັດໂຮງຮຽນ ຊະນະພົນ ເມືອງ ສີໂຄດຕະບອງ ນະຄອນຫຼວງວຽງຈັນ; ອັນດັບ3 ທ້າວ ນຳ ສີວິໄລ ມາຈາກໂຮງຮຽນ ບ້ານດອນ ເມືອງ ປາກລາຍ ແຂວງໄຊຍະບູລີ.

ຂໍ້ມູນຈາກ: ຂ່າວເສດຖະກິດ-ການຄ້າ Lao Economic Daily