ສະຫຼອງວັນສາກົນ ແຫ່ງການລົບລ້າງຄວາມບໍ່ຮູ້ໜັງສື ຄົບຮອບ 50 ປີ

ສານ​ຂອງ​ທ່ານນາງ Irina BOKOVA ຜູ້ອຳນວຍການ​ໃຫຍ່ ອົງການ​ອຸຍ​ແນສ​ໂກ ປະຈຳ​ລາວ ໄດ້​ກ່າວ​ເນື່ອງ​ໃນ​ໂອກາດ​ວັນ​ສາກົນ​ ແຫ່ງ​ການ​ລົບ​ລ້າງ​ຄວາມ​ບໍ່​ຮູ້ໜັງສື ຄົບຮອບ 50 ປີ (8/9/1965-8/9/2015) ວ່າ: ວັນ​ທີ 8 ກັນຍາ​ຂອງ​ທຸກໆ​ປີ ພວກ​ເຮົາ​ໄດ້ຍົກ​ຄັນ​ທຸງ​ ການ​ລົບ​ລ້າງ​ຄວາມ​ບໍ່ຮູ້​ໜັງສື​ຄື​ກັນ​ກັບ​ສິດທິ​ມະນຸດ ເປັນ​ການ​ບັງຄັບ ເພື່ອ​ກຽດ​ສັກ​ສີ ແລະ ເປັນ​ພື້ນຖານ​ຂອງ​ສັງຄົມທີ່​ໝັ້ນຄົງ ແລະ ການ​ພັດທະນາທີ່​ຍືນ​ຍົງ.

ສານ​ນີ້​ມີ​ຄວາມ​ໝາຍ​ສຳຄັນຫຼາຍ ໂດຍ​ສະເພາະ​ປີ​ນີ້ ເມື່ອ​ບັນດາ​ລັດ​ພາຄີ​ຈະ​ຮັບຮອງ​ເອົາ​ວາລະ​ໃໝ່​ສຳລັບ​ການ​ສຶກ​ສາ ແລະ ການ​ພັດທະນາ ເພື່ອ​ເປັນ​ແນວທາງ​ຕໍ່​ໄປ​ອີກ 15 ປີ ການ​ສົ່ງເສີມການ​ຮຽນ​ຮູ້​ໜັງສື ຕ້ອງ​ເປັນ​ໝາກຫົວໃຈ​ຂອງ​ວາລະ​ໃໝ່​ນີ້ ໂດຍການ​ສ້າງ​ຄວາມ​ເຂັ້ມແຂງ​ຂອງແມ່ຍິງ ແລະ ຜູ້​ຊາຍ​ແຕ່ລະຄົນ ການ​ຮຽນ​ຮູ້​ໜັງສື​ຊ່ວຍ​ສົ່ງເສີມ ການ​ພັດທະນາ​ແບບ​ຍືນ​ຍົງ ຜ່ານຄະນະ​ກຳມະການ-ຈາກ​ການ​ໃຫ້ເບິ່ງແຍງ​ສຸຂະພາບ​ທີ່​ດີ​ກວ່າ ແລະ ອາຫານ​ທີ່​ປອດ​ໄພ ເພື່ອການ​ຫຼຸດຜ່ອນ​ຄວາມທຸກ​ຍາກ ແລະ ການ​ສົ່ງເສີມ​ການ​ເຮັດວຽກ​ທີ່​ເໝາະ​ສົມ.

ໄດ້​ມີ​ຄວາມ​ຄືບ​ໜ້າ​ໃນ​ທົ່ວໂລກ ​ນັບ​ແຕ່​ປີ 2000 ເປັນຕົ້ນ​ມາ ແຕ່​ວ່າ​ສິ່ງ​ທ້າ​ທາຍ​ຍັງ​ຄົງ​ມີ​ຢູ່​ສູງ ປັດຈຸບັນ​ຜູ້​ໃຫຍ່ 757 ລ້ານ​ຄົນ ຍັງ​ຂາດ​ຄວາມ​ສາມາດ​ໃນ​ການຮຽນ​ຮູ້​ໜັງສື​ຂັ້ນ​ພື້ນຖານ ໃນ​ນີ້ 2 ສ່ວນ 3 ແມ່ນ​ແມ່ຍິງ​ຈຳນວນເດັກ​ທີ່​ອອກ​ໂຮງຮຽນ ແລະ ໄວໜຸ່ມ​ແມ່ນ​ເພີ່ມ​ຂຶ້ນ ປະມານ 124 ລ້ານ​ຄົນໃນ​ທົ່ວ​ໂລກ ໃນ​ຂະນະທີ່​ເດັກນ້ອຍ​ທີ່​ຮຽນ​ໜັງສື​ຊັ້ນ​ປະຖົມ 250 ລ້ານ​ຄົນແມ່ນ​ເສັງ​ຕົກ ເຖິງ​ວ່າ​ຕົ້ນ​ແບບ​ທັກ​ສະການ​ຮຽນຮູ້​ຢູ່​ໃນ​ໂຮງຮຽນ.

ພວກ​ເຮົາ​ບໍ່​ສາມາດ​ອະນຸຍາດໃຫ້​ສິ່ງ​ນີ້​ສືບຕໍ່​ໄປ​ໄດ້ ການ​ຮຽນ​ຮູ້ໜັງສື​ເປັນ​ສິ່ງ​ຈຳເປັນ ເພື່ອ​ບັນລຸເປົ້າ​ໝາຍ​ການ​ພັດທະນາ​ແບບຍືນ​ຍົງ ເພື່ອ​ສົ່ງເສີມ​ການ​ສຶກ​ສາຮຽນ​ຮ່ວມ ແລະ ຄວາມ​ສະເໝີພາບ​ທີ່​ມີ​ຄຸນະພາບ ແລະ ການຮຽນ​ຮູ້​ຕະຫຼອດ​ຊີວິດເພື່ອ​ທຸກ​ຄົນ.

ນີ້​ແມ່ນ​ສານ​ຂອງ​ອົງການ​ອຸຍແນສ​ໂກ​ ກ່ຽວ​ກັບ​ວັນ​ສາກົນ​ແຫ່ງການ​ລົບ​ລ້າງ​ຄວາມ​ບໍ່​ຮູ້​ໜັງສື ເພື່ອ​ອະນຸຍາດ​ໃຫ້​ແມ່ຍິງ ແລະ ຜູ້​ຊາຍ​ທຸກ​ຄົນ​ມີ​ສ່ວນ​ຮ່ວມ​ຢ່າງເຕັມ​ສ່ວນ​ໃນ​ສັງຄົມ​ຂອງ​ພວກເຂົາ ພວກ​ເຮົາ​ຈຳເປັນ​ຕ້ອງ​ມີການ​ລົງທຶນ​ທີ່​ຫຼາຍ​ຂຶ້ນ ແລະ ມີນະໂຍບາຍ​ທີ່​ມີ​ປະສິດທິພາບຫຼາຍ​ຂຶ້ນ ເພື່ອ​ການ​ປູກຝັງ​ການກະທຳ​ສຳລັບ​ການ​ຮຽນ​ຮູ້​ໜັງສື ພາຍ​ໃນ​ນະໂຍບາຍ​ການ​ພັດ​ທະນາ​ທີ່​ກວ້າງ​ຂຶ້ນ ການ​ສະໜັບ​ສະໜູນ​ໂດຍ​ກົນ​ໄກ​ວິທີ​ການ​ໃໝ່ ​ທີ່ສ້າງ​ການ​ຮ່ວມ​ມື​ໃນ​ທາງ​ທີ່​ດີ ຜ່ານທຸກ​ຂົງເຂດ​ນະໂຍບາຍ​ທີ່​ມີ​ຄວາມສຳຄັນ ​ຕໍ່​ການ​ສ້າງ​ສັງຄົມ​ທີ່​ມີ​ຄວາມ​ໝັ້ນຄົງ​ເພີ່ມ​ຂຶ້ນນີ້​ ເປັນ​ສິ່ງ​ຈຳເປັນ​ຕໍ່​ຄວາມ​ພະຍາຍາມທັງ​ໝົດ ​ທີ່​ຈະ​ສ້າງ​ອະນາຄົດ​ທີ່​ດີ​ກວ່າ​ເພື່ອ​ທຸກ​ຄົນ ບົນ​ພື້ນຖານ​ຂອງ​ສິດທິ​ມະນຸດ ແລະ ກຽດ​ສັກ​ສີ.

..............................................................................................................................................................

ທີ່ມາ : http://www.vientianemai.net/