ສະຫວັນນະເຂດ ເປີດສະໜາມແຂ່ງລົດຈັກວິບາກ ແລະ ອ໊ອຟໂຣ໋ດ

 

ພິ­ທີ​ເປີດ​ສະ­ໜາມ​ແຂ່ງ­ຂັນ​ລົດ­ຈັກ​ວິ­ບາກ ແລະ​ລົດ​ອ໊ອຟ​ໂຣ໋ດ ໄດ້​ຈັດ​ຂຶ້ນ​ໃນ​ວັນ​ທີ 29 ພະ­ຈິກ 2015 ທີ່​ສະ­ໜາມ​ແຂ່ງ­ຂັນ ບ້ານ​ດົງ​ຄຳ​ຫຼວງ (ກິ­ໂລ­ແມັດ​ທີ 18)

ເມືອງ​ໄກ­ສອນ​ພົມ­ວິ­ຫານ ແຂວງ​ສະ­ຫວັນ​ນະ​ເຂດ ໂດຍ​ການ​ເຂົ້າ​ຮ່ວມ​ຂອງ​ທ່ານ ຖາ­ວອນ ອິນ​ສີ​ຊຽງ​ໃໝ່ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ​ກິ­ລາ​ແຂວງ, ມີ​ບັນ­ດາ​ຄະ­ນະ​ນຳ​ນັກ​ກິ­ລາ​ຈາກ​ພາກ­ສ່ວນ​ຕ່າງໆ ທັງ​ພາຍ​ໃນ ແລະ​ຕ່າງ­ປະ­ເທດ​ເຂົ້າ​ຮ່ວມ.
   ສະ­ໜາມ​ແຂ່ງ​ລົດ​ແຫ່ງ​ດັ່ງ­ກ່າວ ທາງ​ສະ­ໂມ­ສອນ​ລົດ­ຈັກ​ວິ­ບາກ ແລະ​ລົດ​ອ໊ອຟ​ໂຣ໋ດ ໄດ້​ຮ່ວມ​ກັນ​ສ້າງ​ຂຶ້ນ ເພື່ອ​ເປັນ​ສ່ວນ​ໜຶ່ງ​ໃນ​ການ​ປະ­ກອບ­ສ່ວນ​ເຮັດ​ໃຫ້​ວຽກ​ງານ​ກີ­ລາ​ປະ­ເພດ​ລົດ­ຈັກ​ວິ­ບາກ ແລະ ລົດ​ອ໊ອຟ​ໂຣ໋ດ (ລົດ​ກະ­ບະ​ຍົກ​ສູງ) ໄດ້​ມີ​ສະ­ໜາມ​ແຂ່ງ­ຂັນ ອີກ​ອັນ​ໜຶ່ງ​ກໍ່​ເພື່ອ​ເປັນ​ການ​ປະ­ກອບ­ສ່ວນ​ໃນ​ການ​ສະ­ເຫຼີມ­ສະ­ຫຼອງ​ວັນ­ຊາດ 2 ທັນ­ວາ ຄົບ­ຮອບ 40 ປີ ໃຫ້​ມີ​ບັນ­ຍາ­ກາດ​ເບີກ­ບານ​ມ່ວນ­ຊື່ນ. ໃນ​ພິ­ທີ​ເປີດ​ສະ­ໜາມ​ໃນ​ຄັ້ງ​ນີ້ ທາງ​ສະ­ໂມ­ສອນ ກໍ່​ໄດ້​ເຊີນ​ບັນ­ດາ​ນັກ​ແຂ່ງ­ຂັນ ຈາກ​ຫຼາຍ​ພາກ­ສ່ວນ​ສັນ​ໃຈ ແລະ​ເຂົ້າ​ຮ່ວມ​ແຂ່ງ­ຂັນ​ເປັນ​ຈຳ­ນວນ​ຫຼາຍ ເປັນ­ຕົ້ນ: ຈາກ​ນະ­ຄອນ­ຫຼວງ​ວຽງ​ຈັນ, ຄຳ​ມ່ວນ ແລະ​ສະ­ຫວັນ​ນະ​ເຂດ ພ້ອມ​ນັ້ນ​ຍັງ​ມີ​ນັກ​ແຂ່ງ​ລົດ​ຈາກ​ປະ­ເທດ​ໄທ ກໍ່​ໄດ້​ນຳ​ເອົາ​ລົດ​ເຂົ້າ​ຮ່ວມ​ແຂ່ງ­ຂັນ​ໃນ​ຄັ້ງ​ນີ້​ດ້ວຍ.
   ໃນ​ການ​ແຂ່ງ­ຂັນ ໄດ້​ແບ່ງ​ອອກ 2 ປະ­ເພດ​ຄື: ປະ­ເພດ​ລົດ​ອ໊ອຟ​ໂຣ໋ດ ແລະ​ລົດ­ຈັກ​ວິ­ບາກ ໃນ​ນັ້ນ ລົດ­ຈັກ​ວິ­ບາກ ລວມ​ມີ 33 ຄັນ, ຈາກ​ສະ­ຫວັນ​ນະ​ເຂດ 8 ຄັນ, ວຽງ​ຈັນ 3 ຄັນ ແລະ​ຈາກ​ລາ­ຊະ​ອາ­ນາ­ຈັກ​ໄທ 22 ຄັນ, ສ່ວນ​ລົດ​ອ໊ອຟ​ໂຣ໋ດ ປະ­ກອບ​ດ້ວຍ ຈາກ​ສະ­ຫວັນ​ນະ​ເຂດ 15 ຄັນ, ຄຳ​ມ່ວນ 3 ຄັນ ແລະ​ລາ­ຊະ​ອາ­ນາ­ຈັກ​ໄທ 15 ຄັນ ເຊິ່ງ​ການ​ແຂ່ງ­ຂັນ ໄດ້​ສ້າງ​ຄວາມ​ຕື່ນ­ເຕັ້ນ​ແກ່​ຜູ້​ເຂົ້າ​ຮ່ວມ​ຊົມ ແລະ​ຮ່ວມ​ເຊຍ​ຢ່າງ​ຄັບ­ຄາ​ໜາ​ແໜ້ນ.

 

 

ບົດຄວາມໃຫມ່ໆ