ສະຫລຸບຄະດີໂຫດ! ຕຳແລ້ວຫນີສຸດສະເທືອນໃຈ

ກາຍເປັນປະເດັນຂ່າວທີ່ໂດ່ງດັງ ແລະສະເທືອນໃຈທີ່ສຸດໃນເວລານີ້ ເມື່ອວັນທີ 6 ກໍລະກົດ ເວລາປະມານ 5:50 ໄດ້ເກີດອຸບັດເຫດລົດຮຸນໄດແລ່ນມາດ້ວຍຄວາມໄວເຂົ້າມາເກາະເອົາລົດຈັກ ຮອນດາເວັບ ເລກທະບຽນ ຍຜ 7332 ທີ່ມີແມ່ລູກຂັບຊ້ອນກັນມາ ເຮັດໃຫ້ຮ່າງຂອງຜູ້ຂັບຖືກລົດລາກໄປກວ່າ 50ແມັດ ກ່ອນຈະເສຍຊີວິດຄາທີ່ ເຊິ່ງດຽວກັບຜູ້ຊ້ອນທ້າຍ. ພາຍຫລັງໄດ້ຮູ້ຊື່ຜູ້ຕາຍແມ່ນນາງ ທິບພະຈັນ ອາຍຸ 35ປີ ອາຊີບ ພະນັກງານຄູ ແລະນາງ ຮັນນີ ອາຍຸ 8ປີຜູ້ເປັນລູກສາວ . ທີ່ໂຊກຮ້າຍໄປກວ່ານັ້ນລົດທີ່ພາກຊີວິດຂອງສອງແມ່ລູກໄດ້ຫລົບຫນີຄວາມຜິດໄປໃນຂະນະເກີດອຸບັດເຫດ ແຕ່ໂຊກດີເທວະດາຂາຍຫນ້າຄົນບໍ່ດີ ກ້ອງວົງຈອນປິດບໍລິເວນດັ່ງກ່າວໄດ້ບັນທຶກເຫດການທີ່ເກີດຂຶ້ນໄວ້ຢ່າງລະອຽດ ຈິ່ງໄດ້ຮູ້ວ່າ ລົດຄັນທີ່ຕຳແລ້ວຫນີ ແມ່ນຍີ່ຫໍ້ແດຮັນ ເລກທະບຽນ ກຍ7780 ສະນັ້ນ, ໃນວັນທີ 8ກໍລະກົດ ເຈົ້າຫນ້າທີ່ຈຶ່ງໄດ້ຈັບຕົວຄົນຂັບໄດ້ ຊື່ວ່າທ້າວ ວິສະຫວັດ ອາຍຸ 27ປີ ພະນັກງານຂັບລົດໃຫ້ກັບບໍລິສັດຕັດຫຍິບອຳປີ. ພາຍຫລັງເກີດເຫດຜູ້ກ່ຽວມາເຈຕະນາຫລົບຫນີຄວາມຜິດຢ່າງແທ້ຈິງ ໂດຍການເຮັດຄືບໍ່ຮູ້ບໍ່ເຫັນ ພ້ອມທັງປ່ຽນເສັ້ນທາງໃນການຂັບຂີ່. ໃນເບື້ອງຕົ້ນເຈົ້າຫນ້າທີ່ຕັ້ງຂໍ້ຫາຂັບລົດໂດຍປະຫມາດເປັນເຫດໃຫ້ຜູ້ອື່ນເສຍຊີວິດ ແລະມີເຈຕະນາຫລົບຫນີ ທັງໄດ້ດຳເນີນຄະດີຕາມລະບຽບກົດຫມາຍຕໍ່ໄປ.