ສະພາແຫ່ງຊາດ ກະກຽມພາຫະນະຮັບໃຊ້ການເລືອກຕັ້ງ ສສຊ ສສຂ

ເພື່ອເຮັດໃຫ້ການເຄື່ອນໄຫວວຽກງານດ້ານຕ່າງໆ ໃນການເລືອກຕັ້ງສະມາຊິກສະພາແຫ່ງຊາດ ຊຸດທີ VIII (ສສຊ) ແລະ ສະມາຊິກສະພາປະຊາຊົນຂັ້ນແຂວງ (ສສຂ) ມີຜົນສຳເລັດຕາມລະດັບຄາດໝາຍນັ້ນ, ຫ້ອງວ່າການສະພາແຫ່ງຊາດ ໄດ້ມີການຈັດຊື້ພາຫະນະ ຈຳນວນ 36 ຄັນ ຈາກບໍລິສັດໂຄລາວກຣຸບ ໂດຍການນຳໃຊ້ງົບປະມານເພື່ອຮັບໃຊ້ການເລືອກຕັ້ງ ເຊິ່ງໃນວັນທີ 11 ກຸມພາ ນີ້ ຢູ່ທີ່ສະພາແຫ່ງຊາດ ໄດ້ມີພິທີມອບ-ຮັບ ການຊື້ຂາຍ ພາຫະນະ ຈຳນວນດັ່ງກ່າວ ລະຫວ່າງ ຫ້ອງວ່າການສະພາແຫ່ງຊາດ ແລະ ບໍລິສັດໂຄລາວກຣຸບ. ພາຫະນະຈຳນວນນີ້ ທາງຫ້ອງວ່າການສະພາແຫ່ງຊາດ ຈະມອບໃຫ້ບັນດາເຂດເລືອກຕັ້ງຕ່າງໆ ຕາມຄວາມເໝາະສົມ

pathedlao Lao