ສະພາການຄ້າ-ອົງການແຮງານສາກົນ ຫາລືນະໂຍບາຍດ້ານການສຶກສາສີມືແຮງງານລາວ


ວັນທີ 03 ສິງຫາ 2015 ສະພາການຄ້າ ແລະ ອຸດສາຫະກໍາແຫ່ງຊາດລາວ ຮ່ວມກັບ ອົງການແຮງານສາກົນ ໄດ້ຈັດກອງປະຊຸມຫາລືຮ່າງບົດແນະນໍານະໂຍບາຍດ້ານການສຶກສາສີມືແຮງງານລາວ ທີ່ໂຮງແຮມລາວພລາຊາ ນະຄອນວຽງຈັນ ໂດຍການເປັນປະທານຂອງທ່ານ ສະໝານ ອະເນກາ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວມີຜູ້ຕາງໜ້າຈາກກະຊວງແຮງງານ ແລະ ສະຫວັດດີການສັງຄົມ ສູນກາງສະຫະພັນກໍາມະບານລາວ ກະຊວງອຸດສາຫະກໍາ
ແລະ ການຄ້າ ກະຊວງການເງິນ ກະຊວງສຶກສາທິການ ແລະ ກີລາ ອົງການແຮງງານສາກົນປະຈໍາ ສປປ.ລາວ ຄະນະບໍລິຫານງານສະມາຄົມທຸລະກິດ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ກອງປະຊຸມໃນຄັ້ງນີ້ ບັນດາຜູ້ເຂົ້າຮ່ວມໄດ້ພ້ອມກັນປຶກສາຫາລື ປະກອບຄໍາຄິດຄໍາເຫັນໃສ່ຮ່າງບົດແນະນໍານະໂຍບາຍດ້ານຕ່າງໆ ເຊິ່ງໄດ້ເນັ້ນໜັກໃສ່ 4 ພາກຄື ການສຶກສາ ການເຝິກອົບຮົມສີມືແຮງງານ ການເຂົ້າເຖິງແຫຼ່ງທຶນສະພາບແວດລ້ອມດ້ານກົດໝາຍ ແລະ ລະບຽບຫຼັກການ ການກະກຽມຄວາມພ້ອມສໍາລັບເສດຖະກິດເປີດກວ້າງ ແນໃສ່ໃຫ້ມີເນື້ອໃນຄົບຖ້ວນ ແລະ ສົມບູນ ເຊິ່ງບົດແນະນໍາສະບັບນີ້ຈະກາຍເປັນບົດແນະນໍາໃຫ້ແກ່ພັດທະນາກອນ ນັກທຸລະກິດ
ກໍຄືການຊ່ອຍເຫຼືອໃຫ້ພາກທຸລະກິດລາວ ສາມາດດໍາເນີນງານໄປໄດ້ຢ່າງມີປະສິດທິຜົນ ແລະ ຄ່ອງແຄ້ວ ທັງສອດຄ່ອງຕາມນິຕິກໍາ ແລະ ສາມາດປະຕິບັດພັນທະຕໍ່ປະເທດຊາດໄດ້ດີ ມີຄວາມພ້ອມໃນການເຂົ້າສູ່ປະຊາຄົມເສດຖະກິດອາຊຽນ ແລະສາມາດແຂ່ງຂັນກັບສາກົນໄດ້.

ທີ່ມາ CRI-FM93

ບົດຄວາມໃຫມ່ໆ