ສະປີລິດນັກກິລາ!! ສາວກີວີ ບໍ່ແຄຫຼຽນ ຮີບເຂົ້າຊ່ວຍ ສາວມະກັນ ທີ່ຫົວເຄົ່າບິດ

ພາ​ໄປ​ເບິ່ງເຫດການ​ສຸດ​ປະ​ທັບ​ໃຈ​ຂອງໂອລິມປິກເກມ​​ 2016 ໃນ​ການ​ແຂ່ງ​ຂັນ​ແລ່ນລານ​ທີ່ເກິດຂື້ນມື້ນີ້​

ເປັນ​ການ​ແຂ່ງ​ຂັນ​ແລ່ນ​ 5,000 ແມັດ​ຍິງ​ ຮອບ​ຮອງ​ຊະນະ​ເລີດ​ ເມື່ອ​ ນິກ​ກີ້​ ຮັມ​ບ​ລິນ​ ນັກ​ກິລາ​ສາວ​ຈາກ ​ນິວ​ຊີ​ແລນ​ດ໌ ​ຢຸດ​ແລ່ນ​ກາງ​ທາງ​ເມື່ອ​ເຫັນ​ຄູ່​ແຂ່ງ​ຢ່າງ​ ແອັບ​ບີ້​ ດາກ​ອ​ສຕິ​ໂນ່​ ຈາກ​ ສ​ະຫະລັດ​ອາ​ເມ​ລິ​ກາ​ ລົ້ມ​ລົງ​ລະຫວ່າງ​ທາງ​ ຊຶ່ງ​ ຮັມ​ບ​ລິນ​ ຫັນ​ກັບ​ມາ​ຊ່ວຍ​ທັນ​ທີ​

ກ່ອນ​ທີ່​ສາວ​ນິວ​ຊີ​ແລນ​ດ໌​ ຈະ​ຊ່ວຍ​ປະ​ຄອງ​ສາວ​ອາ​ເມ​ລິ​ກັນ​ ແລ່ນເຂົ້າ​ເສັ້ນ​ໄຊ​ດ້ວຍ​ຕຳແໜ່ງ​ສອງ​ອັນ​ດັບ​ສຸດ​ທ້າຍ​​ ພ້ອມ​ສວມ​ກອດ​ກັນ​ຢ່າງ​ສຸດ​ຣະ​ທັບ​ໃຈ​ ໂດຍ​ຮັມ​ບ​ລິນ​ເຮັດ​ເວລາ​ໄປ​ 16.43 ນາ​ທີ​ ສ່ວນ​ດາກ​ອ​ສຕິ​ໂນ່​ຕາມ​ມາ​ດ້ວຍ​ເວລາ​ 17.10 ນາ​ທີ​ ຕາມ​ຫຼັງ​ຜູ້​ຊະນະ​ໃນ​ຮອບນີ້​ຢ່າງ​ ອັນ​ມາ​ຊ​ ອ​າຢາ​ໜ້າ​ ຈາກ​ເອ​ທິ​ໂອ​ເປຍ​ ຫລາຍກວ່າ​ 2 ນາ​ທີ​

ຂໍ້​ມູນ​ຖືກ​ເປີດ​ເຜຍ​ພາຍ​ຫຼັງ​ວ່າ​ ສາ​ເຫດ​ທີ່​ ດາກ​ອ​ສຕິ​ໂນ່​ ໄວ 24 ປີ​ ລົ້ມ​ລົງ​ລະຫວ່າງ​ແຂ່ງ​ຂັນ​ນັ້ນ​ ເປັນ​ເພາະ​ຫັວ​ເຂົ່າ​ຂວາ​ຂອງ​ນາງ​ເກີດ​ອາການ​ບິດ​ ຈົນ​ເຮັດໃຫ້​ນາງ​ຕ້ອງ​ລົງ​ໄປ​ນັ່ງ​ກອງ​ກັບ​ພື້ນ​ນັ້ນ​ເອງ​

"ຜູ້ຍິງຄົນນັ້ນຄືສະປີລິດແຫ່ງໂອລິມປິກເລີຍ ວິນາທີທີ່ຂ້ອຍລົ້ມລົງ ຂ້ອຍຖາມໂຕເອງທັນທີ່ວ່າເກີດຫຍັງຂື້ນ? ຮູ້ໂຕອີກເທື່ອໜຶ່ງ ມືລາວກໍຈັບບ່າຂອງຂອງ ແລະ ລາວກໍເວົ້າວ່າ ລຸກຂື້ນ ລຸກຂື້ນ ເຮົາມາເຂົ້າເສັ້ນໄຊພ້ອມກັນ ນີ້ແມ່ນໂອລິມປິກເກມເລີຍໃດ ແລ້ວເນົາກໍແລ່ນມັນຈົນຈົບດ້ວຍກັນ"

"ຂ້ອຍບໍ່ເຄີຍພົບຫຼືຮູ້ຈັກລາວມາກ່ອນດ້ວຍຊ້ຳ ມັນເປັນສິ່ງທີ່ມະຫັດສະຈັນສຸດໆ ລາວຄືຜູ້ຍິງທີ່ໜ້າປະທັບໃຈແທ້ໆ" ດາກອສຕິໂນ່ ໃຫ້ສຳພາດໄວ້

ສຸດທ້າຍແລ້ວ ບໍ່ວ່າສອງສາວຈະໄດ້ຫຼຽນລາງວັນກັບບ້ານຫຼືບໍ່ ມັນຄົງບໍ່ສຳຄັນ ເພາະຕອນນີ້ການກະທຳຂອງທັງຄູ່ ຊະນະໃຈຄົນທົ່ວໂລກໄປຮຽບຮ້ອຍ