ສະບາຍດີນ້ອງໆ ເປີດເຂົ້າມາມື້ນີ້ກະຢາກນອນເລີຍແມ່ນບໍ່?

 

ສະບາຍດີນ້ອງໆ ເປີດເຂົ້າມາມື້ນີ້ກະຢາກນອນເລີຍແມ່ນບໍ່? ມື້ນີ້ ຄິດອອກ ມາເປັນມິດກັບຄົນທີ່ມັກນອນ ໃຜວ່າຄົນທີ່ມັກນອນເປັນຄົນຂີ້ຄ້ານຄິດໃຫມ່ໄດ້ເລີຍ ການນອນບໍ່ພຽງພໍ ມີຜົນປະໂຫຍດຕໍ່ການຮຽນໃນແບບທີ່ຫລາຍໆຄົນຄາດບໍ່ເຖິງແນ່ນອນ ຖ້ານອນຫລັບສະຫນິດ ສະຫມອງກໍຍິ່ງຈະຈັດເກັບຂໍ້ມູນ ຄວາມຈຳໄດ້ດີເລີດ ຖ້າຢາກຮຽນເກັ່ງຂື້ນ ໄປອ່ານເຄັດບໍ່ລັບງ່າຍໆນຳກັນເລີຍ

 

ຊວນນອນຢ່າງມີລະດັບ

   

   ໂດຍປົກກະຕິການນອນຈະແບ່ງອອກເປັນ 4 Stage

Stage 1 (ຫຼັບຕື້ນ 5 ຫາ 10 ນາທີ) ເປັນຊ່ວງທີ່ສະຫມອງຄ່ອຍໆລົດການເຮັດວຽກລົງ ເຮົາຈະຮູ້ສືກເຄີ້ມ ຮູ້ສືກໂຕເບົາໆ ເຊື່ອວ່າຫລາຍໆຄົນເຄີຍເປັນ ອາການຄ້າຍຄືຜີອຳ ໄລຍະນີ້ແຫລະເປັນຕາຢ້ານ ມັນກະສີຫລອນໆຫນ້ອຍໜຶ່ງ

Stage 2 (ເລີ່ມຫຼັບເລິກ 20 ນາທີ) ຊ່ວງນີ້ສະຫມອງເລີ່ມຮວບຮວມຂໍ້ມູນໄລຍະສັ້ນ ແລະ ສະມາທິໄດ້ ແຕ່ນອກຈາກນີ້ ມັນຍັງເຮັດໜ້າທີ່ເປັນໂຕຮັບສິ່ງກະຕຸນ ຖ້າໃຜມາກວນ ຫຼື ແຕະຕ້ອງໂຕເຮົາ ເຮົາອາດມີການກະຕຸກ ຫຼື ຕື່ນໄດ້

Stage 3 ແລະ 4 (ຫຼັບເລິກ 30 ຫາ 50ນາທີໄລຍະນີ້ເປັນການນອນຢ່າງແທ້ຈິງ ຫຼື ເອີ້ນວ່າ (ຫຼັບປານຕາຍ) ເປັນຊ່ວງທີສະໝອງ ແລະ ຮ່າງກາຍເຮັດວຽກໜ້ອຍ ມີການປ່ອຍຮໍໂມນເພື່ອຊ່ວຍສ້າງສ່ວນທີ່ຫາຍໄປ ຖ້າຫາກວ່າໃຜມາຂັດຈັງຫວະ ຫຼື ປຸກຊ່ວງນີ້ມີຕົບແນ່ນອນ ເພາະຊ່ວງນີ້ຮ່າງກາຍຈະຮູ້ສືກອ່ອຍເພຍ

 

ນອນໄປເກັ່ງໄປ

  

  ນ້ອງໆຫລາຍຄົນອາດຈະສົງໃສວ່າການນອນກ່ຽວຂ້ອງກັບການຮຽນຈັ່ງໃດ ຕອບໄດ້ງ່າຍໆເລີຍວ່າ ການພັກຜ່ອນບໍ່ພຽງພໍມີຜົນຕໍ່ການສັງເຄາະໂປຕີນຂອງຮ່າງກາຍແລະຈຸດປະສານສຳຜັດໃນສະໝອງ ຖ້ານ້ອງໆ ພັກຜ່ອນບໍ່ພຽງພໍແນ່ນອນວ່າໂລກຫົວເບີກຳເລີບແນ່ນອນ ດັ່ງນັ້ນ ເຮົາຕ້ອງເຝິກວິໃນໃນການນອນ ຈະໄດ້ນອນຫຼັບໄປເກັ່ງໄປ

 

ໄວຮຽນຄວນນອນແບບໃດ

   ຖ້ານ້ອງໆ ຢາກພັກຜ່ອນໃຫ້ມີປະສິດທິພາບທີ່ສຸດ ຄວນນອນໃຫ້ໄດ້ຢ່າງໜ້ອຍ 4-5ຮອບ (1 ຮອບ = 1 ຊົ່ວໂມງ 30 ນາທີ ລວມແລ້ວນອນປະມານ 6-8ຊົ່ວໂມງເພື່ອເກັບເວລານອນທັງໝົດ 4 Stage ໃຫ້ຄົບ ລະບົບປະມວນຜົນຄວາມຈື່ໃນແຕ່ລະມື້ຈະໄດ້ປ່ຽນຄວາມຈຳໄລຍະສັ້ນໃຫ້ຄວາມຈື່ໄລຍະຍາວຢ່າງຖາວອນ ເມື່ອຮອດເວລາໃຊ້ງານ ລີ້ນຊັກຄວາມຈື່ກໍພ້ອມຈະດືງຂໍ້ມູນຄວາມຮູ້ຕ່າງໆ ທີ່ນ້ອງໆຮຽນ ຫຼື ອ່ານສະສົມໄວ້ອອກມາໃຊ້ໄດ້ທັນທີ

 

ວຽກຫລາຍຈົນບໍ່ໄດ້ນອນ....ເລື່ອງງ່າຍໆ

   ຄວາມຈິງທີ່ນ້ອງໆຕ້ອງຮູ້ ອາດບໍ່ເຄີຍຮູ້ຄືການປ່ອຍໃຫ້ຊີວິດວ່າງໆ ບໍ່ຄິດ ບໍ່ຢາກເຮັດຫຍັງ ມັນອາດເຮັດໃຫ້ເຮົາສະໝອງເສື່ອມໄດ້ ດັ້ງນັ້ນ ຕ້ອງຂອບໃຈໂຕເອງທີ່ມີ ກິດຈະກຳໃຫ້ເຮັດຕະຫຼອດເວລາ ແຕ່ຖ້າຮອດເວລາເສງຫລາຍ ໜັງສືກໍຕ້ອງອ່ານ ວຽກບ້ານກໍຕ້ອງເຮັດ ຈົນເວລານອນບໍ່ເຄີຍພໍ ພວກເຮົາມີວິທີຊ່ວຍໄດ້ງ່າຍຫລາຍຄືພະຍາຍາມຈັດລະບຽບຊີວິດ

 

  ສ້າງ Timeline ຂື້ນມາວ່າມີວຽກຫຍັງທີ່ຕ້ອງເຮັດແນ່ ຖ້າເຮັດແລ້ວໆລອງຄຳນວນເບິ່ງວ່າແຕ່ລະວຽກທີ່ເຮົາເຮັດໃຊ້ເວລາເທົ່າໃດໃນການເຮັດ (ອາດຄຳນວນຈາກໄລຍະເວລາສົ່ງວຽກ ຫຼື ຂະໜາດຂອງວຽກທີ່ເຮົາໄດ້ເຮັດໄປ) ແລ້ວເຮົາຈະເຮັດວຽກນັ້ນໄດ້ສະບາຍ ແລະໃນເວລາທີ່ກຳລັງເຮັດ ຢ່າລືມວ່ານ້ອງໆຕ້ອງໃຊ້ສະມາທິ ແລະ ຄວາມຕັ້ງໃຈໄປນຳກັນ ເພາະຖ້າມົວແຕ່ບໍ່ໃສ່ໃຈ ວຽກກໍຈະແລ້ວຊ້າລົງ ອ່ານໜັງສືກໍບໍ່ຮູ້ເລື່ອງນຳ ສິ່ງລົບກວນເຫຼົ່ານັ້ນມັນອາດສົ່ງຜົນຕໍ່ຄວາມຈື່ ແລະ ເຮັດໃຫ້ເສີຍເວລາອີກດ້ວຍ

 

ນອນບໍ່ຫຼັບ....ມີວິທີແກ້

   ໃຜທີ່ເປັນຄົນນອນຍາກ ມັກຄິດໄປຕ່າງໆນາໆຈົນເວລານອນບໍ່ພຽງພໍ ຂໍແນະນຳໃຫ້ປັບພຶດຕິກຳການນອນຂອງໂຕເອງດ້ວຍວິທີງ່າຍໆດັ່ງນີ້:

ຫາເວລານອນ ຄຳນວນຕາມຮອບຂອງການນອນເລີຍ ເຊັ່ນ: ນອນ 10ໂມງ ຕື່ນ 5ໂມງເຊົ້າ ເປັນຮອບການນອນທີ່ດີທີ່ສຸດ

ນອນລ່ວງໜ້າ ຖ້າເຮົາເປັນຄົນຫຼັບຍາກ ນອນກ່ອນເວລາແທ້ໄປເລີຍປະມານ 30ນາທີ ເຊັ່ນເວລາແທ້ 10 ເຮົາກໍນອນກ່ອນປະມານ 9 ກໍເລີ່ມຂື້ນຕຽງຕຽມນອນໄດ້ແລ້ວ

ຈັດກິດຈະກຳ ຖ້າຕັ້ງເວລານອນລ່ວງໜ້າແລ້ວຍັງບໍ່ຫຼັບອີກ ຫາກິດຈະກຳດີໆເຮັດກ່ອນນອນ ເຊັ່ນ ຟັງເພງເບົາໆ ສົ່ງຄື່ນສະໝອງລະດັບ Alpha ທີ່ຊ່ວຍໃຫ້ຜ່ອນຄາຍ ອ່ານໜັງສືແນວທີ່ມັກປະມານ 10ນາທີ ຫຼື ລຸກໄປກິນນົມອຸ່ນໆ ເພາະໃນນົມມີທຣິປໂຕເຟນເຊິ່ງເປັນກົດອະມິໂນທີ່ຊ່ວຍໃຫ້ເຮົານອນຫຼັບສະບາຍດີ

   

   ຖ້ານ້ອງໆ ປັບພຶດຕິກຳເຂົ້ານອນ ແລະ ຕື່ນນອນໃຫ້ຖືກເວລາເກົ່າໄດ້ທຸກມື້ ເຮົາຈະນອນໄດ້ຢ່າງຖືກຫຼັກ ແລະ ອາການນອນບໍ່ຫຼັບຈະບໍ່ກັບມາອີກຕໍ່ໄປ

 

ພຶດຕິກຳທີ່ຄວນລາຂາດກ່ອນນອນ

 

  ຮູ້ວິທີແກ້ເວລານອນບໍ່ຫຼັບແລ້ວ ມາເບິ່ງອີກເລື່ອງທີ່ສຳຄັນທີ່ນ້ອງໆຕ້ອງຮູ້ກັນ ມັນຄືພືດຕິກຳທີ່ເຮົາບໍ່ຄວນເຮັດກ່ອນນອນເດັດຂາດຄື:

 

1.ຄິດເລື່ອງທີ່ເຮັດໃຫ້ເຮົາຄຽດ ເມື່ອຕັ້ງໃຈຈະນອນແລ້ວເຮົາຕ້ອງພ້ອມທີ່ຈະຕັດຄວາມຄຽດອອກໄປນຳ ເພາະທຸກເທື່ອທີ່ເຮົາຄຽດມັນຈະໄປກະທົບສານສື່ປະສາດຕ່າງໆ ໃນສະໝອງ ເຊັ່ນ: ສານຊີໂຣໂທນິນທີ່ໃຫ້ຄວາມຄິດຫງຸດຫງິດ ສານນໍອີຟີເນຟຟິນທີ່ເຮັດໃຫ້ຮູ້ສືກຕື່ນຕົວຕະຫຼອດເວລາ

2.ຫຼີ້ນໂທລະສັບ ກ່ອນນອນບໍ່ຄວນຍົກໂທລະສັບຂື້ນມາເດັດຂາດ ເພາະແສງ Blue light ຈາກໜ້າຈໍເປັນຄື້ນແສງພະລັງງານສູງ ນອກຈາກຈະອັນຕະຕໍ່ດວງຕາແລ້ວຍັງເຮັດໃຫ້ຄວາມຈື່ໜ້ອຍລົງ ໄປກະຕຸ້ນສະໝອງໃຫ້ຕື່ນໂຕ ແລະ ຍັບຍັ້ງການລັ່ງສານເມລາໂທນິນທີ່ເປັນຕົວຊ່ວຍໃຫ້ເຮົານອນຫຼັບສະນິດອີກດ້ວຍ.

3.ເພິ່ງຢານອນຫຼັບ ຢາໂຕນີ້ມີຂໍ້ເສຍຄືຖ້າກິນຈົນຕິດເປັນນິໃສມັນຈະເກິດອາການດື້ຢາ ແລະ ຕິດຢາງ່າຍ ຖ້າມື້ໃດເຮົາບໍ່ໄດ້ໃຊ້ອາດຈະນອນບໍ່ຫຼັບ ຫຼື ຕ້ອງເພີ່ມຈຳນວນເມັດຢາໃຫ້ຫລາຍຂື້ນ

4.ດື່ມຊາ ກາເຟ ໂກໂກ້ ເຄື່ອງດື່ມປະເພດນີ້ມີສ່ວນປະສົມຂອງຄາເຟອິນ ແລະ ສານທີໂອໂບຣມີນທີ່ຊ່ວຍໃຫ້ປະສາດຕື່ນຕົວ ເຮົາກໍຈະຕື່ນທັ້ງຄືນ ເພາະຄາເຟອິນຈະອອກລິດຢູ່ປະມານ 6 ຊົ່ວໂມງ

5.ອອກກຳລັງກາຍ ທີ່ຈິງການອັບແອນດາວມີປະໂຫຍດຫລາຍ ແຕ່ຖ້າມາອອກກຳລັງກາຍໃກ້ເວລານອນ ອຸນຫະພູມໃນຮ່າງກາຍກໍຈະສູງຂື້ນ ແລະ ໄປກະຕຸ້ນເຊວສະໝອງກໍ່ໃຫ້ເກີດການຕື່ນຕົວແນ່ນອນ ແລະ ເຮັດໃຫ້ຫຼັບຢາກເຂົ້າໄປອີກ