ສະຖິຕິໃໝ່ຂອງໂລກ ຜີຫວັງອັດ 144 ລ້ານປອນ ດຶງ ເນມາຮ່ວມຮັງ

ສື່ເມືອງຜູ້ດີຕີຂ່າວດັງ ແມນເຊສເຕີ ຢູໄນເຕັດ ກຽມເສີມຄວາມແຂງແກ່ນໃນແດນໜ້າໂດຍການທຸ່ມເງິນກ້ອນໃຫຍ່ຮາວບ້ານປະມານ 144 ລ້ານປອນເພື່ອດຶງ ເນມາ ດາວຍິງເລືອດແຊມບາຂອງ ບາເຊໂລນາ ມາຟາດແຄ່ງໃນບ້ານຜີ.

ແມນເຊສເຕີ ຢູໄນເຕັດ ມະຫາອຳນາດລູກໜັງຈາກ ພຣີເມຍລີກ ອັງກິດ ພ້ອມທີ່ຈະສະແດງຄວາມບ້າ ແກ້ບັນຫາກອງໜ້າບໍ່ມີປັນຍາສັງຫານຄູ່ແຂ່ງ ໂດຍການຂົນເງິນໃນຄັງມາຍື່ນຂໍ້ສະເໜີ 144 ລ້ານປອນລໍ້ໃຈ ບາເຊໂລນາ ຍັກໃຫຍ່ຈາກ ລາ ລີກາ ສະເປນ ໃຫ້ຍອມປ່ອຍໂຕ ເນມາ ກອງໜ້າໂຕເກັ່ງຂອງທີມຍ້າຍມາຫຼິ້ນໃນໂຮງລະຄອນແຫ່ງຄວາມຝັນ.

ຫຼຸຍ ຟານກາວ ຜູ້ຈັດການທີມ “ຜີສາດແດງ” ຕ້ອງການດຶງນັກເຕະເກມບຸກບໍ່ໄດ້ປິດບັງວ່າ ເຂົາຕ້ອງການເພີ່ມເກມບຸກໃຫ້ທີມໃນຊ່ວງຕະຫຼາດ ຊື້-ຂາຍ ນັກເຕະເດືອນມັງກອນນີ້ ໂດຍສະເພາະລ່າສຸດທີມຫາກໍຕົກຮອບແບ່ງກຸ່ມ ຢູຟາ ແຊມປຽນລີກ ໂດຍການປລາໄຊໃຫ້ກັບ ໂວຟບວກ 2-3 ເມື່ອວັນອັງຄານທີ 8 ທັນວາທີ່ຜ່ານມາ ໂດຍພວກເຂົາວາງ ແຮຣີ ເຄນ ຫົວຫອກຂອງ ສະເປີ ເປັນເປົ້າໝາຍໃນການເສີມທັບລຳດັບຕົ້ນໆຂອງທີມ.

ແຕ່ລ່າສຸດ “ແດຣີ ເທເຣກຣາຟ” ສື່ຈາກເມືອງຜູ້ດີຕີຂ່າວວ່າ ໂອນ ທຣາຟເຟິດ ຫວັງທີ່ທຸ່ມເງິນ 144 ລ້ານປອນເພື່ອຊື້ ເນມາ ທີ່ເຄີຍມີຂ່າວກັນຕັ້ງແຕ່ພັກລະດູການທີ່ຜ່ານມາ ໂດຍຖ້າ ແມູນຢູ ໝາຍໝັ້ນປັ້ນມືວ່າຈະຊື້ ເນມາ ໃຫ້ໄດ້ ພວກເຂົາຕ້ອງເລັ່ງລົງມືໃນໄວໆນີ້ເພາະນັກເຕະໃກ້ຈະລົງປາກກາຕໍ່ສັນຍາສະບັບໃໝ່ກັບ ບາຊາ ແລ້ວ.

.........................................................................................................................................................