ສະຖານທູດຍີ່ປຸ່ນ ກັບ ກົມເສດຖະກິດ ກະຊວງການຕ່າງປະເທດ ຮ່ວມແຂ່ງຂັນກີລາ

 

ໃນວັນທີ 29 ກໍລະກົດ 2015 ທີ່ຜ່ານມາ ທີ່ເດີ່ນເຕະບານໂດລາ ໄດ້ຈັດການແຂ່ງຂັນເຕະບານມິດຕະພາບ ລະຫວ່າງ ທີມ ສະຖານທູດຍີ່ປຸ່ນ ກັບ ທີມກົມເສດຖະກິດ ກະຊວງການຕ່າງປະເທດລາວ ເພື່ອສ້າງສັນຄວາມສາມັກຄີ ແລະມິດຕະພາບ ລະຫວ່າງ ລາວ-ຍີ່ປຸ່ນ ຮວມທັງເປັນສ້າງຂະບວນການສະເຫຼີມສະຫຼອງ ຄົບຮອບ 60 ປີ ແຫ່ງການສ້າງຕັ້ງສາຍພົວພັນ ທາງການທູດ ລະຫວາງ ຍີ່ປຸ່ນ ແລະ ສປປ.ລາວ.

ເຂົ້າຮ່ວມໃນການແຂ່ງຂັນກີລານັດສໍາຄັນນີ້ມີ ທ່ານ ແກ້ວ ວົງໄຊ ຮອງຫ້ວໜ້າກົມເສດຖະກິດ ກະຊວງການຕ່າງປະເທດ ລາວ ມີບັນດາພະນັກງານຈາກກົມເສດຖະກິດ ຂອງ ກະຊວງການຕ່າງປະເທດລາວ ແລະ ນັກການທູດຈາກສະຖານທູດຍີ່ປຸ່ນ ໄດ້ເຂົ້າຮ່ວມການແຂ່ງຂັນເຕະບານມິດຕະພາບດັ່ງກ່າວ.

ສຳລັບຜົນການແຂ່ງຂັນປາກົດວ່າ ທີມສະຖານທູດຍີ່ປຸ່ນເປັນຝ່າຍເອົາຊະນະ 4-3.

====================

ທີ່ມາ:http://www.vtetoday.la