ສະຕິເດີ້ອ້າຍນ້ອງສະຕິ!! ທີມສຳຄັນທີ່ສຸດ

ບຣານິສລາບ ອິວາໂນວິດ ກອງຫຼັງຂອງ ເຊວຊີ ເຕືອນສະຕິ ແລະ ຮຽກຮ້ອງໃຫ້ເພື່ອນຮ່ວມທີມວ່າ ບໍ່ມີໃຜສຳຄັນກວ່າທີມ ທີມເສຍ ແລະ ຊະນະຮ່ວມກັນ ຫຼັງຈາກທີ່ເກີດເຫດການ ດີເອໂກ້ ຄອສຕ້າ ຫົວຫອກຫົວຮຸນແຮງ ສ້າງເລື່ອງກັບ ໂຊເຊ ມູຣິນໂຢ ເປັນຊຸດໃນບໍ່ເທົ່າໃດເກມຜ່ານມາ.

ບຣານິສລາບ ອິວາໂນວິດ ກອງຫຼັງທີມຊາດ ເຊີເບຍ ຂອງ ເຊວຊີ ສະໂມສອນໃຫຍ່ຈາກເມືອງຜູ້ດີຮຽກຮ້ອງເພື່ອນຮ່ວມທີມວ່າ ຈະຕ້ອງເບິ່ງສະໂມສອນວ່າມີຄວາມສຳຄັນອັນດັບໜຶ່ງ ຫຼັງຈາກທີ່ເກີດເຫດ ຄອສຕ້າ ຫົວຫອກທີມຊາດ ສະເປນ ສ້າງໜັງກັບ ມູຣິນໂຢ ນາຍໃຫຍ່ຂອງທີມໃນເກມລີກນັດ ລອນດອນ ດາບີ້ແມັດ ທີ່ສະເໝີກັບ ສະເປີ ເມື່ອວັນອາທິດ 29 ພະຈິກ ທີ່ຜ່ານມາ.

ດາວຍິງໂຕບັນຫາຟອມຕົກ ຍິງໄດ້ພຽງ 4 ປະຕູຈາກ 17 ນັດລວມທຸກລາຍການໃນລະດູການນີ້ ຕົກເປັນປະເດັນມາອີກເທື່ອໜຶ່ງໃນເກມລີກທີ່ບຸກໄປສະເໝີ ສະເປີ ເມື່ອຖືກກ້ອງຈັບພາບໄດ້ໃນຊ່ວງທ້າຍເກມວ່າ ໂຍນເສື້ອໄປເກືອບຖືກ “ເດິ ສະເປຊຽວ ວັນ” ທີ່ນັ່ງຢູ່ຕັ່ງທາງດ້ານໜ້າເນື່ອງຈາກວ່າໃຈຮ້າຍປານໄຟທີ່ບໍ່ຖືກສົ່ງໂຕລົງສະໜາມ ຂະນະທີ່ມີລາຍງານເຖິງສາເຫດທີ່ ຄອສຕ້າ ຖືກຖອດອອກຈາກຕຳແໜ່ງໂຕຈິງ ວ່າເປັນເພາະວ່າເຂົາບໍ່ໄດ້ລົງອົບອຸ່ນຮ່າງກາຍກ່ອນເກມພ້ອມກັບເພື່ອນຮ່ວມທີມ.

ເຫດການທີ່ ໄວ ຮາດເລນ ເປັນບັນຫາເທື່ອລ່າສຸດຂອງ ຄອສຕ້າ ຕໍ່ເນື່ອງຈາກເກມ ຢູຟາ ທີ່ບຸກຊະນະ ມັກຄາບີ້ ເທວ ອາວີບ 4-0 ເຊິ່ງເຂົາມີປາກສຽງກັບນາຍໃຫຍ່ຢ່າງຮຸນແຮງຕອນຍ່າງກັບຫ້ອງແຕ່ງໂຕຊ່ວງພັກເຄິ່ງເວລາ ເຮັດໃຫ້ ອິວາໂນວິດ ກັບຕັນທີມຊົ່ວຄາວຊ່ວງທີ່ ເທີຣີ ລົງຫຼິ້ນບໍ່ໄດ້ຕ້ອງອອກມາຢ້ຳສະຕິທຸກຄົນໃນທີມວ່າ ໃນທີມບໍ່ມີນັກເຕະຄົນໃດສຳຄັນຫຼາຍກວ່າທີມ.

“ຂ້ອຍຫວັງວ່າ ຄອສຕ້າ ຈະກັບມາແຂງແກ່ນ ເຮົາເລີ່ມຕົ້ນລະດູການແບບທີມ ແລະ ຈະຕ້ອງຈົບລົງແບບທີມ ບາງຄັ້ງມັນກໍເປັນເລື່ອງຍາກສຳລັບນັກເຕະທີ່ບໍ່ໄດ້ລົງຫຼິ້ນ ແຕ່ມັນເປັນສະຖານະການປົກກະຕິຂອງທີມ ເວລາທີ່ເຮົາເລີ່ມເສຍໆລະກະເສຍ ເຮົາຮູ້ວ່າມັນບໍ່ໄດ້ມີນັກເຕະທີ່ຫຼິ້ນດີ ຫຼື ບໍ່ດີພຽງຄົນສອງຄົນ ແຕ່ມັນເປັນເລື່ອຂອງທີມ ຄອສຕ້າ ບໍ່ໄດ້ລົງຫຼິ້ນໃນເກມກັບ ສະເປີ ແຕ່ເຂົາພ້ອມທີ່ຈະຫຼິ້ນໃນເກມຖັດໄປ ເຂົາຍິງປະຕູໃນເກມກັບ ນໍຣິດ ປະຕູໄຊມັນເປັນເລື່ອງຂອງທີມ ເຮົາຕ້ອງຄິດຫາເລື່ອງນີ້”.

.............................................................................................................................................................................