ສະຕາຍມູໜ້າເບື່ອ!!ເອັມບັບເປບໍ່ຢາກຍ້າຍໄປຢູ່ກັບຜີແດງ

 

ເລກິບ ສື່ຂອງຝຣັ່ງລະບຸ ຄີລຽນ ເອັມບັບເປ ຫົວຫອກຂອງ ໂມນາໂກ ບໍ່ຢາກຍ້າຍໄປຫຼິ້ນໃຫ້ກັບ ແມນ ຢູໄນເຕັດ ເພາະບໍ່ມັກວິທີການທຳທີມຂອງ ໂຊເຊ ມູຣິນໂຢ ທີ່ເນັ້ນຫຼິ້ນເກມຮັບເປັນຫຼັກ ສ່ວນທີມທີ່ເປັນເຕັງ 1 ທີ່ຈະໄດ້ເຂົາແມ່ນ ເຣອັນ ມາດຣິດ ເພາະ ເອັມບັບເປ ມັກໃນຕົວ ຊີເນດີນ ຊີດານ ນາຍໃຫຍ່ຂອງ “ລາຊາຊຸດຂາວ”.

 

ຄີລຽນ ເອັມບັບເປ ກອງໜ້າດາວລຸ້ງຂອງ ອາແອສ ໂມນາໂກ ສະໂມສອນຊັ້ນນຳຂອງ ລີກແອັງ ຝຣັ່ງບໍ່ຢາກຍ້າຍໄປຢູ່ກັບ ແມນເຊສເຕີ ຢູໄນເຕັດ ທີມດັງຂອງລີກຜູ້ດີເພາະບໍ່ມັກວິທີການຫຼິ້ນຂອງ ໂຊເຊ ມູຣິນໂຢ ຜູ້ຈັດການທີມ “ຜີສາດແດງ” ຕາມການລາຍງານຂອງ ເລກິບ ສື່ຊື່ດັງຂອງແດນນຳ້ຫອມ.

 

ເອັມບັບເປ ເຮັດຜົນງານໄດ້ດີໃນລະດູການນີ້ ໂດຍເຂົາຍິງປະຕູໃນລີກໄປແລ້ວ 14 ລູກຈົນເປັນໜຶ່ງໃນກຳລັງຫຼັກທີ່ຊ່ວຍໃຫ້ຕົ້ນສັງກັດເປັນຈ່າຝູງຂອງລີກ ເຊິ່ງນັ້ນເຮັດໃຫ້ມີຫຼາຍທີມທີ່ຢາກໄດ້ເຂົາໄປຮ່ວມທັບເຊັ່ນ ແມນ ຢູໄນເຕັດ, ອາເຊນອນ ແລະ ເຣອັນ ມາດຣິດ ເປັນຕົ້ນໂດຍ 2 ລາຍຫຼັງເຖິງຂັ້ນຢືນຢັນແລ້ວວ່າສົນໃຈຢາກໄດ້ຕົວເຂົາ.

 

ຢ່າງໃດກໍຕາມ ເລກິບ ເຜີຍວ່າດາວເຕະມທີມຊາດຝຣັ່ງກັງວົນກ່ຽວກັບວິທີການຂອງ ມູຣິນໂຢ ທີ່ມັກໃຫ້ທີມເນັ້ນການຫຼິ້ນເກມຮັບຫຼາຍເກີນໄປຈົນບໍ່ຢາກໄປຢູ່ກັບ ແມນ ຢູໄນເຕັດ ໂດຍເຊື່ອກັນວ່າ ເຣອັນ ຄືທີມທີ່ມີໂອກາດຫຼາຍທີ່ສຸດທີ່ຈະໄດ້ ເອັມບັບເປ ໄປຮ່ວມທັບເພາະແຂ່ງເລືອດນຳ້ຫອມເປັນແຟນຕົວກົງຂອງ ຊີເນດີນ ຊີດານ ນາຍໃຫຍ່ຂອງ “ລາຊາຊຸດຂາວ”.

 

ບົດຄວາມໃຫມ່ໆ