ສະກາຍຕີຂ່າວ!!! ຊະລາຕັນກວດຮ່າງກາຍກັບຜີແລ້ວ

 

ສະກາຍສະປອດ ເປີດເຜີຍ ຊະລາຕັນ ອິບາຮິໂມວິດ ກຽມບິນໄປກວດຮ່າງກາຍກັບ ແມນ ຢູໄນເຕັດ ຫຼັງເສັດສິ້ນພາລະກິດກັບທີມຊາດໃນ ຢູໂຣ 2016 ຫຼັງບໍ່ມີເວລາພໍສຳລັບດຳເນີນຂັ້ນຕອນດັ່ງກ່າວກ່ອນທົວນາເມນເປີດສາກ ເນື່ອງຈາກການເຈລະຈາລະຫວ່າງທັງສອງຝ່າຍຍືດຍາວກວ່າທີ່ຄິດກັນ.

 

ແມນເຊສເຕີ ຢູໄນເຕັດ ສະໂມສອນດັງຂອງ ພຣີເມຍລີກ ອັງກິດ ວາງແຜນໃຫ້ ຊະລາຕັນ ອິບາຮິໂມວິດ ຍອດດາວຍິງເລືອດສະວິດເຂົ້າຮັບການກວດຮ່າງກາຍຫຼັງຈົບບານເຕະຊິງແຊມແຫ່ງຊາດເອີຣົບ ຢູໂຣ 2016 ທີ່ປະເທດຝຣັ່ງກ່ອນເຊັນສັນຍາ 1 ປີຍ້າຍເຂົ້າສູ່ຖິ່ນ ໂອນ ທຣາຟເຟິດ ຕໍ່ໄປ.

ການເຈລະຈາລະຫວ່າງ ມິໂນ ໄຣໂອລາ ນາຍໜ້າຂອງນັກເຕະ ແລະ ຜີສາດແດງ ໃຊ້ເວລາດົນກວ່າທີ່ຄາດການເອົາໄວ້ສົ່ງຜົນໃຫ້ອະດີດຫົວຫອກ ເປເອັດເຊ ມີເວລາບໍ່ພໍເຂົ້າຮັບການກວດຮ່າງກາຍກ່ອນເລີ່ມຕົ້ນທົວນາເມັນໃນແດນນ້ຳຫອມ ຢ່າງໃດກໍຕາມທັງສອງຝ່າຍບໍ່ມີຄວາມຮູ້ສຶກກັງວົນກັບສະຖານະການດັ່ງກ່າວ ແລະ ພ້ອມລົງນາມເຊັນສັນຍາພາຍຫຼັງໃນຊ່ວງຊຳເມີນີ້ ຫຼັງຜ່ານຂັ້ນຕອນກວດຮ່າງກາຍຮຽບຮ້ອຍແລ້ວ.

 

ສະກາຍສະປອດ ນິວ ສື່ກິລາຂອງເມືອງຜູ້ດີລາຍງານວ່າເງື່ອນໄຂສ່ວນຕົວໄດ້ຂໍ້ສະຫຼຸບແລ້ວ ຫຼັງຈາກການເຈລະຈາກັນລະຫວ່າງ ໄຣໂອລາ ແລະ ເອັດ ວູດເວິດ ປະທານບໍລິຫານ ແມນຢູ ໂດຍຈະເຊັນສັນຍາກັນເປັນເວລາ  1 ປີ ຂະນະທີ່ທີມດັງຂອງເກາະອັງກິດຄາດວ່າຈະບໍ່ມີບັນຫາຫຍັງໃນຂັ້ນຕອນການກວດຮ່າງກາຍ ໃນຕອນທີ່ ອິບາຮິໂມວິດ ບໍ່ໄດ້ຮັບບາດເຈັບລະຫວ່າງຮັບໃຊ້ທັບ “ໄວກິງ” ໃນ ຢູໂຣ 2016.