ສອງທີມສະເປນເລັງດຶງຊຳເບີເລນເສີມທັບ

 

ອະເລັກ ອອກສ໌ເຫຼັດ-ຊຳເບີເລນ ປີກຂອງ ອາເຊນອນ ກຳລັງເນື້ອຫອມເມື່ອຫຼ້າສຸດກຳລັງຕົກເປັນເປົ້າໝາຍການເສີມທັບຂອງທັງ ເຊບີຢາ ແລະ ບາເລັນເຊຍ ຫຼັງເປີດປາກບອກວ່າຢາກຍ້າຍທີມ.

 

ເຊບີຢາ ແລະ ບາເລັນເຊຍ ສອງສະໂມສອນຊັ້ນນຳຂອງ ລາ ລີກາ ສະເປນຕົກເປັນຂ່າວເມື່ອວັນພຸດທີ່ຜ່ານມາວ່າ ກຳລັງໃຫ້ຄວາມສົນໃຈທີ່ຈະເຊັນສັນຍາດຶງໂຕ ອະເລັກ ອອກສ໌ເຫຼັດ-ຊຳເບີເລນ ປີກເລືອດຜູ້ດີຂອງ ອາເຊນອນ ສະໂມສອນຍັກໃຫຍ່ຂອງ ພຣີເມຍລີກ ມາເສີມທັບ.

 

ເມື່ອຊ່ວງຕົ້ນເດືອນນີ້ ຊຳເບີເລນ ແຍ້ມໆວ່າເຂົາອາດຈະຕັດສິນໃຈລາ “ປືນໃຫຍ່” ເພື່ອໂອກາດລົງຫຼິ້ນທີ່ຫຼາຍກວ່າເກົ່າ ຫຼັງຈາກທີ່ບໍ່ສາມາດກາຣັນຕີຕຳແໜ່ງຕົວຈິງໃນທັບ “ປືນໃຫຍ່” ໄດ້ ແລະ ຫຼ້າສຸດ ເອວ ໂກ ດິຈິຕອນ ສື່ແດນກະທິງລະບຸວ່າ ເຊບີຢາ ແລະ ບາເລັນເຊຍ ໄດ້ຫັນໄປຈັບຕາເບິ່ງສະຖານະການຂອງນັກເຕະໂດຍທັງສອງທີມຕາງກໍມີງົບປະມານທີ່ຈະເສີມທັບໃນຊ່ວງຕະຫຼາດຮອບສອງໄດ້.

 

ທັງນີ້ ຊຳເບີເລນ ລົງຫຼິ້ນໃຫ້ ອາເຊນອນ ໄປແລ້ວ 157 ນັດຍິງໄດ້ 16 ລູກນັບຕັ້ງແຕ່ຍ້າຍມາຈາກ ເຊົາແຮມຕັນ ເມື່ອປີ 2011.