ສວນດອກໄມ້ທີ່ສວຍງາມ Hitachi Seaside Park

ແນ່ນອນວ່າສວນດອກໄມ້ທີງາມໆ ສີຫວານໆ ນັ້ນເປັນສິ່ງທີ່ເຮັດໃຫ້ໂລກເບິ່ງງາມຂື້ນຫຼາຍ ພຽງແຕ່ເຮົາໄດ້ສຳພັດ ແລະ ດົມກິ່ນຫອມໆຂອງມັນກໍ່ເຮັດໃຫ້ເຮົາຊື່ນໃຈຈົນລືມເລື່ອງຄຽດໆໄປໄດ້ແລ້ວ ເພາະແບບນີ້ເອງສວນດອກໄມ້ຈຶ່ງເປັນສະຖານທີ່ທ່ອງທ່ຽວທີ່ດີ.

ແລະມື້ນີ້ພວກເຮົາກໍ່ໄດ້ເອົາຮູບສວນດອກໄມ້ທີ່ງາມໆຈາກສວນດອກໄມ້ທີ່ຍີ່ປຸ່ນມາໃຫ້ເບິ່ງສວນນີ້ມີຊື່ວ່າ Hitachi Seaside Park ໃນເມືອງອິຕາຊິມາກະ ສວນແຫ່ງນີ້ກວ້າງປະມານ 153 ເຮັກຕາ ແລະ ເຕັມໄປດ້ວຍດອກໄມ້ນານາພັນທີ່ຖືກຈັດແຕ່ງຢ່າງສວຍງາມ.

ເຖິ່ງວ່າທີ່ນີ້ຈະມີດອກໄມ້ສວຍງາມຫຼາກຫຼາຍຊະນິດກໍ່ຕາມແຕ່ສິ່ງທີ່ໂດດເດັ່ນທີ່ສຸດຄືທົ່ງດອກນີໂມນີ ທິວທັດທີ່ສວຍງາມຈົນວ່ານັກທ່ອງທ່ຽວເອີ່ນກັນວ່າ ( ອາໂມນີ ນີໂມຟິເລີຍ ).

ກວ່າຈະເປັນສວນດອກໄມ້ທີ່ສວຍງາມຄືເຫັນກັນຢູ່ນີ້ກໍ່ບໍ່ແມ່ນເລື່ອງງ່າຍໆ ເພາະທີ່ນີ້ເປັນສະໜາມຖີ້ມລະເບີດຂອງນັກຮົບອາເມລິກາ ມາຮອດປະຈຸບັນຈຶ່ງມີການຟື້ນຟູໃຫ້ເປັນສວນດອກໄມ້ທີ່ສວຍງາມຂື້ນມາ ເມື່ອເຫັນຮູບສວຍໆງາມໆແບບນີ້ແລ້ວໃຜມີໂອກາດໄດ້ໄປປະເທດຍີ່ປຸ່ນກໍ່ຫາໂອກາດໄປສຳພັດກັບບັນຍາກາດດີໆ ດ້ວຍຕາໂຕເອງເບິ່ງຈັກຄັ້ງນະຈະ.