ສປປ ລາວ ມີຂົວຂ້າມແມ່ນ້ຳຂອງ 10 ແຫ່ງ

40 ປີແຫ່ງການເຕີບໃຫ່ຍ ຂະຫຍາຍຕົວຂອງ ສປປ ລາວ ກັບຜົນສໍາເລັດອັນໃຫ່ຍຫລວງໜັງສືພິມປະເທດລາວຍົກໃຫ້ເຫັນຂະແໜງຄົມມະນາຄົມຂົນສົ່ງໃນບາງດ້ານແລະສືບຕໍ່ນຳສະເໜີແຕ່ລະຂະແໜງການຈົນສຳເລັດ, ນັບແຕ່ປີ 1975 ເຫັນວ່າ ສປປ ລາວ ຍັງບໍ່ມີຂົວຂ້າມແມ່ນ້ຳຂອງ, ການຄົມມະນາຄົມທາງນ້ຳຖືວ່າເປັນອີກເສັ້ນທາງໜື່ງທີ່ສຳຄັນທີ່ປະຊາຊົນລາວບັນດາເຜົ່າໄດ້ອາໃສເຮືອແລະບັກ ເປັນພາຫະນະຂົນສົ່ງສິນຄ້າ, ໄປມາຫາສູ່ ບໍລິການອື່ນໆ ທັງພາຍໃນແລະຕ່າງປະເທດ ຊື່ງມີຄວາມຫຍຸ້ງຍາກລຳບາກແລະເປັນອຸປະສັກບໍ່ໜ້ອຍຕໍ່ວິຖີດຳລົງຊີວິດຂອງປະຊາຊົນ ຍ້ອນວ່າການສົ່ງເສີມສິນຄ້າໄປຂາຍໃນຕະຫຼາດແລະໄປມາຫາສູ່ກັນ.

ປະຈຸບັນນີ້ ສປປ ລາວ ມີຂົວຂ້າມແມ່ນໍ້າຂອງແລ້ວ 10 ແຫ່ງໃນນັ້ນກວມເອົາຂົວທັງສ້າງແລ້ວແລະພວມກໍ່ສ້າງມີຂົວເຊື່ອມຕໍ່ກັບປະເທດໃກ້ຄຽງ 5 ແຫ່ງຄື: ນະຄອນຫຼວງວຽງຈັນ-ໜອງຄາຍ, ແຂວງ ສະຫວັນນະເຂດ- ມຸກດາຫານ, ແຂວງ ຄໍາມ່ວນ-ນະຄອນພະນົມ,ແຂວງ ບໍ່ແກ້ວ-ຊຽງລາຍແລະ ຂົວຂ້າມແມ່ນ້ຳຂອງລາວ-ມຽນມາ ແລະອີກ5 ແຫ່ງຄືຂົວຂ້າມແມ່ນ້ຳພາຍໃນປະເທດ .

ຄວາມສໍາເລັດເລົ່ານີ້ແມ່ນຍ້ອນຄວາມສະຫລາດສ່ອງໃສຂອງພັກ-ລັດ, ແມ່ນໝາກຜົນຂອງການປະຕິວັດແລະການປະຕິບັດແນວທາງການຕ່າງປະເທດທີ່ຖືກຕ້ອງຂອງ ສປປ ລາວເຊີ່ງເຮັດໃຫ້ປະເທດສາມາດເຊື່ອມຈອດກັບບັນດາປະເທດສະມາຊິກອາຊຽນແລະສາກົນ, ປະຈຸບັນປະຊາຊົນລາວບັນດາເຜົ່າສາມາດຕິດຕໍ່ພົວພັນແລະໄປມາຫາສູ່ມີຄວາມສະດວກສະບາຍແລະວ່ອງໄວໂດຍສະເພາະການຂົນສົ່ງສິນຄ້າ, ການລົງທືນ , ການທ່ອງທ່ຽວແລະການບໍລິການອື່ນໆ.