ສປປ ລາວ ຈະເປັນເຈົ້າພາບກອງປະຊຸມ ລັດຖະມົນຕີທີ່ຮັບຜິດຊອບວຽກງານແຮ່ທາດ ອາຊຽນ

ສປປ ລາວ ໄດ້​ຮັບ​ກຽດ​ເປັນເຈົ້າພາບ​ຈັດ​ກອງ​ປະຊຸມ ລັດ​ຖະມົນຕີ​ທີ່​ຮັບຜິດຊອບ​ວຽກ​ງານ​ແຮ່ທາດ ອາ​ຊຽນ ຄັ້ງ​ທີ 5 (The 5th ASEAN Ministerial Meeting on Minerals “AMMIN”) ທີ່​ຈະ​ໄດ້​ຈັດ​ຂຶ້ນ​ວັນທີ 10 ກັນຍາ 2015 ທີ່​ໂຮງແຮມດອນ​ຈັນ​ພາ​ເລດ ນະຄອນຫຼວງວຽງ​ຈັນ ເຊິ່ງ​ໃນ​ກອງ​ປະຊຸມ​ຄັ້ງນີ້ ປະກອບ​ມີ 5 ກອງ​ປະຊຸມ​ທີ່​ຕິດພັນ​ດັ່ງນີ້:

ກອງ​ປະຊຸມ​ເຈົ້າ​ໜ້າທີ່​ອາວຸໂສແຮ່​ທາດ​ອາ​ຊຽນ ​ຂັ້ນ​ວິຊາ​ການ ຄັ້ງ​ທີ 12 (12th ASEAN Senior Officials Meeting on Minerals Working Group “ASOMMWG” ເຊິ່ງ​ຄົ້ນຄວ້າ 4 ຍຸດ​ທະ​ສາດ​ຫຼັກ: ການ​ຄ້າ ແລະ ການ​ລົງທຶນ​ດ້ານ​ແຮ່​ທາດ ການ​ພັດທະນາ​ດ້ານ​ແຮ່​ທາດແບບ​ຍືນ​ຍົງ ຄວາມ​ເຂັ້ມແຂງດ້ານ​ຊັບພະຍາກອນ​ມະນຸດ ການສ້າງ​ຖານ​ຂໍ້​ມູນ ແລະ ຂ່າວສານແຮ່​ທາດ.

ກອງ​ປະຊຸມ​ຮ່ວມ​ເຈົ້າ​ໜ້າທີ່ອາວຸໂສ​ແຮ່​ທາດ​ອາ​ຊຽນ​ ຂັ້ນ​ວິຊາການ ຄັ້ງ​ທີ 2 (2nd ASEAN Senior Officials Meeting on Minerals Working Group “ASOMMJWG”) ແມ່ນ​ກອງປະຊຸມ​ສັງ​ລວມ​ຜົນ​ຂອງ​ການ​ຄົ້ນຄວ້າ 4 ຍຸດ​ທະ​ສາດ​ຫຼັກ​ຂ້າງ​ເທິງນັ້ນ ເພື່ອ​ສ້າງ​ແຜນ​ປະຕິບັດ​ການຮ່ວມ​ມື​ດ້ານ​ແຮ່​ທາດ​ອາ​ຊຽນ.

...............................................................................................................................................................

ທີ່ມາ : http://www.vientianemai.net/