ວ່າຈັ່ງໃດປືນ!! ງູຂໍຢືມມຸສຕາຟີບວກອັອບຊັນຊື້ຂາດ

 

“ເດິ ມິນເລີ” ສື່ດັງຂອງອັງກິດ ອ້າງວ່າ “ງູໃຫຍ່” ອິນເຕີ ມິລານ ຍື່ນຢືມຕົວ ຊະໂຄດຣານ ມຸສຕາຟີ ກອງຫຼັງຕົວເກັ່ງຂອງ ອາເຊນອນ ບວກເງື່ອນໄຂຊື້ຂາດໃນລາຄາ 20 ລ້ານປອນມາເສີມທັບຫຼັງບ້ານກ່ອນຕະຫຼາດຊື້ຂາຍນັກເຕະຈະປິດຕົວລົງ.

ອິນເຕີ ມິລານ ແລະ ຢູເວັນຕຸດ 2 ຍັກໃຫຍ່ແຫ່ງເວທີ ກັນໂຊ ຊີເຣຍ ອາ ອີຕາລີເຄີຍເປີດນອກສະໜາມກັນຍາດຊິງຕົວກອງຫຼັງທີມຊາດເຢຍລະມັນອາຍຸ 25 ປີຫຼ້າສຸດມີລາຍງານວ່າ “ເນລັດຊູຣີ” ເປີດສາກຍື່ນຂໍຢືມ ມຸສຕາຢີ ພ່ວງກັບຕົວເລືອກຊື້ຂາດແບບບຖາວອນດ້ວຍຄ່າຕົວ 20 ລ້ານປອນອີກທັງຕິດຕໍ່ ອາແຊນ ເວນເກີ ຜູ່ຈັດການທີມ “ເດິ ກັນເນີ” ໃນເລື່ອງຍ້າຍທີມຂອງນັກເຕະແລ້ວ.

ມຸສຕາຟີ ຍ້າຍມາຫຼິ້ນໃນຖິ່ນ ເອັມມິເຫຼດ ສະເຕດ້ຽມ ດ້ວຍລາຄາສູງເຖິງ 35 ລ້ານປອນເມື່ອເດືອນສິງຫາປີກາຍຫາກໍກັບມາລົງຕົວຈິງໃນເກມລີກທີ່ຕົ້ນສັງກັດບຸກໄປປລາໄຊໃຫ້ກັບ ສະໂຕກ ຊີຕີ້ ທີ່ສະໜາມ ເບັຕ365ສະເຕດ້ຽມ ເມື່ອທ້າຍອາທິດທີ່ຜ່ານມາ.

 

ບົດຄວາມໃຫມ່ໆ