ວີທີງ່າຍໆ ທີ່ຈະດຶງດູດຜູ້ຊາຍດີໆເຂົ້າມາໃນຊີວິດ

ທຸກມື້ນີ້ຜູ້ຊາຍດີໆຫາຍາກຫຼາຍເກີນ ຍາກຈົນສາວໆຫຼາຍຄົນຄິດວ່າຜຸ້ຊາຍດີໆມີພຽງໃນນິຍາຍພາຝັນ ບໍ່ເຫຼືອໃນຊີວິດແທ້ຈິງໃຫ້ຈັບຈອງດອກ! ແຕ່ເຊື່ອເທາະ ຍັງມີຄົນດີອີກຫຼວງຫຼາຍທີ່ລໍຖ້າພົບເຈົ້າຢູ່ ແລະເຈົ້າເອງກໍຄວນຈະໄດ້ພົບກັບຄວາມຮັກດີໆເຊັ່ນກັນ ເພາະສະນັ້ນ, ຢ່າມົວລໍຖ້າເປັນຜູ້ຖືກເລືອກ ແຕ່ຈົ່ງໃຫ້ໂອກາດຕົວເອງເລືອກຄົນດີໆ ເຂົ້າມາໃນຊີວິດ ໂດຍການເຮັດຕາມວິທີເຫຼົ່ານີ້
1.ຊອກຫາຄົນທີ່ຈິງຈັງໃນຄວາມສຳພັນ: ຜູ້ຍິງຫຼາຍຄົນອາດເບິ່ງວ່າຜູ້ຊາຍບໍ່ມັກການຜູກມັດ ຈິ່ງບໍ່ມັກຄົບໃຜຍາວນານເປັນເລື່ອງເປັນລາວ ແຕ່ແທ້ຈິງແລ້ວ ບໍ່ແມ່ນຜູ້ຊາຍທຸກຄົນຈະຄິດແບບນັ້ນ ຜູ້ຊາຍທີ່ດີຈະຊັງການຄົບແບບຜ່ານໆ ຫຼືຄວາມສຳພັນແບບຂ້າມມື້ຂ້າມຄືນ ເພາະພວກເຂົາເອງກໍຕ້ອງການຄວາມສຳພັນແບບຍືນຍາວເຊັ່ນກັນ  ເພາະຜູ້ຊາຍເບິ່ງຜູ້ຍິງທີ່ຄົບເປັນຄົນສຳຄັນ ທີ່ລາວສາມາດເວົ້າລົມໄດ້ທຸກເລື່ອງ ບໍ່ແມ່ນພຽງແກ້ເຫງົາໄປແຕ່ລະມື້

2. ເປີດໂອກາດໃຫ້ຕົນເອງພົບຄົນໃໝ່ໆແດ່: ເປີດໃຈໃຫ້ຕົນເອງຮຸ້ຈັກກັບຄົນໃໝ່ ຢ່າມົວແຕ່ປິດກັ້ນຕົນເອງ ຍ້ອນປະສົບການຮັກທີ່ໂຫດຮ້າຍ ເພາະຜູ້ຊາຍໃນໂລກມີທັງດີ ທັງຊົ່ວປະປົນກັນໄປ ຂຶ້ນກັບເຈົ້າທີ່ຈະຮຽນຮູ້ ແລະເລືອກເຟັ້ນ.
3. ຢ່າພະຍາຍາມຈົນເກີນໄປ: ຖ້າຫາກຢາກພົບຜູ້ຊາຍດີໆ ກໍຄວນຮູ້ຈັກອົດທົນລໍຖ້າແດ່ ບໍ່ແມ່ນຕອບຮັບຜູ້ຊາຍທຸກຄົນທີ່ເຂົ້າມາໃນຊີວິດ ອາດເຮັດໃຫ້ເຈົ້າພົບຄົນບໍ່ດີໄດ້ງ່າຍໆ ແລະສຸດທ້າຍເຈົ້າເອງຕ້ອງມານັ່ງເສຍໃຈນຳຫຼັງ ທາງທີ່ດີ ກ່ອນຈະຄົບຫາກັບໃຜຄວນສຶກສາເຂົາເຈົ້າໃຫ້ດີ ແລະໝັ້ນໃຈວ່າຮູ້ຈັກລາວດີແລ້ວຈຶ່ງຄົບກັນ.

4. ຕັ້ງມາດຕະຖານໄວ້ແດ່: ບໍ່ແມ່ນເລື່ອງເສຍຫາຍທີ່ເຈົ້າຈະຕັ້ງມາດຕະຖານ ຫຼືສະເປັກຄົນທີ່ຈະມາເປັນແຟນເອົາໄວ້ສູງ ບາງຄົນອາດຍອມຄົບຜູ້ຊາຍທີ່ບໍ່ເປັນຕາເລື່ອງ ພຽງເພາະບໍ່ຢາກໃຫ້ຕົນເອງຢູ່ເປັນໂສດ ແຕ່ຄວາມຈິງແລ້ວເປັນຄວາມຄິດທີ່ຜິດ ເພາະເຮົາຄວນສັນຫາສິ່ງທີ່ດີທີ່ສຸດໃຫ້ກັບຕົນເອງ ດັ່ງນັ້ນ, ເຮົາຈຶ່ງບໍ່ຈຳເປັນຕ້ອງອົດຢູ່ກັບຄົນບໍ່ເປັນຕາສິແຕກ ເພື່ອແກ້ເຫງົາໄປຊື່ໆ

5. ຈື່ໄວ້ ໂລກນີ້ມີຜູ້ຊາຍດີໆຕັ້ງຫຼວງຫຼາຍ: ຖ້າຄວາມສຳພັນມັນໄປລອດແລ້ວ ກໍບໍ່ຈຳເປັນຕ້ອງຝືນທົນອີກຕໍ່ໄປ ເພາະລາວບໍ່ແມ່ນຜູ້ຊາຍຄົນສຸດທ້າຍໃນໂລກ ຍັງມີຄົນດີໆລໍຖ້າເຈົ້າຢູ່ອີກຫຼາຍຄົນ ດັ່ງນັ້ນ, ຢ່າໄປເສຍເວລາກັບຄົນທີ່ບໍ່ເຫັນຄຸນຄ່າຂອງເຈົ້າ ແລະຢ່າປ່ອຍໃຫ້ຄວາມສຳພັນເກົ່າໆທີ່ຈົບລົງແລ້ວນັ້ນມາທຳລາຍຄວາມສຸກໃນປັດຈຸບັນ
6.ຮູ້ຈັກໃຫ້ກຳລັງໃຈຄົນຮັກຂອງເຈົ້າ: ຫາກຕ້ອງການເປັນຜູ້ຍິງທີ່ຜູ້ຊາຍຄິດຈະຄົບແບບຈິງຈັງ ກໍຄວນເຮັດໂຕໃຫ້ສົມກັບຜູ້ຍິງທີ່ເຂົາມອງຫາ ຄວນມີຄວາມເປັນຜູ້ໃຫຍ່ໃັຫຫຼາຍໆ ບໍ່ມີໃຜຢາກຢູ່ກັບຄົນທີ່ບໍ່ຮູ້ເວົ້າຈາໃຫ້ກຳລັງໃຈກັນ ແລະຄອຍມອງໂລກໃນແງ່ຮ້າຍຕະຫຼອດ. ດັ່ງນັ້ນ ເຈົ້າຕ້ອງເປັນທີ່ປຶກສາທີ່ດີໃຫ້ກັບລາວ, ຮູ້ຈັກຮັບຟັງ, ບໍ່ຊ້ຳຕື່ມເວລາລາວຜິດພາດ ເພາະຫາກຍັງເຮັດໂຕຄືເດັກນ້ອຍເອົາແຕ່ໃຈ, ເຫັນແກ່ຕົວ ເຈົ້າກໍຈະເປັນພຽງຜູ້ຍິງຄົນໜຶ່ງທີ່ຜ່ານເຂົ້າມາແລ້ວກໍຜ່ານໄປ.

7. ສະຖານທີ່ສຳຄັນ: ຢ່າຊອກຫາຄວາມສຳພັນແບບຍືນຍາວ ຕາມເທັກຕາມບາ, ເວັບໄຊຫາຄູີ ບໍ່ແມ່ນວ່າສະຖານທີ່ດັ່ງກ່າວບໍ່ມີຄົນດີເລີຍຈັກໜ່ອຍ ແຕ່ເພາະຄົນສ່ວນໃຫຍ່ມັກຊອກຫາຄວາມສຳພັນສາບສວຍຈາກຄົນທີ່ພົບເຈິກັນຫຼາຍກວ່າ ດັ່ງນັ້ນ, ເຈົ້າເອງບໍ່ຄວນຄິດຈິງຈັງຫຍັງກັບຄົນທີ່ບໍ່ໄດ້ຄິດຈິງໃຈກັບເຈົ້າແຕ່ຕອນທຳອິດ.
ການລໍຖ້າພົບຄົນດີໆ ອາດເປັນເລື່ອງຍາກ ແລະຍາວນານ ຈົນຫຼາຍໆຄົນທໍ້ໃຈ ແຕ່ເຊື່ອເທາະວ່າມັນເປັນການລໍຄອຍທີ່ມີຄຸນຄ່າ ເພາະເຈົ້າຄູ່ຄວນທີ່ຈະໄດ້ຢູ່ກັບຄົນທີ່ຮັກ ແລະເບິ່ງແຍງເຈົ້າຢ່າງດີໄປຕະຫຼອດຊີວິດ