ວິວມັອດຢັນອາຊາກັບມາລົງຊ້ອມທັນກ່ອນເກມຟາດເວວ

 

ມາກ ວິວມັອດ ຜູ້ຈັດການທີມຊາດແບນຊິກລະບຸຊັດເຈນວ່າ ເອເດັນ ອາຊາ ນັກເຕະຄົນສຳຄັນຈະສົມບູນທັນແນ່ນອນສຳລັບເກມກ່ອນຮອງຊະນະເລີດີ່ຈະດວນກັບເວວວັນສຸກນີ້ ເຊື່ອເຂົາຈະກັບມາຊ້ອມໄດ້ກ່ອນມື້ລົງແຂ່ງ.

 

ມາກ ວິວມັອດ ຜູ້ຈັດການທີມຊາດແບນຊິກຢືນຢັນວ່າ ເອເດັນ ອາຊາ ເພເມກເກີຂອງທີມພ້ອມຊ່ວຍທີມຢ່າງແນ່ນອນສຳລັບເກມ ຢູໂຣ 2016 ຮອບກ່ອນຮອງຊະນະເລີດທີ່ທັບ “ຜີສາດແດງແຫ່ງເອີຣົບ” ຈະມີຄິວພົບກັບເວວວັນສຸກນີ້ ເຖິງວ່ານັກເຕະມີບັນຫາອາການບາດເຈັບເລັກນ້ອຍບ່ອນຕົ້ນຂາຈົນບໍ່ໄດ້ລົງຊ້ອມກັບທີມເມື່ອວັນອັງຄານທີ່ຜ່ານມາ.

ດາວເຕະຂອງ ເຊວຊີ ໂຊຟອມໄດ້ໂດດເດັ່ນໃນເກມຮອບ 16 ທີມສຸດທ້າຍທີ່ແບນຊິກໄລ່ທັບຮັງກາລີ 4-0 ເມື່ອວັນອາທິດທີ່ຜ່ານມາເຊິ່ງເຂົາກໍເປັນຄົນຍິງລູກທີສາມໃຫ້ກັບທີມແຕ່ກໍມີບັນຫາບາດເຈັບລົບກວນຈົນຕ້ອງຖືກປ່ຽນອອກຫຼັງຈາກນັ້ນ.

 

ຢ່າງໃດກໍຕາມຫຼ້າສຸດ ວິວມັອດ ລະບຸວ່າ ອາຊາ ອາດຈະບໍ່ມີບັນຫາສຳລັບການລົງຫຼິ້ນໃນວັນສຸກນີ້ “ອາຊາ ມີອາການເຄັ່ງໆເລັກນ້ອຍບ່ອນຕົ້ນຂາ ເຊິ່ງຍ້ອນແບບນັ້ນເປັນເຫດໃຫ້ຂ້ອຍປ່ຽນເຂົາອອກໃນຊ່ວງເຄິ່ງຫຼັງ ແຕ່ຂ້ອຍກໍຄິດວ່າເຂົາຈະກັບມາຊ້ອມໄດ້ໃນວັນພະຫັດນີ້ ຕອນນີ້ເຂົາກຳລັງຮັບການດູແລເປັນຢ່າງດີຈາກນັກກາຍະພາບ ແລະ ອາດຈະກັບມາລົງຊ້ອມເຕັມຮ້ອຍໄດ້ກ່ອນເກມກັບເວວ” ວິວມັອດ ກ່າວ.