ວິທີ​ແກ້​ປວດ​ສົ້ນ​ຕີນ​ ພຽງແຕ່ເຮັດ​ຕາມນີ້

ວິທີ​ແກ້​ປວດ​ສົ້ນ​ຕີນ​ ພຽງແຕ່ເຮັດ​ຕາມນີ້

ຜູ້​ທີ່​ມີ​ບັນຫາ​ອາການ​ປວດ​ສົ້ນ​ຕີນ​ ຫຼື ​ປວດ​ບໍລິເວນ​ຕີນ​ ຫຼື ​ອາການ​ທີ່​ເອີ້ນວ່າ​ ຮອງ​ຊ້ຳ​ ວິທີ​ການຮັກ ສາ​ສ່ວນ​ຫຼາຍ​ຈະ​ໄປ​ຫາໝໍ​ ແລະ ສັກ​ຢາ​ ແຕ່​ຫາກ​ສັກຢາເປັນ​ເວລາ​ດົນ​ໆ​ ຈະ​ເຮັດໃຫ້​ເສັ້ນ​ເອັນ​ເປື່ອຍ.​
ສະ​ນັ້ນ​ວິທີ​ທີ່​ດີ​ຄື... ແຊ່​ນ້ຳ​ອຸ່ນ​ ແລະ ​ນວດ​ເລື້ອຍ​ໆ​ ໂດຍ​ໃຊ້​ແຜ່ນ​ຢາງ​ນວດ​ຕີນ​ ໃສ່​ທີ່​ເສີມ​ສົ້ນ​ຕີນ​ອ່ອນ​ໆ​ໃນ​ເກີບ​ ແຊ່​ນ້ຳ​ອຸ່ນ​ (ປະ​ມານ​ 33 – 36 ອົງ​ສາ​) ແລະ ​ຕື່ມ​ນ້ຳ​ໃນ​ອ່າງ​ເປັນໄລຍະໆ​ ເພື່ອ​ຮັກສາ​ອຸນຫະພູມ​ຂອງ​ນ້ຳ​ໃຫ້​ຄົງ​ທີ່​ ແຊ່​ນ້ຳ​ອຸ່ນ​ 15 – 20 ນາ​ທີ​ ຫຼັງ​ຈາກ​ການ​ແຊ່​ນ້ຳ​ອຸ່ນ​ ຄວນ​ໃຫ້​ພັກ​ປະ​ມານ​ 30 ນາ​ທີ​ ມັນຈະ​ດີ​ຂຶ້ນ. ສາດ​ການ​ແພດ​ຈີນ​ ນິຍົມ​ໃຊ້​ສະຫ​ມຸນ​ໄພ​ທີ່​ມີສັບພະຄຸນ​ໃນ​ການ​ກຳຈັດ​ພິດ​ຮ້ອນ ຊື້ນ​ທີ່​ສະ​ສົມ​ຢູ່ໃນ​ສົ້ນ​ຕີນ​ ຊຶ່ງ​ເປັນ​ຕົ້ນ​ເຫດ​ເຮັດໃຫ້​ການ​ໄຫຼ​ວຽນ​ຂອງ​ເລືອດ​ລົມ​ໃນ​ບໍລິເວນ​ນີ້​ຕິດ​ຂັດ​ຈົນ​ເກີດ​ອາການ​ປວດ​ ເພື່ອລົ​ດ​ອາການ​ອັກ​ເສບ​ຂອງ​ສົ້ນ​ຕີນ​ ສ່ວນ​ສະຫ​ມຸນ​ໄພ​ທີ່​ມີສັບພະຄຸນໃນ​ການ​ຟື້ນ​ຟູ ​ແລະ ​ກະຕຸ້ນ​ການ​ໄຫຼ​ວຽນ​ຂອງ​ເລືອດ​ໃນ​ຮ່າງກາຍ​ໂດຍ​ສະເພາະ​ບໍລິເວນ​ສົ້ນ​ຕີນ​ກໍ​ມີ​ບົດ​ບາດ​ສຳຄັນ​ ໃນ​ການຮັກສາ​ອາການ​ປວດ​ສົ້ນ​ຕີນ​ຄືກັນ. ແຕ່​ສຳລັບ​ຜູ້​ທີ່​ປວດ​ສົ້ນ​ຕີນ​ ພ້ອມ​ມີ​ອາການ​ຫາຍ​ໃຈ​ບໍ່​ສະ​ດວກ​, ປວດ,​ ແໜ້ນ​ ຈຸກ​ສຽດ,​ ເມື່ອຍ​ງ່າຍ,​ ອ່ອນ​ເພຍ​ງ່າຍ​ ຂຶ້ນ​ຂັ້ນໄດ​ຊັ້ນ​ສອງ​ຊັ້ນ ​ຫຼື ​ເຮັດ​ຫຍັງ​ໜ້ອຍໜຶ່ງ ກໍ​ຮູ້ສຶກ​ເມື່ອຍ​ ຫຼື ​ລີ້ນ​ສີ​ມ່ວງ​ແດງ​ນັ້ນ​ ຜູ້​ປ່ວຍ​ຄວນ​ຄິດວ່າ​ເລືອດ​ລົມ​ໃນ​ຮ່າງກາຍ​ບໍ່​ໄດ້​ຕິດ​ຂັດ​​ສະເພາະ​ທີ່ບໍລິ​ເວນ​ ສົ້ນ​ຕີນ​ເທົ່າ​ນັ້ນ.​ ແຕ່​ກໍ​ຍັງມີ​ອີກ​ຫຼາຍ​ໆ​ ຈຸດ​ເກີດ​ການ​ຕິດ​ຂັດ​​ຈົນ​ເລືອດ​ລົມ​ໄຫຼ​ວຽນ​ບໍ່​ສະ​ດວກ​ໂດຍ​ສະເພາະ​ບໍລິເວນ​ຫົວ​ໃຈ​ ຈຶ່ງ​ຄວນ​ຮັກສາ​ອາການ​ປວດ​ສົ້ນ​ຕີນຄອບຄູ່​ກັບ​ການເຮັດ​ຄວາມ​ສະ​ອາດ​ຫຼອດ​ເລືອດ​ທົ່ວ​ທັງ​ຮ່າງ ກາຍ​ ສ່ວນ​ຜູ້​ປ່ວຍ​ປວດ​ສົ້ນ​ຕີນ​ທີ່​ມີ​ອາການ​ວິນ​ວຽນ​ຫົວ​, ຫູນວກ,​ ຕາ​ລາຍ,​ ແຂນ​ຂາ​ບໍ່ມີແຮງ,​ ປວດ​ເມື່ອຍ​ຕາມ​ຮ່າງກາຍ​, ມັກຫຼົງ​ມັກລືມ,​ ຍ່ຽວ​ເລື້ອຍ​ ແລະ ອື່ນໆ​ ສະແດງ​ວ່າ​ໄຕຂອງ​ຜູ້​ປ່ວຍ​ນັ້ນ​ອ່ອນ ແອ​ ບໍ່​ແຂງ​ແຮງ​ເທົ່າທີ່ຄວນ ຈຶ່ງ​ຄວນ​​ບຳລຸງໄຕ​ໄປ​ພ້ອມ​ໆ​ກັນ​ ອາການ​ປວດ​ສົ້ນ​ຕີນ​ກໍ່​ຈະ​ຄ່ອຍ​ໆ​ເຊົາ​ລົງ​ ຫຼື ​ອາດ​ຫາຍ​ໄປ​ໃນ​ທີ່ສຸດ​ ຂໍ​ແນະ​ນຳ​ສຳລັບ​ຜູ້​ທີ່​ມີ​ບັນຫາ​ອາການ​ປວດ​ສົ້ນ​ຕີນ​ ຫຼື ​ປວດ​ບໍລິເວນ​ຕີນ​ ຫຼື ​ອາການ​ທີ່​ເອີ້້ນວ່າ​ ຮອງ​ຊ້ຳ​ ຜູ້​ທີ່​ມີ​ການ​ນີ້​ຈະ​ປວດ​ສົ້ນ​ຕີນ​ຫຼາຍ​ເວລາ​ຕື່ນ​ນອນ​ຕອນ​ເຊົ້າ. ຊຶ່ງ​ຢຽບ​ພື້ນ​ຕອນ​ຕື່ນ​ນອນ​ ຈະ​ມີ​ອາຫານ​ປວດ​ທີ່​ຕີນ​ ຫຼື ​ສົ້ນ​ຕີນ​ຫຼາຍ​ ວິທີ​ການຮັກສາ​ສ່ວນ​ຫຼາຍ​ຈະ​ໄປໝໍ ແລະ ​ສັກ​ຢາ​ ແຕ່​ຫາກສັກຢາ​ເປັນ​ເວລາ​ດົນ​ໆ​ ຈະ​ເຮັດໃຫ້​ເສັ້ນ​ເອັນ​ເປືອຍ​ ສະ​ນັ້ນ​ວິທີ​ທີ່​ດີ​ຄື:​ ແຊ່​ນ້ຳ​ອຸ່ນ ​ແລະ ​ນວດ​ເລື້ອຍ​ໆ​

ສາດ​ແຜນບູຮານໃນ​ການ​ແຊ່​
ໃຊ້​ສະຫ​ມຸນ​ໄພ​ແຊ່​ນ້ຳ​ສູດ​

  1. ເຄືອ​ເອັນ​ອ່ອນ​ແຫ້ງ​ບົດ​ 50 ກຮາມ​ (ຫຼຸດ​ອາການ​ປວດ​ເມື່ອຍ​ ຄາຍ​ເສັ້ນ​)
  2. ເຄືອ​ຂໍຫໍ​ແຫ້ງ​ ແລະ ​ບົດ​ແລ້ວ​ 50 ກຮາມ​ (ຫຼຸດ​ອາການ​ປວດ​ເມື່ອຍ​ ຄາຍ​ກ້າມເນື້ອ​)​
  3. ຂີ້​ມິ້ນ,​ ໄພລ,​ ຫວ່ານ​ນາງ​ຄຳ​ ແຫ້ງ​ບົດ​ແລ້ວ​ ຢ່າງ​ລະ​ 25 ກຮາມ​ ກາລະ​ບູນ​ 50 ກຮາມ​ (ຮັກສາ​ແຜ ຫຼຸດ​ອາການ​ປວດ​ເມື່ອຍ​ຕາມ​ປາຍ​ປະສາດແກ້ວິນ​ວຽນ​)
  4. ເກືອ​ 50 ກຮາມ​ (ຂ້າ​ເຊື້ອ​ພະຍາດ​ ເຮັດໃຫ້​​ຢາ​ດູດ​ຊຶມ​ເຂົ້າ​ຜິວ​ໜັງ​ໄດ້​ດີ​)

ຢຽບດິນຈີ່​ແດງ​

  • ເອົາດິນຈີ່ດງ​ ມາ​ເຜົາ​ດ້ວຍ​ຖ່ານ​ (ຫຼື​ແກສ໌​ກໍ​ໄດ້​) ຈົນ​ມັນ​ຮ້ອນ
  • ຊື້​ຫົວ​ໄຊ​ໂປ໊ ຫຼື ຫົວໄຊເທົ້າ​ ຈາກ​ຕະຫຼາດ​ ( ເປັນ​ຫົວ​ໄຂ​ໂປ໊​ແບບ​ແຫ້ງ​ໆ​) ແບບ​ດຽວ​ທີ່​ໃຊ້​ຜັດ​ກັບ​ໄຂ່​ ຫຼື​ ຜັດ​ໄທ​ ມາ​ຈັກ​ 2 ຫົວ​
  • ເອົາ​ຫົວ​ໄຊ​ໂປ໊​ວາງ​ເທິງດິນຈີ່​ແດງ​ທີ່​ກຳ​ລັງ​ຮ້ອນ
  • ເອົາ​ສົ້ນ​ຕີນ​ທີ່ປວດ​ ວາງ​ເທິງ​ຫົວໄຊ​ໂປ໊​ແລ້ວ​ຄ່ອຍ​ໆ​ຄຶງ​ສົ້ນ​ຕີນ​ເທິງ​ຫົວໄຊ​ໂປ໊​ໄປ​ມາ​ ຈົນ​ມັນເຢັນ​ກໍ​ເຮັດ​ໃໝ່​ອີກ​ (ວິທີເກົ່າ​ຄື​ ເຜົາດິນຈີ່ແລ້ວ​ເອົາ​ຫົວໄຊ​ໂປ໊ວາງ​ທັບ​
  • ເຮັດ​ແບບ​ນີ້​ຫຼາຍ​ໆ​ເທື່ອ​ ຮັບຮອງ​ຫາຍ​ປວດ​ແນ່ນອນ​ ເພາະຂ້ອຍເຮັດ​ມາ​ແລ້ວ​ໄດ້​ຜົນ​ ເປັນ​ສູດ​ຂອງ​ຄົນ​ຈີ​ນ
  • ສິ່ງ​ທີ່​ສຳຄັນ​ທີ່ສຸດ​ຄື​ ຫຼຸດ​ນ້ຳ​ໜັກ​ຕົວ​ເອງ​ໃຫ້​ຫຼາຍ​ທີ່ສຸດ​

ທົດລອງ​ເບິ່ງ​ໄດ້ບໍ່​ມີ​ອັນຕະລາຍ​ ແລະ​ ບໍ່​ເສຍ​ຄ່າ​ໃຊ້​ຈ່າຍ​ຫຼາຍ​.