ວິທີ​ເຮັດ​ເຂົ້າ​ໜຽວ​ປິ້ງ​ໄສ້ໝາກ​ກ້ວຍ​ແລະ​ໄສ້​ເຜືອກ​

ວິທີ​ເຮັດ​ເຂົ້າ​ໜຽວ​ປິ້ງ​ໄສ້ໝາກ​ກ້ວຍ​ແລະ​ໄສ້​ເຜືອກ​

ສ່ວນ​ປະສົມ​ແລະ​ວິທີ​ເຮັດ​ເຂົ້າ​ໜຽວ​ປິ້ງ​ໄສ້ໝາກ​ກ້ວຍ​ແລະ​ໄສ້​ເຜືອກ​

ເຂົ້າ​ໜຽວ​ປິ້ງ​ມີ​ຫຼາຍ​ໄສ້​ທີ່​ນິຍົມ​ກິນເຊັ່ນ​ ໄສ້​ໝາກກ້ວຍ​ແລະ​ໄສ້​ເຜືອກ​ເຖີງວ່າ​ຈະ​ມີ​ຫຼາຍ​ຂັ້ນ​ຕອນ​ໃນ​ການເຮັດ​ແຕ່​ກໍ​ບໍ່​ຫຍຸ້ງ​ຍາກ​ຊັບ​ຊ້ອນ​ເປັນ​ຂະໜົມ​​ທີ່​ໃຊ້​ເງີນ​ລົງ​ທຸນ​ນ້ອຍ​ວັດ​ຖຸ​ອຸປະກອນ​ບໍ່​ຫຼາຍ​ເໝາະ​ສຳລັບ​ເຮັດ​ຂາຍ ​ແລະ​ເປັນ​ອາ​ຊີບ​ເສີມ​ທີ່​ໜ້າສົນ​ໃຈ​ ເຂົ້າ​ໜຽວ​ປິ້ງ​ມີ​ສ່ວນ​ປະກອບ​ທີ່​ສຳຄັນ​ຄື​ໄສ້​ຂະໜົມ​ໂດຍ​ສະເພາະ​ໄສ້​ເຜືອກ​ຊຶ່ງ​ສ່ວນ​ປະສົມ​ແລະ​ວິທີ​ເຮັດ​ຕາມ​ນີ້​

ສ່ວນ​ປະສົມ​ແລະ​ວິທີ​ເຮັດ​ເຂົ້າ​ໜຽວ​ປິ້ງ​

ສ່ວນ​ປະສົມ​ເຂົ້າ​ໜຽວ​ມູນ​
1. ເຂົ້າ​ໜຽວ​​ 1 ກກ.​
2. ນ້ຳ​ກະ​ທິ​ 3 ຖ້ວຍ​ຕວງ​
3. ນ້ຳ​ຕານຊາຍ​ 300 ກຣາມ​
4. ເກືອ​ປົ່ນ​ 1 ບ່ວງ​ຊາ​

ວິທີ​ເຮັດ​ເຂົ້າ​ໜຽວ​ມູນ​
1. ລ້າງ​ເຂົ້າ​ໜຽວ​ແລ້ວ​ແຊ່​ນ້ຳ​ໄວ້​ 1 ຄືນ​

2. ນຳ​ໄປ​ໜຶ້ງ​​ຈົນ​ສຸກ​ໃຊ້​ເວລາ​ປະ​ມານ​ 25 ນາ​ທີ​

3. ລະຫວ່າງຖ້າເຂົ້າ​ໜຽວ​ສຸກ​ ນຳ​ສ່ວນ​ປະສົມ​ ກະ​ທິ​ ນ້ຳ​ຕານຊາຍ​ ແລະ ​ເກືອ​ປົ່ນ​ຄົນ​ຈົນ​ສ່ວນ​ປະສົມ​ລະ​ລາຍ​ກຽມ​ໄວ້​

4. ນຳ​ເຂົ້າ​ໜຽວ​ທີ່​ໜຶ້ງ​ສຸກ​ໃສ່​ພາ​ຊະນະ​ມີ​ຝາ​ປິດ​ເທ​ສ່ວນ​ປະສົມ​ທີ່​ຕຽມ​ໄວ້​ລົງ​ໄປ​ໃນ​ເຂົ້າ​ໜຽວ​ຄົນ​ໃຫ້​ສ່ວນ​ປະສົມ​ເຂົ້າ​ກັນ​ແລ້ວ​ປິດ​ຝາ​ໄວ້​ເພື່ອ​ໃຫ້​ເຂົ້າ​ດູດ​ຊຶມ​ນ້ຳ​ກະ​ທິ​

ສ່ວນ​ປະສົມ​ໄສ້​ເຜືອກ​
1. ເຜືອກ​ໜຶ້ງ​ສຸກ​ບົດ​ລະອຽດ​ 500 ກຣາມ​
2. ນົມ​ຂົ້ນ​ຈືດ​ 1 ຖ້ວຍ​ຕວງ​
3. ນ້ຳ​ຕານຊາຍ 250 ກຣາມ​
4. ເນີຍ​ສົດ​ 30 ກຣາມ​
5. ນ້ຳ​ມັນ​ພືດ​ 50 ກຣາມ​
6. ເກືອ​ປົ່ນ​ 1 ບ່ວງ​ຊາ​

ວິທີ​ເຮັດ​ໄສ້​ເຜືອກ​
1. ນຳ​ສ່ວນ​ປະສົມ​ທັງ​ໝົດ​ຍົກ​ເວັ້ນ​ເນີຍ​ສົດ​ໃສ່​ໃນ​ກະ​ທະ​ໃຊ້​ໄຟ​ກາງ​ກວນ​ຈົນ​ສ່ວນ​ປະສົມ​ໜຽວ​ບໍ່​ຕິດ​ໝໍ້ໃສ່​ເນີຍ​ສົດ​ກວນ​ຕໍ່​ແລ້ວ​ປິດ​ໄຟ​ປະ​ໄວ້​

ວິທີ​ຫໍ່​ເຂົ້າ​ໜຽວ​ປິ້ງ​

ອຸປະກອນ​ທີ່​ຕ້ອງ​ກຽມ​
1.ໃບ​ຕອງ​ສຳລັບ​ຫໍ່ຂະໜົມ ຈີກ​ໃຫ້​ມີ​ຂະໜາດ​ຕາມ​ທີ່​ຕ້ອງ​ການ​ແລ້ວ​ເຊັດ​ໃຫ້​ສະ​ອາດ​
2.ໄມ້​ຈິ້ມ​ແຂ້ວ​

ວິທີ​ຫໍ່​ເຂົ້າ​ໜຽວ​ປິ້ງ​
1.ໃຊ້​ໃບ​ຕອງ​ 2 ແຜ່ນ​ວາງ​ປະ​ກົບ​ກັນ​ໃຫ້​ສີ​ຂຽວ​ຢູ່​ດ້ານ​ນອກ​

2.ຕັກ​ເຂົ້າ​ໜຽວ​ວາງ​ຕາມ​ປະລິມານ​ທີ່​ຕ້ອງ​ການ​ແລ້ວ​ຕັກ​ໄສ້​ເຜືອກ​ໃສ່ກາງ​ປິດ​ທັບ​ດ້ວຍ​ເຂົ້າ​ໜຽວ​​ (ຫາກ​ເຮັດ​ໄສ້​ໝາກກ້ວຍ​ກໍ​ເຮັດ​ຄື​ກັນ​)

3.ມ້ວນ​ໃບ​ຕອງ​ແລ້ວ​ຂັດ​ຫົວ​ທ້າຍ​ດ້ວຍ​ໄມ້​ຈິ້ມ​ແຂ້ວ​ ໃຊ້​ມີດຕັດໆ​ໃຫ້​ສວຍ​ງາມ​

4.ນຳ​ໄປ​ປິ້ງ​ຫຼືປິ້ງ​ເທິງ​ເຕົາ​ຖ່ານ​ໃຊ່​ໄຟ​ອ່ອນ​ຈົນ​ສຸກ​ແລະ​ມີກິ່ນ​ຫອມໆ​

ເຂົ້າ​ໜຽວ​ປິ້ງ​ ຂະໜົມ​ຫວານ​​ເຖີງ​ວ່າຈະ​ມີ​ຫຼາຍ​ຂັ້ນ​ຕອນ​ໃນ​ການເຮັດ​ແຕ່​ກໍ​ບໍ່​ຫຍຸ້ງ​ຍາກ​ຫຼືມີ​ຂັ້ນ​ຕອນ​ທີ່​ຊັບ​ຊ້ອນ​ເປັນ​ອາ​ຊີບ​ເສີມ​ທີ່​ໜ້າສົນໃຈ​ເໝາະ​ສຳລັບ​ເຮັດ​ຂາຍ​ໃນ​ຊ່ວງ​ເຊົ້າ​ໆ​ເພາະ​ນອກ​ຈາກ​ຂາຍ​ຍ່ອຍ​ແລ້ວຍັງ​ເຮັດ​ຂາຍ​ສົ່ງ​ໄດ້​ອີກ​