ວິທີ​ເຮັດ​ວຸ້ນ​ໃນ​ໝາກພ້າວ ​ແຊ່​ເຢັນແຊບ​ໆ

ວິທີ​ເຮັດ​ວຸ້ນ​ໃນ​ໝາກພ້າວ ​ແຊ່​ເຢັນແຊບ​ໆ

ສ່ວນ​ປະສົມ​ສຳລັບ​ການເຮັດ​ວຸ້ນໝາກພ້າວ​ຕໍ່ ​1 ໜ່ວຍ​ 

1.ໝາກ​ພ້າວ​ອ່ອນ​ 1 ໜ່ວຍ ເລືອກ​ເນື້ອ​ທີ່​ກຳ​ລັງ​ດີ​
2.ນ້ຳ​ຕານຊາຍ​ 2 ບ່ວງໂຕະ​(ໃຜ​ມັກ​ຫວານ​ກວ່າ​ນີ້​ໃສ່​ເພີ່ມ​ໄດ້​​)
3.ຜົງ​ວຸ້ນ​ 1 ບ່ວງ​ຊາ​
4.ເກືອ​ ¼ ບ່ວງ​ຊາ​


ວິທີ​ເຮັດ​


1.ໝາກ​ພ້າວ​ຖ້າ​ຍັງ​ບໍ່​ໄດ້​ຜ່າ ໃຫ້​ນຳ​ມາຜ່າຕົກແຕ່ງ​ໃຫ້​ສວຍ​ງາມແຕ່ຍັງບໍ່ທັນໄດ້ຜ່າເອົານ້ຳອອກ ​ແລ້ວ​ແຊ່​ນ້ຳ​ສົ້ມ​ສາຍ​ຊູ​ໄວ້​ 15 ນາ​ທີ​ເພື່ອ​ກັນ​ດຳ.​

2.ນຳ​ໝາກ​ພ້າວ​ມາ​ເສາະ ຫຼື ຜ່າ​ ໃຫ້​ປາກ​ຄ່ອນ​ຂ້າງ​ໃຫຍ່​ພໍ​ສົມຄວນ​ເພື່ອຈະ​ໄດ້​ສະ​ດວກ​ໃນ​ການ​ຕັກ​ເນື້ອອອກ​ ຈາກ​ນັ້ນ​ເທ​ນ້ຳ​ໝາກ​ພ້າວ​ອອກ​ ກອງ​ໃຫ້​ຮຽບຮ້ອຍ​ ແລ້ວ​ໄປ​ເທ​ໃສ່​ພາ​ຊະນະ​ທີ່​ຈະ​ຕັ້ງ​ໄຟ​.

3.ເອົາ​ບ່ວງຂູດ​ເນື້ອໝາກ​ພ້າວ​ອອກ​ໂດຍ​ບໍ່​ໃຫ້​ຖືກ​ສ່ວນ​ຂອງ​ກະໂປະ​ ຈາກ​ນັ້ນ​ພັກ​ໄວ້.​

4.ນຳ​ຜົງ​ວຸ້ນ​ ແລະ​ ນ້ຳ​ຕານ​ ເກືອ​ ເທລົງ​ໃນ​ພາ​ຊະນະ​ທີ່​ໃສ່​ນ້ຳ​ໝາກ​ພ້າວ​ ຈາກ​ນັ້ນ​ຄົນ​ໃຫ້​ລະ​ລາຍ​ບຶດ ໜຶ່ງ ແລ້ວ​ນຳ​ຂຶ້ນ​ເຕົາໄຟ​ ໝັ່ນ​ຄົນ​ຈາກ​ນັ້ນ​ເມື່ອ​ຜົງ​ວຸ້ນ​ເດືອດ​​(ເບິ່ງ​ດ້ວຍ​ວ່າ​ສ່ວນ​ປະສົມ​ເຂົ້າ​ກັນ​ດີ​ ແລະ ​ຜົງ​ວຸ້ນ​ ລະ​ລາຍ​ໝົດ​ແລ້ວ​)ຈາກ​ນັ້ນ​ປິດ​ໄຟ.​

5.ຖ້າບຶດໜຶ່ງ​ໃຫ້​ວຸ້ນ​ເຢັນ​ລົງ​ດ້ວຍ​ຈັກ​ 3-5 ນາ​ທີ​ ຄ່ອຍ​ເທ​ໃສ່ໝາກ​ພ້າວ​ ແລະ ​ຕາມ​ດ້ວຍເນື້ອ​ໝາກ​ພ້າວ​ທີ່​ເຮົາ​ຂູດ​ໄວ້​ ຈາກ​ນັ້ນ​ຄ່ອຍ​ນຳ​ເຂົ້າ​ຕູ້​ເຢັນ​ ພຽງເທົ່ານີ້​ເຮົາ​ກໍ​ຈະ​ໄດ້​ວຸ້ນ​ໃນ​​ໝາກ​ພ້າວ​ແຊບ​ໆ​ແລ້ວ.