ວິທີ​ເດັດ​ເຄັດ​ລັບ​ ທີ່​ຈະ​ຊ່ວຍ​ໃຫ້​ເຊົາ​ຈາກ​ “ໄຂ້ຫວັດ​” ໄວ​ຂຶ້ນ​ແລະ​ເຫັນ​ຜົນ​…

ຊ່ວງ​ນີ້​ອາ​ກາດ​ປ່ຽນ​ແປງ​ເລື້ອຍ​ ດຽວ​ກໍ​ຮ້ອນ​ແດດ ດຽວ​ຝົນ​ຕົກ​ເຮັດ​ເອົາ​ຫຼາຍ​ຄົນ​ປັບ​ຕົວ​ກັບ​ສະພາບ​ອາ​ກາດ​ແທບ​ບໍ່​ທັນ​ ເຮັດໃຫ້​ເຈັບ​ປ່ວຍ​ໄດ້​ງ່າຍໆ​ ທັງຫມົດ​ເຖິງ​ ພະຍາດ​ໄຂ້​ຫວັດ​” ທີ່​ເປັນ​ພະຍາດ​ຮິດ​ຊ່ວງ​ອາ​ກາດ​ປ່ຽນ​ ທີ່​ເມື່ອ​ເປັນ​ແລ້ວ​ແສນ​ຈະ​ໜ້າ​ລຳຄານ​ໃຈ​ທັງ​ນ້ຳ​ມູກ​ ມີ​ໄຂ້​ແລະ​ອາດຈະ​ໄອ​ຈົນ​ເຈັບ​ຄໍ​ອີກ​ດ້ວຍ​ ຫາກ​ເປັນ​ແລ້ວ​ຈະໃຫ້ເຊົາດີ​ກໍ​ຕ້ອງ​ກິນ​ຢາ​ແລະ​ພັກ​ຜ່ອນ​ ແຕ່​ຈະ​ເຊົາໄວ​ຫລື​ຊ້າ​ກໍ​ຕ້ອງ​ຂຶ້ນ​ຢູ່​ກັບ​ສຸຂະພາບ​ຂອງ​ແຕ່​ລະ​ຄົນ​ດ້ວຍ​ແຕ່​ມື້​ນີ້​ເຮົາ​ມີ​ 6 ວິທີ​ທີ່​ຈະ​ຊ່ວຍ​ໃຫ້ເຊົາ​ຈາກ​ອາການ​ປ່ວຍ​ໄດ້​ໄວ​ຂຶ້ນ.​

1. ດື່ມ​ນຳ້​ໃຫ້​ຫລາຍກວ່າ​ປົກກະຕິ​
ການ​ດື່ມ​ນຳ້​ຫຼາຍ​ໆ​ ໃນ​ຊ່ວງ​ທີ່​ເຈົ້າ​ກຳ​ລັງ​ປ່ວຍ​ ນອກ​ຈາກ​ຈະ​ຊ່ວຍ​ທົດ​ແທນ​ນຳ້​ທີ່​ເສຍ​ໄປ​ ຈາກ​ເຫື່ອ​ທີ່​ຖືກ​ຂັບ​ອອກ​ມາ​ຫລາຍກວ່າ​ປົກກະຕິ​ແລ້ວ​ ຍັງ​ຊ່ວຍ​ຫຼຸດ​ຄວາມ​ຂົ້ນ​ຂອງ​ເສມ​ຫະ​ ຊ່ວຍ​ເພີ່ມ​ພູ​ມ​ຄຸ້ມ​ກັນ​ໃຫ້​ກັບ​ຮ່າງກາຍ​ ຫຼຸດ​ອາການ​ຈາມດ້ວຍ​ການ​ເສີມ​ເຢື່ອ​​ດັງ​ຊ່ອງ​ທາງເດີນ​ຫາຍ​ໃຈ​ສ່ວນ​ເທິງ​ ໃຫ້​ເຮັດວຽກ​ໄດ້​ດີ​ແລະ​ຊ່ວຍ​ກຳຈັດ​ສານ​ພິດ​ອອກຈາກ​ຮ່າງ ກາຍ​ໄດ້​ອີກ​ດ້ວຍ​ ຂໍ້​ແນະ​ນຳ​ ຫຼີກ​ລ້ຽງ​ນຳ້​ເຢັນ​ ເນັ້ນ​ນຳ້​ອຸ່ນ​ ຈະໃຫ້​ຜົນ​ດີ​ຫລາຍ​ຍິ່ງ​ຂຶ້ນ.​

2. ພັກ​ຜ່ອນ​ໃຫ້​ພຽງ​ພໍ​
ຂະນະ​ທີ່​ເຈົ້າ​ກຳ​ລັງ​ປ່ວຍ​ ຮ່າງກາຍ​ຈະ​ຕ້ອງ​ການ​ການ​ພັກ​ຜ່ອນ​ຫລາຍກວ່າ​ປົກກະຕິ​ ສັງເກດ​ໄດ້​ວ່າ​ ແຮງ​ເຈົ້າ​ຂາດ​ການ​ພັກ​ຜ່ອນ​ຫລາຍ​ເທົ່າໃດ​ ແຮງ​ເຮັດໃຫ້​ເຈົ້າ​ເຊົາຊ້າ​ຫລາຍ​ເທົ່າ​ນັ້ນ​ ຊຳ້ໄປກວ່ານັ້ນແຮງເຮັດໃຫ້​ເຈົ້າ​ປ່ວຍ​ໜັກ​ຫລາຍ​ຂຶ້ນ​ກວ່າ​ເກົ່າ.

ດັ່ງ​ນັ້ນ​ ທາງ​ເລືອກ​ທີ່​ດີ​ທີ່ສຸດ​ຄື​ ພັກ​ງານ​ຫລື​ກິດຈະກຳ​ທີ່​ຕ້ອງ​ໃຊ້​ພະລັງ​ງານ​ສູງ​ໄວ້​ກ່ອນ​ ແລະ​ໃຫ້​ຮ່າງກາຍ​ໄດ້​ພັກ​ຜ່ອນ​ຢ່າງ​ເຕັມ​ທີ່​ ເພື່ອ​ຮ່າງກາຍ​ແຂງ​ແຮງ​ແລະ​ສາມາດ​ເຮັດ​ກິດຈະກຳ​ຕ່າງ​ໆ​ ໄດ້​ເຊັ່ນ​ເກົ່າ.​

3. ເສີມ​ວິ​ຕາ​ມິນ​ຊີ​
ໃນ​ຊ່ວງ​ທີ່​ເຈົ້າ​ກຳ​ລັງ​ປ່ວຍ​ ການ​ກິນ​ອາຫານ​ທີ່​ມີ​ປະໂຫຍດ​ຈະ​ເປັນ​ຕົວ​ຊ່ວຍ​ສຳຄັນ​ໃນ​ການ​ຟື້ນ​ຟູ​ຮ່າງກາຍ​ ໂດຍ​ສະເພາະ​ອາຫານ​ທີ່​ມີ​ວິ​ຕາ​ມິນ​ຊີ​ສູງ​ ເຊັ່ນ​ ໝາກສີດາ,​ ໝາກກ້ຽງ,​ ຫມາກໄມ້​ຕະກູນ​ເບີ​ຮີ​ຕ່າງ​ໆ​ ຫລື​ຈະ​ເລືອກ​ຮັບປະທານ​ເປັນ​ອາຫານ​ເສີມ​ວິ​ຕາ​ມິນ​ຊີ​ ແຮງກິນຫຼາຍ​ຮ່າງກາຍ​ແຮງ​ໄດ້ຮັບ​ສານ​ອາຫານ​ທີ່​ມີປະ​ໂຫຍດ​ ຊ່ວຍ​ໃຫ້​ເຈົ້າ​ເຊົາຈາກ​ອາການ​ປ່ວຍ​ໄດ້​ໄວ​ຫລາຍ​ໄວຂຶ້ນ.​

4. ເພີ່ມ​ອາ​ກາດ​ບໍລິສຸດ​
ການ​ເພີ່ມ​ອາ​ກາດ​ບໍລິສຸດ​ໃຫ້​ກັບ​ຮ່າງກາຍ​ຂະນະ​ທີ່​ເຈົ້າ​ປ່ວຍ​ ເປັນ​ອີກ​ໜຶ່ງ​ຕົວ​ຊ່ວຍ​ທີ່​ເຮັດໃຫ້​ເຈົ້າ​ເຊົາປ່ວຍ​ໄວ​ຂຶ້ນ​ ດ້ວຍ​ການ​ປັບ​ທີ່​ຢູ່​ຫລື​ຫ້ອງ​ໃຫ້​ມີ​ອາ​ກາດ​ຖ່າຍ​ເທ​ຫລາຍ​ຍິ່ງ​ຂຶ້ນ​ ເປີດ​ປ່ອງຢ້ຽມ​ໃຫ້​ລົມ​ພັດ​ເຂົ້າ​ ໃຫ້​ຫ້ອງ​ມີ​ອາ​ກາດ​ບໍລິສຸດ​ຈະໃຫ້​ຜົນ​ດີີ​ຕໍ່​ເຈົ້າ​ຫລາຍກວ່າ​ຢູ່​ແຕ່​ໃນ​ຫ້ອງ​ແອ​.

5. ເພີ່ມ​ຄວາມ​ສະ​ອາດ​
ຄວາມ​ສະ​ອາດ​ຂອງ​ຫ້ອງ​ແລະ​ທີ່ນ​ອນ​ ສົ່ງ​ຜົນ​ຕໍ່​ສຸຂະພາບ​ຂອງ​ເຮົາ​ໂດຍ​ກົງ​ ການ​ໝັ່ນ​ເຮັດ​ຄວາມ​ສະ​ອາດ​ປ່ຽນ​ໂສບ​ໝອນ​, ຜ້າ​ປູບ່ອນນ​ອນ​ ຈຶ່ງ​ເປັນ​ເລື່ອງ​ສຳຄັນ​ບໍ່​ພຽງ​ແຕ່​ຄົນເຈັບ​ເທົ່າ​ນັ້ນ​ທີ່​ຕ້ອງ​ເຮັດ​ ແຕ່ຄົນ​ປົກກະຕິ​ກໍ່​ຄວນ​ເຮັດ​ເພື່ອ​ປ້ອງ​ກັນ​ການ​ເກີດ​ພະຍາດ​ຕັ້ງ​ແຕ່​ເບື້ອງ​ຕົ້ນ​ ກັນ​ໄວ້​ດີກວ່າ​ແກ້​.

ການ​ກິນ​ອາຫານ​ແລະ​ກິນ​ຢາ​ໃຫ້​ກົງ​ເວລາ​ເປັນ​ສິ່ງ​ທີ່​ສຳຄັນ​ທີ່ສຸດ​ທີ່​ຂາດ​ບໍ່​ໄດ້​ແລະ​ຖ້າ​ຫາກ​ອາການ​ບໍ່​ດີ​ຂຶ້ນ​ຄວນ​ພົບ​ແພດ​ໃນ​ທັນ​ທີ.​

==================================================================================================

 

ບົດຄວາມໃຫມ່ໆ