ວິທີໄລ່ແມງ​​​ໄມ້ແບບທໍາມະຊາດພູມປັນຍາຊາວບ້ານ

ຢຸດເລີຍ​ເດີ້! ຢ່າຈັບສານເຄມີສີດໄລ່ແມງ​ໄມ້ກັນອີກເລີຍເພາະນອກຈະຊ່ວຍໄລ່ແມງ​ໄມ້ໄດ້ແຕ່ໄລຍະສັ້ນແລ້ວຍັງທຳຮ້າຍຕົວເຮົາເອງດ້ວຍການລົງຄວັນສານເຄມີ ເລີຍຢາກຈະໃຫ້ລອງມາເບິ່ງວິທີກໍາຈັດແມງ​ໄມ້ຮ້າຍໆ ດ້ວຍເທັກນິກພູມປັນຍາຊາວບ້ານຈາກຂອງໃຊ້ໃນຄົວເຮືອນທີ່ເຮົານໍາມາໄລ່ແມງ​ໄມ້ເອງໄດ້ ແລະ ບໍ່ເປັນອັນຕະລາຍຕໍ່ຕົວເຮົາເອງໄປພ້ອມໆກັນເຊື່ອເຖາະວ່າເຮັດງ່າຍບໍ່ຍາກຢ່າງທີ່ຄິດມາ​ເບິ່ງ​ນຳ​ກັນ​ເລີຍ!!!

1.ໝາກ​ເຜັດ​ແຫ້ງ​ໄລ່​ໝົດ​ອອກ​ຈາກ​ຖັງ​ເຂົ້າສານ

ເປີດຫມໍ້ຫຸງເຂົ້າພໍຢາກນັ່ງຮ້ອງໄຫ້ກັບກອງທັບມອດທີ່ຊອນໄຊເຂົ້າສານຢ່າງຫນ້າຕາເສີຍ ບໍ່ຕ້ອງລໍາບາກອອກໄປຊື້ເຂົ້າສານຖົງໃຫມ່ໃຫ້ເປືອງເງິນແຄ່ຍ່າງໄປຈັບໝາກ​ເຜັດ​ແຫ້ງມາ 1 ກໍາມືມາຫໍ່ດ້ວຍຜ້າຂາວບາງແລ້ວໃສ່ລົງໄປໃນເຂົ້າສານເທົ່ານີ້ເຈົ້າມອດກໍທົນຄວາມເຜັດຮ້ອນຂອງໝາກ​ເຜັດບໍ່ໄຫວຈົນຕ້ອງອົບພະຍົບຫນີໄປຍົກຄົວ.

2.ນ້ຳ​ສົ້ມ​ສາຍ​ຊູ​ປ່ຽນ​ບ່ອນຢູ່​ມົດ

ແນະນໍາໃຫ້ເອົານໍ້າສົ້ມສາຍຊູເທລົງໃນຂວດສະເປແລ້ວໄປສີດໄລ່ຕາມບ່ອນມັນຍ້າຍໄປຢູ່ແຕ່ຖ້າຈະສີດເທິງວັດສະດຸທີ່ເປັນຜ້າຂໍໃຫ້ລອງທົດສອບຈຸດນ້ອຍໆເບິ່ງກ່ອນຖ້າເນື້ອຜ້າ ແລະ ສີຜ້າບໍ່ປ່ຽນແປງ ຫຼື ເສຍຫາຍກໍເປັນອັນໃຊ້ໄດ້.

3.ແປ້ງ​ເດັກ​​ເຮັດ​ໃຫ້​ເຜິ້ງຕໍ່​ໄປ​ບໍ່​ເປັນ

ເຜິ້ງນ້ອຍ ແລະ ​ໂຕຕໍ່ຍັກໃຫຍ່ບໍ່ມັກກິ່ນ ແລະ ເນື້ອແປ້ງທີ່ຟຸ້ງຢູ່ໃນອາກາດເພາະເຮັດໃຫ້ວິໄສທັດການບິນຂອງມັນຕໍ່າລົງສາມາດໄລ່ພວກມັນໃຫ້ໄກຫ່າງໄດ້ໂດຍໂຮຍແປ້ງເດັກໄວ້ຮອບບ້ານ ຫຼື ເທໃສ່ຖົງຜ້າຂາວບາງແລ້ວນໍາໄປວາງໄວ້ຕາມມຸມທີ່ຄິດວ່າ​ເຜິ້ງ ແລະ ຕໍ່ມັກເຮັດຮັງ.

4.ຫົວຫອມ​​ໄລ່​ແມງ​ວັນ​ໃຫ້​ໄປ​ຢູ່​ຫ່າງໆ

ແນະນໍາໃຫ້ຊອຍຫົວຫອມແຊ່ນໍ້າແລ້ວໄວ້ໃກໆອາຫານທີ່ແມງວັນຕອມຮັບຮອງເລີຍວ່າມັນຕ້ອງ​ແສບຕາກັບໄປຮ້ອງໄຫ້ທີ່ຮັງມັນແນ່ນອນ.

5.ນ້ຳມັນ​ຖົ່ວ​ເຫຼືອງ​​ເປັນ​ອີກ​ທາງ​​ເລືອກ​ໃນ​ການ​ໄລ່​ຍຸງ

ນ້ໍາມັນຖົ່ວເຫລືອງທີ່ເຮົາໃຊ້ຜັດອາຫານນີ້ແຫຼະຄືອີກທາງເລືອກທີ່ຈະຊ່ວຍໄລ່ຍຸງຫນ້າລໍາຄານບໍ່ໃຫ້ມາກັດຂາເຮົາໄດ້ແຄ່ທາໄປເທິງຜິວບາງໆ ລະຫວ່າງວັນທີ່ຢູ່ບ້ານ ຍຸງກໍຈະບໍ່ມາຍຸ່ງກັບເຮົາແລ້ວ.

6.ຮັກສາ​ຄວາມ​ສະອາດ​ເຮືອນ​ກໍ​ປອດ​ແມງ​ໄມ້

ບໍ່ຕ້ອງຮື້​ເຮືອນຫາຕົ້ນຕໍຂອງແມງໃຫ້ຍຸ້ງຍາກການເຮັດຄວາມສະອາດບ້ານຄືດ່ານທໍາອິດຂອງການກໍາຈັດແມງ​ໄມ້ຂອງ​ແທ້ ພຽງ​ແຕ່ວາງຕາລາງການປັດກວາດເຊັດ ແລະ ຖູໃຫ້ດີແລ້ວເຮັດເປັນປະຈໍາ ສໍາຫລວດແຫລ່ງນໍ້າຮອບ​ເຮືອນ ແລະ ກໍາຈັດນໍ້າຂັງກັບນໍ້າເນົ່າອອກ ​​ເຮືອນ​ໃດ​ມີ​ສັດລ້ຽງ​ກໍ​ໃຫ້​ແຍກ​ບ່ອນ​ໃສ່​ນ້ຳ​ໄປ​ໄວ​ໃນ​ກົງ​ນ້ອຍໆ.

7.ສວມ​ໃສ່​ເສື້ອ​ທີ່​ມີ​ສີ​ທີ່​ສະຫວ່າງ​ສົດ​ໃສ

ມື້ໃດທີ່ຈັບເສື້ອດໍາມາໃສ່ກໍຕ້ອງຕໍ່ສູ້ກັບກອງທັບຍູງທີ່ຈະພຸ່ງມາຫາເຮົາເພາະຍຸງ ແລະ ແມງ​ໄມ້ຢູ່ໃນທີ່ມືດເປັນຫຼັກ ສະນັ້ນ ຖ້າບໍ່ໄດ້ອອກໄປໃສຢາກໃຫ້ເລືອກໃສ່ເສື້ອຜ້າທີ່ສີສະຫວ່າງສົດໃສຫນ້າຈະດີກວ່າໃສ່ເສື້ອຜ້າສີມືດໆຄໍ້າໆ. ຍຸງຈະໄດ້ບໍ່ມາເກາະແກະກັບ​ໂຕ​ເຮົາ​ອີກ

8.ອາ​ລົມ​ດີ​ກໍ​ມີ​ສ່ວນ​ໃນ​ການ​ໄລ່​ແມງ​ໄມ້

ບອກແລ້ວວ່າທຸກຢ່າງມັນຢູ່ທີ່ໃຈແມ່ນພາຍນອກ ຖ້າເຮົາຄິດດີອາລົມດີບໍ່ວິຕົກກັງວົນຈົນຫຼາຍເກີນໄປແມງ​ໄມ້ຮ້າຍ ຊະນິດໃດກໍບໍ່ຢາກເຂົ້າໃກ້ເຮົາເລີຍ ແຕ່ຖ້າເຮົາຫງຸດຫງິດອາລົມຮ້ອນຕະຫຼອດເວລາສານຈາກຮໍໂມນ ແລະ ຟີໂລໂມນ ກໍຈະຫລັ່ງອອກມາລໍ່ແມງໃຫ້ເຂົ້າຫາຕົວເຮົາເອງ ສະນັ້ນ ເຮັດໃຈຮົ່ມໆເຂົ້າໄວ້ປ້ອງກັນແມງ​ໄມ້ໄດ້ແຖມຫນ້າກໍບໍ່ຫ່ຽວງ່າຍອີກດ້ວຍ!!!