ວິທີແກ້ ແລະ ຮັກສາສິວອັກເສບແບບງ່າຍໆ

ສິວອັກເສບ ເປັນບັນຫາສິວທີ່ບໍ່ແມ່ນເລື່ອງສິວໆສໍາລັລຫຼາຍໆຄົນ ເພາະນອກຈາກຈະສ້າງຄວາມເຈັບປວດທໍລະມານທັງກາຍ ແລະ ຈິດໃຈແລ້ວຍັງສົ່ງຜົນໃຫ້ຄວາມໝັ້ນໃຈຫຼຸດນ້ອຍລົງອີກດ້ວຍ ມື້ນີ້ເຮົາຈະມານໍາສະເໜີວິທີຮັກສາສິວອັກເສບແບບງ່າຍໆກັນ

ສິວອັກເສບເກີດຂື້ນຈາກຫຍັງ?

ສາເຫດຫຼັກຂອງການເກີດສິວອັກເສບນັ້ນເກີດຂື້ນໄດ້ຈາກເຊື້ອແບັກທີເຣຍ ທີ່ໄປກະຕຸ້ນໃຫ້ເກີດການອັກເສບຂື້ນ ຊຶ່ງມີຄວາມຮຸນແຮງແຕກຕ່າງກັນອອກໄປ ຂື້ນຢູ່ກັບຈໍານວນເຊື້ອແບັກທີເຣຍ ແລະ ຂະໜາດຂອງສິວອຸດຕັນນໍາອີກ ເຮັດໃຫ້ເກີດເມັດນູນແດງບໍລິເວນຜິວໜັງ ຖ້າມີການຕິດເຊື້ອຮ່ວມດ້ວຍຈະກາຍເປັນສິວຫົວຊ້າງໄດ້

ວິທີແກ້ ແລະ ຮັກສາສິວອັກເສບ

ວິທີຮັກສາສິວອັກເສບນັ້ນສາມາດຮັກສາໄດ້ຫຼາຍວິທີດ້ວຍກັນ ຊຶ່ງແຕ່ລະວິທີນັ້ນກໍ່ຈະໃຫ້ຜົນໄດ້ຮັບທີ່ແຕກຕ່າງກັນອອກໄປ ແຕ່ມື້ນີ້ເຮົາມີເຄັດລັບຮັກສາສິວອັກເສບດ້ວຍວິທີງ່າຍໆມາຝາກ

1.ນໍ້າເຜິ້ງ+ໝາກນາວ

ໂດຍການນໍາເອົານໍ້າເຜິ້ງມາປະສົມກັບນໍ້າໝາກນາວ ແລ້ວນໍາມາແຕ້ມປະໄວ້ບໍລິເວນທີ່ເປັນສິວອັກເສບ ຖິ້ມໄວ້ຂ້າມຄືນ ຊະຊ່ວຍໃຫ້ສິວຍຸບລົງ ລວມເຖິງຊ່ວຍຫຼຸດອາການບວມແດງຈາກການເກີດສິວອີກດ້ວຍ

2.ກະທຽມ

ພຽງນໍາກະທຽມປະມານ 4-5ກີບມາບົດໃຫ້ລະອຽດ ຈາກນັ້ນນໍາມາແຕ້ມບໍລິເວນທີ່ເປັນສິວອັກເສບ ຖິ້ມໄວ້ປະມານ 3-5ນາທີ ກະທຽມຈະຊ່ວຍຂ້າເຊື້ອແບັກທີເຣຍ ແລະ ຮັກສາສິວອັກເສບໃຫ້ດີຂື້ນ

3.ຫວ່າຫາງແຂ້

ໂດຍການນໍາເອົາເນື້ອວຸ້ນຈາກຫວ່ານຫາງແຂ້ມາລ້າງໃຫ້ສະອາດຈາກນັ້ນຫັ່ນເປັນແຫວ່ນບາງໆແລ້ວນໍາມາແປະໄວ້ບໍລິເວນທີ່ເປັນສິວປະມານ 10-15ນາທີ ຫວ່ານຫາງແຂ້ຈະຊ່ວຍຂ້າເຊື້ອແບັກທີເຣຍ ລວມຍັງຊ່ວຍປິ້ນປົວຜິວໄດ້ດີອີກດ້ວຍ

ສໍາລັບທ່ານໃດທີ່ກໍາລັງເປັນສິວອັກເສບຢູ່ ລອງນໍາເອົາເທັກນິກວິທີຮັກສາສິວອັກເສບ ທັງ 3ວິທີນີ້ໄປປະຕິບັດເບິ່ງ ໂດຍໝັ່ນເຮັດເປັນປະຈໍາທຸກມື້ ຈະຊ່ວຍຫຼຸດການຈະເລີນເຕີບໂຕຂອງສິວໄດ້ເປັນຢ່າງດີ ເຮັດໃຫ້ສິວອັກເສບຫາຍໄປຈາກຜິວຂອງທ່ານໄດ້ໃນທີ່ສຸດ ອີກທັງຍັງໄດ້ຜິວໃສນຽນກັບມາອີກດ້ວຍ