ວິທີແກ້ບັນຫາສຳລັບຄົນທີ່ບໍ່ມີຫາງຄິ້ວ ບອກເລີຍຄິ້ວຄືມົງກຸດຂອງໜ້າ !

ກັ່ນຄິ້ວແດ່

ກ່ອນອື່ນຕໍ່ໃຫ້ບໍ່ມີຫາງຄິ້ວສາວໆ ກໍຄວນກັ່ນຄິ້ວ​ເດີ້ ​ເພາະຄິ້ວຈະໄດ້ເບິ່ງເປັນຊົງທີ່ສວຍງາມຫຼາຍຂຶ້ນມັນອາດຈະໂລ້ນໆ​ໂລ່ງໆ​ແດ່ ແຕ່ເຮົາສາມາດແກ້ບັນຫາໄດ້ໂດຍການຂຽນຄິ້ວ​ເດີ້ ​ເຊິ່ງຖ້າປ່ອຍໃຫ້ຄິ້ວຮົກ ແລ້ວຈະຂຽນຄິ້ວອອກມາບໍ່ງາມ ແລະ ເບິ່ງບໍ່ເປັນຊົງ​ເດີ້!

​ເມື່ອ​ສາວໆກັ່ນຄິ້ວແລ້ວ ການຂຽນຄິ້ວກໍຈະງ່າຍຂຶ້ນຫຼາຍເລີຍ​ເດີ້ ໃຫ້​ແຕ້ມຫາງຕື່ມເຂົ້າໄປຕາມຊົງທີ່ກັ່ນໄດ້ເລີຍ ແນ່ນອນວ່າຫົວຄິ້ວກໍຕ້ອງຂຽນ​ເດີ້ ບໍ່ແມ່ນວ່າບໍ່ມີຫາງກໍ​ແຕ້ມ​ແຕ່ຫາງຕື່ມເຂົ້າໄປແລ້ວຈົບ ເຮັດແບບນັ້ນຄິ້ວທີ່ອອກມາຈະເບິ່ງບໍ່ເປັນທໍາມະຊາດ ​ແຕ້ມຫົວຄິ້ວລົງໄປນຳແລ້ວໄລ່ລະດັບຈາກສີອ່ອນໄປເຂັ້ມ​ເລີຍ​ເດີ້. 

ແຕ້ມຫາງຄິ້ວຕື່ມເຂົ້າໄປ

ສໍາລັບອຸປະກອນທີ່ໃຊ້​ແຕ້ມ ​ແນວ​ແຕ້ມຄິ້ວແບບຝຸ່ນເບິ່ງເປັນທໍາມະຊາດກໍ​ແມ່ນ ແຕ່ຈະອອກມາບໍ່ນຽນ ຄິ້ວຈະເບິ່ງລອຍ ຄືເຮົາລະບາຍສີລົງ​ເຈ້ຍທີ່ບໍ່ມີລາຍເສັ້ນ​ແຕ້ມໄວ້ ເພາະເຮົາບໍ່ມີຂົນບ່ອນຫາງຄິ້ວຈັ່ງໃດສິ່ງ​ທີ່​ດີ​ທີ່ສຸດຄື ສໍ​ແຕ້ມຄິ້ວ ​ແນວຂຽນຄິ້ວແບບເຈລ ແລະ ​ແນວ​ແຕ້ມຄິ້ວແບບ​ບິ​ກ​ເຝິສ໌ ຫຼື ​ເປັນ​ນ້ຳເພາະສາມາດ​ແຕ້ມຂົນຄິ້ວປອມໆ ຫຼອກຕາເອົາໄດ້ວ່າ ຂ້ອຍມີຂົນຄິ້ວ​ເດີ້​ເຈົ້າ.

ສັກຄິ້ວ ​​3 ມິຕິ

ສາວຄົນໃ​ດໃຈເຖິງ ໄປສັກຄິ້ວ ​​3 ມິຕິເລີຍດີກ​ວ່າ! ຢາກຈະໄດ້ຊົງຄິ້ວຫາງຄິ້ວແບບໃດກໍເລືອກໄດ້ບໍ່ຕ້ອງມານັ່ງ​ແຕ້​ມໃໝ່ທຸກມື້ ຈົນຊົງຄິ້ວບໍ່ຊ້ຳກັນນຳ​ອີກ ເໝາະຫຼາຍສໍາລັບສາວຂີ້ຄ້ານ ແຕ່ຫາຂໍ້ມູນໃຫ້ດີ ເລືອກຮ້ານທີ່ໄວ້ໃຈໄດ້ກ່ອນສັກ​ເດີ້ ເພາະຖ້າພາດແລ້ວແກ້​ໄຂຍາກເລີຍ​ຂໍບອກ.  

ປຸກຄິ້ວຖາວອນ

ອີກໜຶ່ງທາງເລືອກສໍາລັບສາວທີ່ຕ້ອງການຄວາມນຽນຂັ້ນສຸດ ການປູກຄິ້ວຖາວອນຈະເປັນການເອົາເຊລຜົມຈາກດ້ານຫຼັງມາປູກບ່ອນຄິ້ວຄື ເປັນຂົນຂຶ້ນມາ​ແທ້ໆເລີຍ ແຕ່ກໍຈະມີຂໍ້ເສຍຄື ການປູກຄິ້ວຖາວອນຕ້ອງມີ ການຜ່າຕັດຍ້າຍເສັ້ນຜົມເລີຍ ຕ້ອງໃຊ້ເວລາໃນການຟື້ນຕົວແດ່ນອກຈາກນີ້ແລ້ວ ຄິ້ວທີ່ເຮົາປູກຈະຍາວຂຶ້ນຄື ຄິ້ວປົກກະຕິເຮັດໃຫ້ຕ້ອງໝັ່ນກັ່ນຄິ້ວອອກແດ່ສາວຄົນໃດຢາກໄດ້ຄວາມເປັນທຳມະຊາດ ແລະ ໃຈເຖິງກໍຈັດໄປເລີຍຈ້າ