ວິທີເບິ່ງແຍງແຂ້ວໃຫ້ຂາວດ້ວຍວິທີທຳມະຊາດ

ຜະລິດຕະພັນ​ຊ່ວຍ​ເຮັດໃຫ້​ແຂ້ວ​ຂາວ​ມີ​ຫຼາກ​ຫຼາຍ​ຊະນິດ​ ທີ່​ວາງ​ຂາຍ​ກັນ​ໃນ​ປະຈຸບັນ​ນີ້​ ແຕ່​ກໍ​ມີ​ວິທີ​ທຳມະຊາດ​ທີ່​ເຮັດໃຫ້​ແຂ້ວ​ຂາວ​ໄດ້​ ໂດຍ​ບໍ່​ຕ້ອງ​ເພີ່ງ​ຜະລິດຕະພັນ​ດັ່ງ​ກ່າວ​ ສຳລັບ​ທ່ານ​ໃດ​ມັກ​ວິທີ​ແບບ​ທຳມະຊາດ​ ມາ​ເບິ່ງ​ວ່າ​ມີ​ຜັກ​ຫມາກໄມ້​ຫຍັງ​ເເດ່​ທີ່​ຊ່ວຍ​ເຮັດໃຫ້​ແຂ້ວ​ຂາວ​ໄດ້​ດ້ວຍ.​

ຜັກ​ແລະ​ຫມາກໄມ້​ເນື້ອກອບ​


ການ​ຫຍຳ້​ຜັກ​ແລະ​ຫມາກໄມ້​ເນື້ອ​ກອບ​ເຊັ່ນ​ ຜັກ​ກາດນ້າ,​ ບ໊ອກ​ເຄີ​ຮີ​ ແລະ​ ຝ​ຣັ່ງ​ ຊຶ່ງ​ອຸດົມ​ດ້ວຍ​ເສັ້ນ​ໃຍອາຫານ​ຈະ​ຊ່ວຍ​ຂັດ​ແຂ້ວ​ໄປ​ດ້ວຍ​ແລະ​ຍັ​ງກຳຈັດ​ຄາບ​ຕ່າງ​ໆ​ ທີ່​ຕິດ​ສະ​ສົມ​ເທິງ​ຜິວ​ແຂ້ວ​ໄດ້​ເປັນ​ຢ່າງ​ດີ​.

ຊີສ​


ຊີສ​ອຸດົມ​ດ້ວຍ​ໂປຼຣ​ຕິນ​, ແຄວ​ຊຽມ​ ແລະ​ ຟອດ​ຟໍ​ຮັດ​ ຊຶ່ງ​ລ້ວນ​ແລ້ວ​ແຕ່​ຊ່ວຍ​ບຳ​ລຸງ​ແຂ້ວ​ ນອກ​ຈາກ​ນີ້​ຊີສ​ບາງ​ຊະນິດ​ເຊັ່ນ​ ເຊດ​ດາ​ຊີສ​ ຍັງມີ​ເນື້ອ​ແວກ​​ທີ່​ຊ່ວຍ​ຂັດ​ແລະ​ເຄືບ​ໃຫ້​ແຂ້ວ​ຂອງ​ເຈົ້າ​ຂາວວິງ​ໆ​ ອີກ​ດ້ວຍ.​

ສະຕໍເບີຮີ


ເມັດ​ນ້ອຍ​ໆ​ ທີ່​ຢູ່ໃນ​ເນື້ອຂອງສະຕໍເບີຮີ​ເວລາ​ຫຍ້ຳ​ຈະ​ຊ່ວຍ​ຂັດ​ແຂ້ວ​ ແລະ​ ສະຕໍເບີຮີຍັງມີ​ຕົວ​ຢາ​ທຳມະຊາດ​ທີ່​ກຳຈັດ​ຄາບ​ຝັງ​ເທິງ​ຜິວ​ແຂ້ວ​ ນອກ​ຈາກ​ນີ້​ວິ​ຕາ​ມິນ​ຊີ​ທີ່​ມີ​ຫລາຍ​ຍັງ​ຊ່ວຍ​ໃຫ້​ກຳຈັດ​ຄາບ​ໃຫ້​ໝົດ​ໄປ​.

ແອັບ​ເປີ້ນ​ໄຊ​ເດີ​​ປະສົມ​ເບກິ້ງ​ໂຊ​ດາ​


ນຳ​ແປງ​ສີ​ຟັງ​ຊຸບ​ເບ​ກິ້ງ​ໂຊ​ດາ​ແລ້ວ​ຢົດ​ນ້ຳ​ສົ້ມ​ສາຍ​ຊູ​ໝັກ​ແອັບ​ເປີ້ນ​ໄຊ​ເດີ​ນ້ອຍໆ​ແລ້ວ​ຄ່ອຍ​ໆຖູ​ແຂ້ວ​ ຈະ​ຊ່ວຍ​ເບິ່ງ​ແຍງ​ຄາບ​ຫິນ​ປູນ​ໂດຍ​ບໍ່​ຕ້ອງ​ໄປ​ຫາ​ໝໍ​ແຂ້ວ​.

ເປືອກ​ກ້ວຍ​ແລະ​ເປືອກ​ໝາກກ້ຽງ


ທຸກ​ເທື່ອ​ທີ່​ກິນ​ກ້ວຍ​ ຫລື​ ໝາກກ້ຽງ ຢ່າ​ຫາກໍ່​ຖິ້ມ​ເປືອກ,​ ຜິວ​ສີ​ຂາວ​ໆ​ ຂອງ​ເປືອກ​ກ້ວຍ​ແລະ​ເປືອກໝາກກ້ຽງ​ມີ​ຕົວ​ຢາ​ທີ່​ຊ່ວຍ​ເຮັດໃຫ້​ແຂ້ວ​ຂາວ​ເປັນ​ຢ່າງ​ດີ​ ນຳ​ເປືອກ​ຫມາກໄມ້​ທັງ​ສອງ​ມາ​ຖູແຂ້ວ​ປະ​ມານ​ 1 ນາ​ທີ​ ແລ້ວ​ຖິ້ມ​ປະໄວ້​ປະ​ມານ​ 10 ນາ​ທີ​ກ່ອນ​ແປງ​ແຂ້ວ​ ລິ​ໂມ​ນີນ​ທີ່​ໄດ້​ຈາກ​ເປືອກ​ໝາກກ້ຽງ​ແລະ​ເປັນ​ສານ​ສະ​ກັດ​ທີ່​ໃຊ້​ໃນ​ຜະລິດຕະພັນ​ເພື່ອ​ແຂ້ວ​ຂາວ​ຈຳນວນ​ຫລາຍ​ ຈະ​ຊ່ວຍ​ເຮັດ​ຄວາມ​ສະ​ອາດ​ແຂ້ວ​ ສ່ວນ​ເປືອກ​ກ້ວຍ​ກໍ່​ຈະ​ອຸດົມ​ໄປ​ດ້ວຍ​ໂປ​ແທັກ​ຊຽມ,​ ແມັກ​ນີ​ຊຽມ​ ແລະ​ ແມງ​ກາ​ນີດ​ ຊຶ່ງ​ເມື່ອ​ຢູ່​ເທິງ​ຜິວ​ແຂ້ວ​ກໍ່ຈະ​ຊ່ວຍ​ກຳຈັດ​ຄາບ​ເທິງ​ແຂ້ວ​ນອກ​ຈາກ​ນີ້​ເປືອກ​ກ້ວຍ​ຍັງມີ​ແຄວ​ຊຽມ​ແລະ​ວິ​ຕາ​ມິນ​ດີ​ທີ່​ຈະ​ເຄືອບ​ແຂ້ວ​ໃຫ້​ແຂງ​ແຮງ​ອີກ​ດ້ວຍ.​

====================================================================================================