ວິທີຈັດການມົດໃນຄົວແບບບໍ່ຕ້ອງຂ້າ ໃນ 2 Step

ອີກ​ໜຶ່ງ​ບັນຫາ​ໃ​ນຄົວ​ທີ່​ຍັງ​ຄົງ​ກວນ​ໃຈ​​ແມ່​ບ້ານ​ຢູ່​ໄດ້​ຕະຫລອດ​ ກໍ​ຄົງ​ໜີ​ບໍ່​ພົ້ນ​​ມົດ​​ທີ່​ແອບ​ມາ​ຕ່ອມຂອງກິນ​ໃນຄົວ ສ້າງ​ຄວາມ​ຫງຸດ​ຫງິດ​ຈົນ​ຕ້ອງ​​ຫາ​ວິທີ​ມາ​ຈັດການ​ແທບ​ບໍ່​ທັນ​
ຫາກ​ໃຜ​ກຳ​ລັງ​ປະ​ສົບ​ກັບ​ບັນຫາ​ນີ້​ເລີກ​ຄິ້ວ​ຫຍຸ້ງໄດ້ແລ້ວ​ ເພາະ​ການ​ຈັດການ​ກັບ​​ຝູງ​ມົດ​ບໍ່​ໄດ້​ຍາກ​ຢ່າງ​ທີ່​ຄິດ​ແລະ​ທີ່​ສຳຄັນ​ບໍ່​ຕ້ອງຂ້າ​ ແຖມ​ຍັງ​ປອດ​ໄພບໍ່ມີ​ສານ​ເຄ​ມີ​ບໍ່​ເປັນ​ມົນລະ​ພິດ​ຕໍ່ຄົວ​ຂອງ​ເຈົ້າ​ຢ່າງ​ແນ່ນອນ​
ພຽງ​ແຕ່ປະສົມ​ນ້ຳ​ສົ້ມ​ສາຍ​ຊູ​ເຂົ້າ​ກັບ​ນ້ຳໃນປະລິມານ​ທີ່​ເທົ່າ​ໆກັນ​ ນຳ​ໃສ່​ລົງ​ໃນ​ກວດ​ສະ​ເປແລ້ວ​ສີດ​ລົງ​ໄປ​ໃນ​ບໍລິ ເວນ​ທີ່​ມີມົດ​ຍ່າງ​ຢູ່​ເປັນ​ປະຈຳ​ຫລື​ເຮົາ​ສາມາດ​ປ່ຽນ​ຈາກ​ນ້ຳ​ສົ້ມ​ສາຍ​ຊູ​ເປັນ​ນ້ຳ​ໝາກ​ນາວ​ກໍ​ໄດ້​ເຊັ່ນ​ກັນ​ ພຽງ​ປະສົມ​ນ້ຳ​ໝາກ​ນາວ​ 1 ສ່ວນ​ ຕໍ່​ນ້ຳ​ 3 ສ່ວນ​ແລະ​ນຳ​ໄປ​ສີດ​ໄດ້​ເລີຍ​
ແຕ່​ເພື່ອ​ເປັນ​ການ​ໄລ່​ມົດ​ໄປ​ຢ່າງ​ຖາວອນ​ໃຫ້​ເອົາ​ຜ້າ​ຊຸບ​ນ້ຳ​ທີ່​ເຮົາ​ໃຊ້​ສີດ​ ນຳ​ໄປ​ເຊັດ​ບໍລິເວນ​ທາງຍ່າງ​ຂອງ​ມົດ​ ຮັບ ຮອງ​ວ່າມົ​ດ​ຈະ​ບໍ່​ກັບ​ມາ​ຍ່າງ​ບໍລິເວນ​ນັ້ນ​ອີກ​ແນ່ນອນ​
ທີ່​ສຳຄັນ​ອີກ​ຢ່າງ​ໜຶ່ງ​ ​ແມ່​ບ້ານ​ຄວນ​ເກັບ​ອາຫານ​ໃ​ນຄົວ​ໃຫ້​ມິດ​ຊິດ​ແລະ​ຮັກສາ​ຄວາມ​ສະ​ອາດ​ດ້ວຍ​ ເທົ່າ​ນີ້ຄົວ​ຂອງ​ເຮົາ​ກໍ​ປອດໄ​ພ​ບໍ່ມີ​ມົດ​ແລ້ວ​