ວິຈານສະຫນັ່ນ! ນີ້ຫວາເຄື່ອງແບບນັກຮຽນໃນມື້ເສັງຈົບ????

ສຳເລັດໄປໃຫມ່ໆສົດໆ ກັບບັ້ນສອບເສັງຄັ້ງສຸດທ້າຍຂອງນັກຮຽນມັດທະຍົມຕອນປາຍປີສຸດທ້າຍ ເມື່ອວັນທີ 21-22/6 ທີ່ຜ່ານມາ. ເຊິ່ງໃນຕອນແລງຂອງວັນທີ 22 ນ້ອງໆນັກຮຽນກໍໄດ້ມີການສະເຫລີມສະຫລອງກັນຢ່າງມ່ວນຊື່ນ. ເຊິ່ງກໍຖືວ່າເປັນເລື່ອງປົກກະຕິ ຫລັງຈາກທີ່ນ້ອງໆຫລາຍຄົນໄດ້ອິດເມື່ອຍກັບການກະກຽມ ແລະສອບເສັງມາພໍສົມຄວນ ທັງເປັນການສັງສັນລະຫວ່າງຫມູ່ເພື່ອນຮ່ວມຊັ້ນກໍຈະແຍກຍ້າຍກັນໄປສຶກສາຕໍ່ໃນຂະແຫນງວິຊາຊີບ. ແຕ່ເຖິງຢ່າງໃດກໍຕາມກໍຍັງປາກົດເຫັນນ້ອງໆນັກຮຽນບາງກຸ່ມທີ່ປະພຶດຢ່າງໂລດໂຜນ ດື່ມສິ່ງມຶນເມົາເກີນເຫດ ທີ່ສຳຄັນມີການຂີດຂຽນ-ຈີກແຫກເສື້ອຂາວກັນຫລິ້ນຢ່າງເມົາມັນ. ເຮັດໃຫ້ຊາວໂຊຊຽວຫລາຍທ່ານອອກມາສະແດງຄວາມຄິດເຫັນວ່າບໍ່ເຫມາະສົມເພາະນອກຈາກບໍ່ໃຫ້ກຽດສະຖາບັນການສຶກສາຂອງຕົນແລ້ວ ຍັງຂາດຄຸນສົມບັດ ແລະເສື່ອມເສຍວັດທະນະທຳອັນງາມຂອງຊາດ! ຄຳວິຈານນີ້ຂ້ອນຂ້າງຫນັກໄປແດ່ ແຕ່ກໍຢາກຝາກເຖິງພໍ່ແມ່ຜູ້ປົກຄອງ ແລະພາກສ່ວນກ່ຽວຂ້ອງສຶກສາອົບຮົມກັນຕື່ມ. ເອົາທີ່ພໍດີພໍງາມເດີນ້ອງໆເອີ່ຍ!