ວອນເດີ້ ວູເມນ ບໍ່ໄດ້ໄປອາເມລິກາເພື່ອຕໍ່ສູ້ຍາດເອົາສັນຕິພາບ

ວອນເດີ້ ວູເມນ ບໍ່ໄດ້ໄປອາເມລິກາເພື່ອຕໍ່ສູ້ຍາດເອົາສັນຕິພາບ, ແຕ່ເດີນທາງໄປເພື່ອຂາຍໂທລະສັບ ເວັບໃຊ້ Cnet ໄດ້ອອກຂ່າວວ່າ: ວອນເດີ້ ວູແມນ ບໍ່ໄດ້ເດີນທາງໄປສະຫະລັດອາເມລິກາເພື່ອຕໍ່ສູ້ຍາດເອົາສັນຕິພາບ ແຕ່ເດີນທາງໄປເພື່ອຂາຍໂທລະສັບ.

ຄູ່ແຂ່ງຂອງຊຳຊຸງ ກໍ່ຄືຫົວເຫວີຍໄດ້ເຊີນເອົານາງເອກໜັງຊື່ດັງເລື່ອງ” Wonder women” Gal Gadot ມາເປັນພີເຊັນເຕີ້ໃຫ້ຫົວເຫວີຍຢູ່ສະຫະລັດອາເມລິກາຢ່າງເປັນທາງການ, ໂດຍຫວັງວ່າ ດ້ວຍຊື່ສຽງ ແລະ ອິດທິພົນຂອງນາງ ຈະເຮັດໃຫ້ບໍລິສັດຍັກໃຫຍ່ທີ່ຜະລິດໂທລະສັບອັນດັບສາມຂອງໂລກຢ່າງຫົວເຫວີຍມີໃບໜ້າອັນໃຫມ່ໃນເວທີສາກົນໃນຮອບຫຼາຍປີ. ຝ່າຍປະຊາສຳພັນຂອງພະແນກຈຳໜ່າຍອຸປະກອນໂທລະສັບຫົວເຫວີຍປະຈຳອາເມລິກາໄດ້ກ່າວວ່າ “Gal Gadot ກະຄືກັນກັບຫົວເຫວີຍ ຕອນທຳອິດກະບໍ່ມີໃຜຮູ້ວ່າຊື່ຂອງລາວອ່ານອອກສຽງວ່າແນວໃດ” Huawei ອ່ານອອກສຽງວ່າ ຫົວເຫວີຍ, ການທີ່ນຳເອົາ Gal Gadot ມາເປັນພີເຊັນເຕີ້ໄດ້ ແມ່ນເປັນບາດກ້າວທຳອິດແຫ່ງເປົ້າໝາຍອັນຍິ່ງໃຫຍ່ຂອງຫົວເຫວີຍໃນການກ້າວໄປໃຫ້ເຖິງການເປັນໂທລະສັບສະມາດໂຟນຊັ້ນນຳຂອງໂລກໃນປັດຈຸບັນ ຢ່າງໄອໂຟນ ແລະ ຊຳຊຸງ. ຫົວເຫວີຍໄດ້ລາຍງານວ່າ ບໍລິສັດຈີນໄດ້ສູນເສຍໂອກາດໃນການຂາຍໂທລະສັບ Mate 10 pro ໃຫ້ກັບຜູ້ໃຊ້ບໍລິການ AT&T ຂອງອາເມລິກາ, ເຊິ່ງ AT&Tກໍ່ປະຕິເສດທີ່ຈະໃຫ້ຄຳຄິດເຫັນໃດໆຕໍ່ກັບຄຳກ່າວຫາອັນນີ້. ເຖິງຢ່າງໃດກໍ່ຕາມ, ຫົວເຫວີຍກໍ່ຍັງຈະຂາຍ Mate 10 Pro ໃຫ້ລູກຄ້າໂດຍກົງໂດຍຜ່ານທາງເວັບ Amazon, BestBuy, Microsoft, NewEgg and B&H ດ້ວຍລາຄາ 800ໂດລາ, ( ນອກນັ້ນຍັງຂາຍ Pro Porsche Design 10 ລຸ້ນ ໃນລາຄາ 1,225 ໂດລາ ) ໃນສະຫະລັດອາເມລິກາ ລູກຄ້າສ່ວນໃຫຍ່ຈະຊື້ໂທລະສັບດ້ວຍການຈ່າຍຜ່ອນເປັນແຕ່ລະເດືອນໃຫ້ແກ່ບໍລິສັດເຄື່ອຂ່າຍໂທລະສັບ. ແຕ່ເມື່ອໂທລະສັບຫົວເຫວີຍບໍ່ມີການສະໜັບໜູນຈາກເຄື່ອຂ່າຍໂທລະສັບ ຈື່ງໄດ້ນຳເອົາດາລາຊື່ດັງຢ່າງ Gal Gadot ມາເປັນຜູ້ຊ່ວຍໃນການສ້າງຄວາມໜ້າເຊື່ອຖື ແລະ ຄວາມໝັ້ນໃຈໃຫ້ຄົນອາເມລິກາໃນການເລືອກຊື້ອຸປະກອນທີ່ຍີ່ຫໍ້ບໍ່ຄຸ້ນເຄີຍຢ່າງຫົວເຫວີຍນີ້ໃຫ້ຫຼາຍຂື້ນ. ກາດອດ ນັກສະແດງ ແລະ ນາງແບບສາວຈາກອິດສະລະເອວ ໄດ້ກ້າວເຂົ້າສູ່ການເປັນຊຸບເປີສະຕາຍິງແນວໜ້າຂອງໂລກໃນສາຍານາມ ສາວຜູ້ຕໍ່ສູ້ເພື່ອສັນຕິພາບ ກັບໜັງຊື່ດັງຂອງ DC ທີ່ໃຜກໍ່ຮູ້ຈັກຄືເລື່ອງ “Wonder women”, ນອກນີ້ຍັງມີໜັງອື່ນໆອີກເຊັ່ນ Justice League ແລະ Fast and Furious ເປັນຕົ້ນ. ໃນງານ CES ເທັກໂນໂລຢີປະຈຳປີຂອງຫົວເຫວີຍທີ່ ລັສເວກັດ ກໍ່ບໍ່ເຫັນ ກາດອດ ອອກມາສະແດງຕົວ ແລະ ສະແດງຄຳເຫັນໃດໆໂດຍກົງ

ບົດຄວາມໃຫມ່ໆ