ລ້ານ​ຊ້າງ ຊະ­ນະ ວີ​ເອ​ັ​ສວີ 4-0 ຂຶ້ນ​ນຳ​ກຸ່ມ​ເອ ບານ­ເຕະ​ຊິງ​ຂັນ​ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ​ທິ​ການ ແລະ ກີ­ລາ 2015

 

ລ້ານ​ຊ້າງ ຢູ​ໄນ​ເຕັດ ເປີດ​ບ້ານ​ຖະ​ຫຼົ່ມ ວີ​ເອ​ສວີ ຢູ​ໄນ​ເຕັດ ໄປ​ແບບ​ສຸດ​ມັນ 4-0 ຂຶ້ນ​ເປັນ​ທີມ​ນຳ​ຕາຕະລາງ​ກຸ່ມ A ສ່ວນ ປກສ ເອ​ັຟ​ຊີເອົາ​ຊະ­ນະ ເຈ­ດີ​ບີ ເອ​ັຟ​ຊີ (JDB BANK) ໄປ​ແບບ​ຫວຸດ​ຫວິດ 2-1 ປະ­ຕູ ໃນ​ການ​ແຂ່ງ­ຂັນ​ເຕະ­ບານ​ຊີງ​ຂັນ​ຮອງ​ນາ­ຍົກ­ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ​ທິ​ການ ແລະ ກິລາ 2015 (THE MINISTER CUP 2015).

   ວັນ​ທີ 22 ພະ­ຈິກ​ທີ່​ຜ່ານ​ມາ ຢູ່​ສະ­ໜາມ​ລ້ານ​ຊ້າງ ສະ​ເຕ​ດຽມ ບ້ານ​ໜອງ​ໄຮ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ໄດ້​ຈັດ­ການ​ແຂ່ງ­ຂັນ​ບານ­ເຕະ​ຊີງ​ຂັນ​ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ ແລະ ກີ­ລາ 2015 ໂດຍ​ເປັນ​ການ​ແຂ່ງ­ຂັນ​ນັດ​ທຳ​ອິດ​ຂອງ​ກຸ່ມ A ລະ­ຫວ່າງ​ສະ­ໂມ­ສອນ ປກສ ພົບ​ກັບ​ເຈ­ດີ​ບີ ເອ​ັຟ​ຊີ ແລະ ສະ­ໂມ­ສອນ ລ້ານ​ຊ້າງ ຢູ​ໄນ​ເຕັດ ພົບ​ກັບ ສະ­ໂມ­ສອນ​ວີ​ເອ​ັ​ສວີ ຢູ​ໄນ​ເຕັດ.

   ຄູ່​ເດັດ​ເປັນ​ການ​ພົບ​ກັນ​ລະ­ຫວ່າງ​ສະ­ໂມ­ສອນ​ລ້ານ​ຊ້າງ ຢູ​ໄນ​ເຕັດ ທີມ​ວາງ​ອັນ​ດັບ​ໜຶ່ງ​ຂອງ​ລາຍ­ການ ຮອງ​ແຊ໋ມ​ການ​ແຂ່ງ­ຂັນ​ເຕະ­ບານ​ລາວ​ພຣີ​ເມຍ​ລີກ 2015 ທີ່​ມາ​ແບບ​ບ​ພ້ອມ​ພ້ອມ­ພຽງ​ພົບ​ກັບ ວີ​ເອ​ັ​ສວີ ຢູ​ໄນ​ເຕັດ ທີ່​ປະ­ກອບ​ໄປ​ດ້ວຍ​ນັກ​ເຕະ​ຂອງ​ສະ­ໂມ­ສອນ​ສະ­ຫວັນ​ເອ​ັຟ​ຊີ.

   ໃນ​ການ​ແຂ່ງ­ຂັນ​ເຄິ່ງ​ເວ­ລາ​ທຳ​ອິດ ລ້ານ​ຊ້າງ ຄອງ​ເກມ​ໄດ້​ເໜືອກ​ວ່າ ໄດ້​ປະ­ຕູ​ໄວ​ຈາກ ອຸ​ໄຣ ໄຊ​ປະ­ເສີດ ກອງ​ກາງ​ລາວ​ສັນ­ຊາດ​ຝຣັ່ງ​ໃນ​ນາ­ທີ​ທີ 7 ຫຼັງ​ຈາກ​ນັ້ນ ກໍ​ບໍ່​ສາ­ມາດ​ທະ­ລຸ​ທະ­ລວງ​ເຂົ້າ​ໄປ​ຍິງ​ໃນ​ຂອບ 16 ແມັດ ຂອງ​ວີ​ເອ​ັ​ສວີ ໄດ້​ເລີຍ ຈົບ​ເຄິ່ງ​ທຳ​ອິດ ລ້ານ​ຊ້າງ​ອອກ​ນຳ­ໄປ​ກ່ອນ 1-0 ປະ­ຕູ.

   ມາ​ຕໍ່​ກັນ​ທີ່​ເຄິ່ງ​ເວ­ລາ​ທີ​ສອງ ການ​ແຂ່ງ­ຂັນ​ດຳ­ເນີນ​ໄປ​ພຽງ​ແຕ່ 5 ນາ­ທີ ແຟນ​ບານ​ລ້ານ​ຊ້າງ​ໄດ້​ເຮ​ກັນ​ກ້ອງ​ສະ­ໜາມ ເມື່ອ​ວິ​ລຽມ ໂມ​ດິ​ໂບ ກອງ​ຫຼັງ ຊາວ​ປ໋ອກ​ຕຸຍ​ການ ຍິງ​ນຳ​ອອກ​ຫ່າງ 2-0 ຈາກ​ຈັ່ງ​ຫວະ​ເຕີມ​ເກມ​ບຸກ ວິ­ລະ​ຍຸດ ໄຊ​ຍະ​ບຸນ​ຊູ ເປີດ​ບານ​ມາ​ແຕ່​ປີກ​ຂວາ​ໃຫ້​ກ່ອນ ວິ​ລຽມ​ຈະ​ຈັບ​ບານ​ດ້ວຍ​ເອິກ​ແລ້ວ​ຍິງ​ເຕັມ​ຕີນ​ຂວາ ບານ​ພຸ່ງ​ເຂົ້າ​ປະ­ຕູ​ໄປ​ຢ່າງ​ສວຍ​ງາມ ໃນ​ໄລ­ຍະ​ເວ­ລາ​ທີ່​ເຫຼືອ​ກໍ​ຍັງ​ເປັນ​ລ້ານ​ຊ້າງ​ທີ່​ຄຸມ​ເກມ​ໄດ້​ໝົດ ແລະ​ບຸກ​ແບບ​ຕໍ່​ເນື່ອງ​ໄດ້​ຕື່ມ​ອີກ 2 ປະ­ຕູ​ໃນ​ນາ­ທີ​ທີ່ 57 ຈາກ​ວິ­ລະ​ຍຸດ ໄຊ​ຍະ​ບຸນ​ຊູ ນັກ​ເຕະ​ຕົວ​ໃໝ່​ຂອງ​ທີມ​ໃຊ້​ຄວາມ​ສາ­ມາດ​ສະ­ເພາະ​ຕົວ ລາກ​ບານ​ເຂົ້າ​ໄປ​ໃນ​ເຂດ​ໂທດ​ກ່ອນ​ຍິງ​ດ້ວຍ​ຕີນ​ຊ້າຍ​ບານ​ສຽບ​ຄານ​ເທິງ ອຸດ​ທິ​ລັດ ນາມ​ມະ​ໂຄດ ຜູ້​ຮັກ­ສາ​ປະ­ຕູ​ວີ​ເອ​ັ​ສວີ ໝົດ​ສິດ​ປ້ອງ​ກັນ ແລະ​ໃນ​ນາ­ທີ 88 ໂຄ​ຊູ​ເກະ ອຸ​ຊິ​ດະ ກອງ​ກາງ​ຊາວ​ຢີ່​ປຸ່ນ​ຫຼຸດ​ກັບ​ດັກ​ລຳ​ໜ້າ​ຂອງ​ວີ​ເອ​ັ​ສວີ ໂດຍ​ຜູ້​ຮັກ­ສາ​ປະ­ຕູ​ວີ​ເອ​ັ​ສວີ ອອກ​ມາ​ສະ­ກັດ​ບານ​ບໍ່​ທັນ ເຮັດ​ໃຫ້​ໂຄ​ຊູ​ເກະ ອຸ​ຊິ​ດະ ດີດ​ບານ​ຂ້າມ​ຫົວ​ເຂົ້າ​ໄປ​ແບບ​ສວຍ​ງາມ.

  ໝົດ​ການ​ແຂ່ງ­ຂັນ​ເປັນ​ລ້ານ​ຊ້າງ ຢູ​ໄນ​ເຕັດ ທີ່​ຖະ​ຫຼົ່ມ ວີ​ເອ​ັ​ສວີ ເອ​ັຟ​ຊີ ໄປ​ແບບ​ຂາດ​ຮອຍ 4-0 ປະ­ຕູ ເກັບ 3 ຄະ­ແນນ​ທຳ​ອິດ ພ້ອມ​ຂຶ້ນ​ເປັນ​ທິ​ີມ​ນຳ​ຕາ­ຕະ­ລາງ​ກຸ່ມ A. ສ່ວນ​ອີກ​ຄູ່ ປກສ ເອ​ັຟ​ຊີ ສາ­ມາດ​ເອົາ​ຊະ­ນະ​ເຈ­ດີ​ບີ ເອ​ັຟ​ຊີ ໄປ​ແບບ​ຕື່ນ­ເຕັ້ນ 2-1 ປະ­ຕູ ເຮັດ​ໃຫ້ ປກສ ເກັບ​ເພີ່ມ 3 ຄະ­ແນນ​ເປັນ​ອັນ​ດັບ 2 ຂອງ​ກຸ່ມ ແລະ​ເຈດ​ດີ​ບີ ເອ​ັຟ​ຊີ ເປັນ​ອັນ​ດັບ 3 ສ່ວນ​ວີ​ເອ​ັ​ສວີ ຢູ​ໄນ​ເຕັດ ເປັນ​ອັນ​ດັບ 4.

      ສຳ­ລັບ​ການ​ແຂ່ງ​ເຕະ­ບານ​ຊີງ​ຂັນ​ຮອງ​ນາ­ຍົກ­ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ​ທິ​ການ ແລະ ກີ­ລາ ປະ­ຈຳ​ປີ 2015 ໄດ້​ເລີ່ມ​ແຕ່​ວັນ​ທີ 21-30 ພະ­ຈິກ 2015 ໂດຍ​ມີ​ທີມ​ເຂົ້າ​ຮ່ວມ​ທັງ​ໝົດ 8 ທີມ ແບ່ງ​ອອກ​ເປັນ 2 ກຸ່ມ​ຄື:

  • ກຸ່ມ A

ລ້ານ​ຊ້າງ ຢູ​ໄນ​ເຕັດ

ວີ​ເອັສວີ ຢູ​ໄນ​ເຕັດ

ສະ­ໂມ­ສອນ ປກສ ເອ​ັຟ​ຊີ

ສະ­ໂມ­ສອນ ເຈ­ດີ​ບີ ເອ​ັຟ​ຊີ

  • ສ່ວນ​ກຸ່ມ B

ກອງ­ທັບ ເອ​ັຟ​ຊີ

ໄອ​ດີ​ຊີ ຈຳ­ປາ​ສັກ ຢູ​ໄນ​ເຕັດ

ເອ​ສຣາ ເອ​ັຟ​ຊີ

ເອັສ​ຊີ​ໄອ ທະ​ເວັນ​ຕິກ ຢູ່​ໄນ​ເຕັດ

ວິດີໂອ: ລ້ານຊ້າງ ຢູໄນເຕັດ

---------------------------------------------------------------------------------------------------------------