ລ່າສຸດ! ນ້ອງ ເຈາະ ເດັກຜິດປົກະຕິ (ບໍ່ມີຮູທະວານແຕ່ກຳເນີດ) ເດີນທາງຮອດ ນວຈ ແລ້ວ!

ຊ່ວຍແຊຣ ບອກຕໍ່ເພື່ອໃຫ້ຜູ້ທີ່ໃຫ້ການຊ່ວຍເຫຼືອນ້ອງເຈາະຮັບຮູ້ດ້ວຍ!

29/02/2016 ລາຍງານເພິ່ມເຕີມມື້ນີ້ນ້ອງເຈາະ ທີ່ບໍ່ມີຮູທະວານທີ່ມາຈາກ ບ້ານ ໄຊຍະເພັດ ເມືອງ ອຸທຸມພອນ ແຂວງ ສະຫວັນນະເຂດ ໄດ້ມາຮອດ (ນວຈ) ແລ້ວ ຕອນນີ້ໄດ້ປະສານໄປຍັງໂຮງໝໍມະໂຫສົດ ເພື່ອໃຫ້ທາງທ່ານໝໍກວດເຊັກເບິ່ງຮ່າງກາຍ ແລະ ຄວາມພ້ອມໃນການຜ່າຕັດວ່າຈະມີຫຍັງແຊກຊ້ອນບໍ? ເພື່ອທີ່ຈະຍ້າຍຮູລະບາຍສິ່ງເສດເຫຼືອຈາກຮ່າງກາຍນ້ອງກັບມາຢູ່ທີ່ເດີມເໝືອນເດັກນ້ອຍປົກກະຕິທົ່ວໄປ ແລະ ພໍ່-ແມ່ນ້ອງເຈາະຕ້ອງຂໍຂອບໃຈມາຍັງສັງຄົມກະຄືຜູ້ທີ່ມີນໍ້າໃຈທຸກທ່ານທີ່ໃຫ້ການຊ່ວຍເຫຼືອຄ່າປິ່ນປົວຜ່າຕັດແກ່ນ້ອງທຸກຄົນຜ່ານສື່ອອນໄລນ໌ຂອງໜ່ວຍງານ ALO (ອະໂຫຼ) ທີ່ເປັນສື່ກາງໃຫ້ຂໍ້ມູນໄດ້ຮັບຮູ້ນະທີ່ນີ້ດ້ວຍ ສ່ວນຄືບໜ້າຜົນຈະເປັນແນວໃດຈະແຈ້ງໃຫ້ທຸກທ່ານຊາບເປັນໄລຍະ ຂໍຂອບໃຈ.

----------------------------------------------------------------------------------------------------------------------------------------------

 

ທ້າວ ເຈາະ ອາຍຸ 2 ປີ 3 ເດືອນ ເປັນລູກຊາຍຂອງ ທ້າວ ຂາວຊາຍ ອາຍຸ 29 ປີ ແລະ ນາງ ຫຼ້າວັນສີ ອາຍຸ 29 ປີ . ປັດຈຸບັນຢູ່ ບ້ານໄຊຍະເພັດ , ເມືອງອຸທຸມພອນ , ແຂວງ ສະຫວັນນະເຂດ 
ທ້າວ ເຈາະ ເປັນເດັກຜິດປົກະຕິ ( ບໍ່ມີຮູທະວານແຕ່ກຳເນີດ ) ຕອນເກີດອາຍຸພຽງແຕ່ 2 ວັນ ກໍ່ຕ້ອງໄດ້ຜ່າຕັດແລະເຈາະໜ້າທ້ອງເບື້ອງຊ້າຍເພື່ອເປັນບ່ອນລະບາຍສິ່ງເສດອອກຈາກຮ່າງກາຍ( ຈຶ່ງໃສ່ຊື່ວ່າ ເຈາະ ຕັ້ງແຕ່ນັ້ນມາ ) . ຄອບຄົວແອນ້ອຍມີຖານະຍາກຈົນ ພໍ່ແມ່ຕົກງານ ແລະ ຍັງຊອກຫາວຽກເຮັດບໍ່ໄດ້ . 
ທ້າວເຈາະດຳລົງຊີວິດດ້ວຍຄວາມຍາກລຳບາກທີ່ສຸດ ແລະ ບໍ່ສາມາດເຄື່ອນໄຫວໄປມາປົກະຕິຄືເດັກນ້ອຍທົ່ວໄປໄດ້ . ປັດຈຸບັນ ທ້າວເຈາະ ມີອາການຖອກທ້ອງ ແລະ ປາກບາດທີ່ເຈາະເພື່ອລະບາຍຂອງເສຍນັ້ນ ແດງແລະອັກເສບ ຕ້ອງໄດ້ຮັບການຜ່າຕັດປິ່ນປົວຢ່າງຮີບດ່ວນ .
ເພື່ອເປັນການຮັກສາ ແລະ ປິ່ນປົວໃຫ້ແອນ້ອຍເຈາະຫາຍດີ ແລະ ສາມາດດຳລົງຊີວິດຄືກັບເດັກປົກກະຕິຄົນອື່ນໆ, ແລະສາມາດເຂົ້າໂຮງຮຽນໄດ້ມີອະນາຄົດສົດໃສຄືເດັກຄົນອື່ນໆ ທາງພໍ່ແມ່ຂອງນ້ອງເຈາະຈື່ງສົ່ງເລື່ອງຂໍຄວາມຊ່ວຍເຫຼືອມາຍັງໜ່ວຍງານ ALO ອະໂຫຼ ໃຫ້ເປັນສື່ກາງຜ່ານສື່ອອນລາຍເພື່ອຂໍຄວາມຊ່ວຍເຫຼືອມາຍັງທ່ານຜູ້ທີ່ມີໃຈຊ່ວຍຄ່າປິ່ນປົວ ແລະ ແນະນຳຊ່ອງທາງການປິ່ນປົວຮັກສາດ້ວຍ ເຊິ່ງຫາກທ່ານໃດທີ່ຕ້ອງການຊ່ວຍເຫຼືອນ້ອງເຈາະທ່ານສາມາດໂອນເງິນເຂົ້າບັນຊີເງິນຝາກທະນາຄານການຄ້າ

ໝາຍເລກ : 031120001179830001 ອອກຊື່ ນາງຫຼ້າວັນສີ ພົມມະຈັນ

( ແມ່ນ້ອງເຈາະ ) ເບີໂທ : 02098948596

-----------------------------------------------------------------------------------
facebook ພຽງ 1 ແຊຣ໌ ຂອງທ່ານກໍ່ຄືການປະກອບສ່ວນຊ່ວຍເຫຼືອທ້າວເຈາະໄດ້

 

ບົດຄວາມໃຫມ່ໆ