ລົດຕູ້ ນິດສັນເອັນວີ 350 ມີຈຳໜ່າຍໃນສປປ ລາວ

ລົດ​ຕູ້ ນິດສັນເອັນວີ 350 (NISSAN NV350 URVAN) ມີ​ຈຳໜ່າຍ​ໃນ​ຕະຫລາດ​ ສປປ ລາວ ​ໂດຍບໍລິສັດ​ຕັນ​ຈອງ ມໍ​ເຕີ​ລາວ​ ຈຳກັດ​ຜູ້​ດຽວ ​ໄດ້​ຈັດ​ພິທີ​ນຳ​ສະ​ເໜີ​ລົດ​ປະ​ເພດດັ່ງກ່າວ ​ໃນ​ວັນ​ທີ 21 ຕຸລາ 2015 ຢູ່​ນະຄອນຫລວງ​ວຽງ​ຈັນ.

          ລົດ​ຕູ້ ນິດສັນເອັນວີ ​ແມ່ນ​ລົດ​ຂົນ​ສົ່ງ​ຍອດ​ນິຍົມ​ລຸ້ນທີ 6 ຂອງ​ນິດ​ສັນ, ມີ 15 ບ່ອນ​ນັ່ງ, ​ເຄື່ອງ​ຈັກກະ​ຊວນ, ​ເທີ​ໂບ 2.5, ມີ​ລະບົບ​​ແຮງ​ບິດ 365 NM, ​ເກ​ຍກະປຸກ, ປະຢັດ​ນ້ຳມັນ, ການ​ອອກ​ແບບ​ດ້ານ​ໜ້າ ​ແລະ ຫລັງ ຫລູຫລາ, ທັນ​ສະ​ໄໝ, ຕົບ​ແຕ່ງ​ພາຍ​ໃນ​ທີ່​ກວ້າງຂວາງ, ທີ່​ນັ່ງ​ສາມາດ​ປັບ​ໄດ້, ມີ​ຊ່ອງ​ປັບ​ອາກາດ​ສ່ວນ​ຕົວ ​ແລະ ​ສຳລັບ​ຜູ້​ໂດຍສານ, ມີ​ຖົງ​ລົມ​ນິລະ​ໄພ SRS ສຳ​ລັບ​ຄົນ​ຂັບ ​ແລະ ຜູ້​ໂດຍສານ​ດ້ານ​ຫລັງ, ລະບົບ​​ເບຣກປ້ອງ​ກັນ​ການ​ລອກ​ລໍ້ ທີ່​ຊ່ວຍ​ປ້ອງ​ກັນ​ການ​ລື່ນ​ໄຫລ ​ໃນ​ລະຫວ່າງ​ການ​ເບຣກສຸກ​ເສີນ ​ແລະ ອື່ນໆ.

          ນອກຈາກ​ ລົດ​ຕູ້ ນິດສັນເອັນວີ 350 ​ແລ້ວ ຍັງ​ມີ​ລົດ​ບັສ ນິດ​ສັນ​ຊີ​ວິວລຽນ ຂະໜາດ​ 26-30 ບ່ອນ​ນັ່ງ ທີ່​ມາ​ພ້ອມ​ກັບ​ຄວາມ​ຫລູຫລາ, ທັນ​ສະ​ໄໝ, ກວ້າງຂວາງ, ອອກ​ແບບ​ເນັ​້ນ​ໃສ່​ຄວາມ​ສະດວກ​ສະບາຍ​ ຂອງ​ຜູ້​ໂດຍສານ ມາ​ວາງ​ຈຳໜ່າຍ​ໃນ ສປປ ລາວ ອີກ​ດ້ວຍ