ລູກ​ບໍ່​ຍອມ​ກິນ​ເຂົ້າ​ ເຮັດ​ແນວໃດ​ດີ​

ເດັກ​ບາງ​ຄົນ​ໃຊ້​ເວລາ​ກິນ​ເຂົ້າ​ໜຶ່ງ​ມື້​​ 2 ຊົ່ວ​ໂມງ​ ຈົນ​ພໍ່ແມ່ກຸ້ມ​ໃຈ​ ຢ້ານ​ລູກ​ໄດ້ຮັບ​ສານ​ອາຫານ​ບໍ່​ພຽງ​ພໍ​ກັບ​ການ​ຈະເລີນ​ເຕີບໂຕ​ແລະ​ພະຍາຍາມ​ທຸກ​ວິທີ​ໃຫ້​ລູກ​ກິນ​ເຂົ້າ​ ທັງ​ແລ່ນ​ຕາມ​ໄປ​ປ້ອນ​, ຫຼອກ​ລໍ້,​ສາລະພັດ​ ແຕ່​ຜົນ​ຕອບ​ກັບ​ມັກ​ຖືກ​ລູກ​ຕໍ່​ຮອງ​ຫລື​ບໍ່​ກໍເກິດ​ອາການ​ປະຕິເສດ​ການ​ກິນ​ໄປເຊັ່ນ​ ເດັກ​ບາງ​ຄົນ​ກໍ​ຮາກ​ອອກ​ມາ​ໝົດ​ ພໍ​​ແມ່​ເຫັນ​ລູກ​ກິນ​ນ້ອຍ​ກໍ​ເລີຍ​ອາໄສ​ທີ​ເຜີຄ່ອຍໆ​ ໃຫ້​ກິນ​ທຸກ​ເວລາ​ທີ່​ມີ​ໂອ​ກາດ​ ເຊັ່ນ​ ຂະໜົມ​ປັງ​ເຄີ່ງ​ຊິ້ນ​, ຂະໜົມ​ໜຶ່ງ​ຄຳ​, ນົມ​ໜຶ່ງ​ອຶກເອີ້ນ​ໄດ້​ວ່າ​ກິນ​ກັນ​ຕະຫລອດ​ເວລາ​ ດີກວ່າ​ລູກ​ບໍ່​ໄດ້​ກິນ​ຫຍັງ​ເລີຍ​.

ເດັກ​ທີ່​ບໍ່​ຫິວ​ເລີຍ​ ຖ້າປ່ອຍ​ໄປ​ດົນ​ໆ​ ຈະ​ຂາດ​ອາຫານ​ແລະ​ເບື່ອ​ອາຫານ​ຫລາຍ​ຂຶ້ນ​ ເຮັດໃຫ້​ກິນ​ນ້ອຍ​ລົງ​ ມີ​ຜົນ​ຕໍ່​ການ​ຈະເລີນ​ເຕີບໂຕ​ ແຕ່​ການ​ແກ້​ນິໄ​ສ​ນີ້​ກໍ​ບໍ່​ງ່າຍ​ເລີຍ​ ເດັກ​ທີ່​ບໍ່​ຢາກ​ອາຫານ​ມັກ​ຈະ​ໄວ​ຕໍ່​ຂອງ​ຫວານ​ເຊັ່ນ​ ຖ້າ​ໄດ້​ກິນຊັອກ​ໂກ​ແລດ​ພຽງ​ນ້ອຍໆ​ກໍ​ຈະ​ຢູ່​ໄດ້​ດົນ​ໂດຍ​ບໍ່​ຮູ້ສຶກ​ຫິວ​ອີກ​ເລີຍ.​

ດັ່ງ​ນັ້ນ​ໃນ​ເດັກ​ທີ່​ມີ​ບັນຫາ​ກິນ​ຍາກ​ ຕ້ອງ​ຫຼີກ​ລ້ຽງ​ຂອງ​ຫວານ​ກ່ອນ​ໜ້າ​ມື້​ອາຫານ​​ ໃນ​ພໍ່​ແມ່​ບາງ​ຄົນ​ແກ້​ບັນຫາ​ໂດຍ​ໃຫ້​ລູກ​ດື່ມ​ນົມ​ແທນ​ການ​ກິນ​ເຂົ້າ​ ແມ້ນົ​ມ​ຈະ​ເປັນ​ອາຫານ​ເສີມ​ທີ່​ດີ​ທີ່ສຸດ​ ແຕ່​ເດັກ​ຍັງ​ຈຳ​ເປັນ​ຕ້ອງ​ກິນ​ອາຫານ​ເປັນ​ຫຼັກ​ຈຶ່ງ​ຈະ​ເຕີບໂຕ​ໄດ້​ດີ.​

ດັ່ງ​ນັ້ນ​ເຈົ້າ​ອາດ​ໃຊ້​ວິທີ​ການສ້າງ​ຄວາມ​ຢາກ​ອາຫານ​ ໃຫ້​ລູກ​ດ້ວຍ​ການ​ຖິ້ມ​ຊ່ວງ​ໃຫ້​ເດັກ​ບໍ່​ໄດ້​ກິນ​ຫຍັງ​ເລີຍ​ໃຫ້​ດົນ​ພໍ​ ເພື່ອ​ໃຫ້​ລະ​ດັບ​ນ້ຳ​ຕານ​ໃນ​ເລືອດ​ຫຼຸດ​ຕ່ຳ​ ເຮັດໃຫ້​ເກີດ​ຄວາມ​ຢາກ​ອາຫານ​ເພີ່ມ​ຂຶ້ນ​ ບວກ​ກັບ​ຕ້ອງ​ສ້າງ​ລະບຽບ​ວິໄ​ນ​ໃນ​ການ​ກິນ​ ຄອບຄູ່​ໄປ​ກັບ​ການສ້າງ​ບັນ​ຍາ​ກາດ​ຕ່າງ​ໆ​ ເພື່ອ​ເກືອບ​ຈູງ​ໃຫ້​ເດັກ​ຢາກ​ກິນ​ອາຫານ​ ຊຶ່ງ​ມີ​ຂໍ້​ແນະ​ນຳ​ດັ່ງ​ນີ້...

- ສົ່ງ​ເສີມ​ໃຫ້​ເດັກ​ຫລິ້ນ​ກີລາ​ສ​ະຫມ່ຳ​ສະເໝີ​ ເດັກ​ຈະ​ມີ​ຄວາມ​ຢາກ​ອາຫານ​ຫລາຍ​ຂຶ້ນ.​

- ຕ້ອງ​ໃຫ້​ເດັກ​ກິນ​ອາຫານ​ມື້​ຫຼັກ​ກ່ອນ​ ຈຶ່ງ​ຕາມ​ດ້ວຍ​ນົມ​ແລະ​ຂະໜົມ​ຫລື​ອາຫານ​ເສີມ​ສຳລັບ​ເດັກ.​

- ງົດ​ຂະໜົມ​ກ່ອນ​ເວລາ​ມື້​ອາຫານ​ຢ່າງ​ນ້ອຍ​ 2-3 ຊົ່ວ​ໂມງ​ ເພາະ​ການ​ກິນ​ຂະໜົມ​ຫລື​ຂອງ​ກິນ​ຫລິ້ນ​ເຫຼົ່າ​ນີ້​ ອາດຈະ​ເພີ່ມ​ລະ​ດັບ​ຂອງ​ນ້ຳ​ຕານ​ໃຫ້​ສູງ​ຂຶ້ນ​ ເຮັດໃຫ້​ຄວາມ​ຮູ້ສຶກ​ຢາກ​ອາຫານ​ຂອງ​ເດັກ​ນ້ອຍ​ລົງ​ເມື່ອ​ເຖິງ​ເວລາ​ອາຫານ​ຫຼັກ.

- ຈັດ​ບັນ​ຍາ​ກາດ​ການ​ກິນ​ໃຫ້​ເບີ່ງສະໜຸກສະໜານ ໂຕະ ,ຈານ​ຊາມ​ ຫລື​ແມ່ນແຕ່​ການ​ຕົກ​ແຕ່ງ​ອາຫານ​ໃຫ້​ເບີ່ງ​ໃສ,​ ມີ​ສີ​ສັນ​ໜ້າ​ກິນ​ ເດັກ​ຈະ​ໄດ້ມ່ວນ​ກັບ​ການ​ກິນ​ອາຫານ​ຫລາຍ​ຂຶ້ນ.​

- ປ່ອຍ​ໃຫ້​ເດັກ​ກິນ​ເອງ​ຫລື​ກິນ​ຮ່ວມ​ໂຕະ​ກັບ​ທຸກ​ຄົນ​ຈະ​ໄດ້​ສະໜຸກ​ສະໜານ​ເພີດ​ເພີນ​ ແບບ​ບັນ​ຍາ​ກາດ​ພາ​ໄປ.​

- ຫຼຸດ​ຄວາມ​ຄຽດ​ຂອງ​ເດັກ​ ໂດຍ​​ພໍ່​​ແມ່​ຕ້ອງ​ປັບ​ຕົວ​ເອງ​ ເລີກ​ນັ່ງ​ຈ້ອງ​ບັງຄັບ​ຈ້ຳ​ຈີ້​ຈ້ຳ​ໄຊ​ ຫລື​ນັ່ງ​ນັບ​ຄຳ​ທີ່​ເດັກ​ກິນ​ ເພາະ​ເດັກ​ຈະ​ປະ​ຊົດ​ດ້ວຍ​ອາການ​ຕ່າງ​ໆ​ ທີ່​ເປັນ​ການ​ປະຕິເສດ​ການ​ກິນ​ເຖິງ​ຂັ້ນ​ບໍ່​ຍອມ​ກິນ​ອີກ​ເລີຍ.​

- ເມື່ອ​ເຖິງ​ເວລາ​ ອາຫານ​ຄວນ​ໃຫ້​ເດັກ​ກິນ​ອາຫານ​ເທົ່າ​ນັ້ນ​ ຕ້ອງ​ບໍ່​ຫລິ້ນ​ຫລື​ເບິ່ງ​ໂທລະທັດ​ລະຫວ່າງ​ການ​ກິນ​ ເພື່ອ​ເປັນ​ການ​ຝຶກ​ລະບຽບ​ວິໄ​ນ​ໃນ​ການ​ກິນ​ ໂດຍ​ສາມາດ​ໃຫ້​ເດັກ​ໄປ​ຫລິ້ນ​ໄດ້​ຖ້າ​ກິນ​ອາຫານ​ສຳເລັດ​ຮຽບຮ້ອຍ​ແລ້ວ​.       

ການ​ແກ້​ໄຂ​ນີ້​ຈະ​ຊ່ວຍ​ໄດ້​ກັບ​ເດັກ​ບາງ​ຄົນ​ ແຕ່​ຖ້ານ​ອົງ​ໝົດ​ທຸກ​ທາງ​ແລ້ວ​ບໍ່​ເປັນ​ຜົນ​ ເພຣາະ​ຄວາມ​ຢາກ​ອາຫານ​ຂອງ​ລູກ​ນັ້ນ​ໄດ້​ລຸດລົງ​ໄປ​ເປັນ​ເວລາ​ດົນ​ຫລາຍ​ ເຈົ້າ​ອາດ​ຕ້ອງ​ປຣຶກ​ສາ​ກຸ​ມານ​ແພດ​ດີກວ່າ​

======================================================================================================

ບົດຄວາມໃຫມ່ໆ