ລູກສາວເສດຖີສະຫຼອງໃຫຍ່ ພາໝູ່ໄປປາຕີ້ເສຍຊີວິດຍົກແກ້ງຍ້ອນຍົນຕົກ

ລູກສາວເສດຖີສະຫຼອງໃຫຍ່ ພາໝູ່ໄປປາຕີ້ເສຍຊີວິດຍົກແກ້ງຍ້ອນຍົນຕົກ


ລູກສາວເສດຖີຕັວກກີໂຊກຮ້າຍກຳລັງມ່ວນສະຫຼອງການສະຫຼະໂສດ ຊຶ່ງເປັນເຫດການທີ່ສຳຄັນໃນຊີວິດ ພ້ອມໝູ່ອີກ 7 ຄົນ ແຕ່ຕ້ອງມາຈົບຊີວິດລົງໃນຂະນະທີ່ພວມບິນເວີ່ນຢູ່ເທິງຟ້າລະຫວ່າງທີ່ກັບຈາກການສະຫຼອງທີ່ດູໄບ ເມືອງທີ່ຂຶ້ນຊື່ລືນາມດ້ານແສງສີ ແລະຄວາມຮັ່ງມີ.


 ໂດຍຂ່າວລາຍງານວ່າລູກສາວເສດຖີຄົນນີ້ຊື່ວ່າ ມີນາ ບາຊາຮັນ ໄວ 28 ປີນາງກຳລັງຈະແຕ່ງງານໃນເດືອນເມສານີ້ ແຕ່ດ້ວຍຄວາມຕື່ນເຕັ້ນດີໃຈຈິ່ງຊວນແກ້ງໝູ່ຂອງເພິ່ນ 7 ຄົນໄປສະຫຼອງວັນສະຫຼະໂສດລ່ວງໜ້າທີ່ດູໄບ ດ້ວຍເຄື່ອງບິນສ່ວນຕົວ ແຕ່ໂຊກຮ້າຍເພິ່ນຮ່ວມກັບໝູ່ 7 ຄົນລວມທັງຈຸບິນອີກ 3 ຄົນລວມເປັນ 11 ຄົນຕ້ອງມາເສຍຊີວິດພ້ອມກັນໃນຂະນະທີ່ກຳລັງບິນກັບ ຍ້ອນອຸປະຕິເຫດເທິງເຮືອບິນ.


ແຫຼ່ງຂ່າວບອກວ່າ: ກ່ອນເກີດເຫດແກ້ງສາວໆໄດ້ພາກັນໄປສະຫຼອງຢູ່ຣີສອດຫຼູທີ່ດູໄບ ແລະໃນວັນອາທິດທີ 11 ມີນາ 2018 ຄະນະໄດ້ພາກັນກັບບ້ານ ແຕ່ໃນລະຫວ່າງທີ່ກຳລັງບິນຢູ່ເທິງອາກາດເຮືອບິນເກີດໄຟໄໝ້ກະທັນຫັນ ເຮັດໃຫ້ຍົນຊັດຂຶ້້ນສູ່ທ້ອງຟ້າຢ່າງວ່ອງໄວກ່ອນຈະຫຼຸດລະດັບລົງມາຍັງພື້ນ ແລະເກີດເຫດໃນທີ່ສຸດ.


ພາຍຫຼັງເກີດເຫດທາງເຈົ້າໜ້າທີ່ກູ້ໄພໄດ້ເຂົ້າກວດສອບຈຸດເກີດເຫດທັນທີທີ່ຮູ້ຂ່າວ ພົບວ່າມີຜູ້ເສຍຊີວິດແລ້ວ 10 ຄົນ ແຕ່ເນື່ອງຈາກຝົນຕົກໜັກ ແລະກະແສລົມພັດແຮງຈິ່ງບໍ່ສາມາດເອົາເຮລີຄອບເຕີໄປຈອດຢູ່ເທິງພູຈຸດເກີດເຫດເພື່ອເອົາຮ່າງຜູ້ເສຍຊີວິດກັບມາໄດ້ເທື່ອ ຈິ່ງຄາດວ່າຈະພະຍາຍາມເຂົ້າສູ່ພື້ນທີ່ໄດ້ພາຍໃນມື້ນີ້.