ລືສະນັ່ນ!! ເຮຍ ມູ ບັນລຸຂໍ້ຕົກລົງຄຸມຜີແທນຟານກາວ

 

ສື່ຕີຂ່າວ ໂຊເຊ ມູຣິນໂຢ ອະດີດນາຍໃຫຍ່ ເຊວຊີ ບັນລຸຂໍ້ຕົກລົງເລື່ອງຄຸມ ແມນເຊສເຕີ ຢູໄນເຕັດ ແທນ ຫຼຸຍ ຟານກາວ ແລ້ວໂດຍນັກຂ່າວຂອງ ສະກາຍ ສະປອດ ອີຕາລີອ້າງວ່າທຸກຢ່າງໃກ້ຈະສຳເລັດເສັດສິ້ນແລ້ວ.

 

ໂຊເຊ ມູຣິນໂຢ ຕົກເປັນຂ່າວວ່າໄດ້ບັນລຸຂໍ້ຕົກລົງເລື່ອງໄປຄຸມບັງຫຽນ ແມນເຊສເຕີ ຢຸໄນເຕັດ ຍອດສະໂມສອນຈາກ ພຣີເມຍລີກ ອັງກິດ ແທນທີ່ ຫຼຸຍ ຟານກາວ ຜູ້ຈັດການທີມ “ຜີສາດແດງ” ຄົນປັດຈຸບັນ ແລະ ທຸກຢ່າງໃກ້ຈະສົມບູນແລ້ວ.

ອະດີດນາຍໃຫຍ່ ອິນເຕີ ມິລານ ແລະ ເຊວຊີ ຜະຫງາດຂຶ້ນມາເປັນເຕັງທີ່ຈະຄຸມ “ຜີສາດແດງ” ຄົນຕໍ່ໄປຫຼັງຈາກທີ່ ຟານກາວ ຍັງຢູ່ພາຍໃຕ້ຄວາມກົດດັນ ຂະນະທີ່ກ່ອນໜ້ານີ້ ເອັດ ວູດເວີດ ປະທານບໍລິຫານ ແມນຢູ ຕັດສິນໃຈຊອໂຕແທນຂອງ ຟານກາວ ໄວ້ແລ້ວ ແລະ ເບິ່ງຄືວ່າ ມູຣິນໂຢ ມີຊື່ເຂົ້າຂ່າຍດ້ວຍ ລ່າສຸດ ອະເລັກຊານໂດຣ ອັນເຊຍໂຕ ຜູ້ສື່ຂ່າວຂອງ “ສະກາຍ ສະປອດ ອີຕາເລຍ” ສື່ດັງຂອງປະເທດ ອີຕາລີ ອ້າງວ່າການເຈລະຈາລະຫວ່າງ ມູຣິນໂຢ ກັບ ຜີສາດແດງ ໃກ້ຈະເສັດສິ້ນແລ້ວ.

 

ທັງນີ້ ຟານກາວ ຍັງເຫຼືອສັນຍາໃນຖິ່ນ ໂອນ ທຣາຟເຟິດ ຈົນຈົບລະດູການໜ້າ ແລະ ຄາດວ່າແຟນບານ ແມນຢູ ຢາກໃຫ້ເຂົາແຍກທາງກັບທີມໄປເຊິ່ງທັງນີ້ຂຶ້ນກັບວ່າພວກເຂົາຟອມດີຂຶ້ນໃນຊ່ວງຕອນນີ້ໄປຈົນຈົບລະດູການນີ້ ຫຼື ບໍ່ ແລະ ການທີ່ ຜີສາດແດງ ຕົກຮອບແບ່ງກຸ່ມ ຢູຟາ ແຊມປຽນລີກ ອາດເຮັດໃຫ້ນາຍໃຫຍ່ຄົນນີ້ຢູ່ໃນຕຳແໜ່ງຕໍ່ໄປໄດ້ຍາກ.