ລືສະນັ່ນ!!ມິລານເລັງດຶງຊິວວາກັບບ້ານ

 

“ຜີສາດແດງ-ດຳ” ເອຊີ ມິລານ ລັອກເປົ້າດຶງ ດີອາໂກ ຊິວວາ ກອງຫຼັງເລືອດແຊມບາກັບມາຈາກ ປາຣີ ແຊັງ-ແຊັກແມັງ ຫຼັງຈາກຈົບລະດູການີ້ໂດຍນັກເຕະເຫຼືອສັນຍາກັບຕົ້ນສັງກັດອີກພຽງ 2 ປີ.

 

ເອຊີ ມິລານ ສະໂມສອນດັງຂອງ ກັນໂຊ ຊີຣີ ອາ ຕົກເປັນຂ່າວເມື່ອວັນພະຫັດທີ່ຜ່ານມາວ່າມີຄວາມຕ້ອງການທີ່ຈະດຶງໂຕ ດີອາໂກ ຊິວວາ ເຊັນເຕີແບັກກັບມາຈາກ ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງ ລີກແອັງ ຝຣັ່ງຊ່ວງຊຳເມີປີໜ້າ.

 

ຊິວວາ ເຄີຍຢູ່ກັບທັບ “ຜີສາດແດງ-ດຳ” ຊ່ວງປີ 2009-2012 ກ່ອນຍ້າຍໄປຮ່ວມທີມກັບ ເປເອັດເຊ ແລະ ເປັນກຳລັງສຳຄັນຂອງທີມດັງຈາກເມືອງນ້ຳຫອມຕະຫຼອດຊ່ວງ 4 ລະດູການແຕ່ປັດຈຸບັນເຫຼືອສັນຍາກັບທີມອີກ 2 ປີເທົ່ານັ້ນເຊິ່ງຫຼ້າສຸດ ຕຸດໂຕແມຄາໂຕ້ເວັບ ສື່ດັງແດນກະໂລນີລະບຸວ່າ ມິລານ ມີແຜນທີ່ຈະດຶງກອງຫຼັງແຊມບາກັບມາສູ່ຖິ່ນ ຊານ ຊີໂຣ ຫຼັງຈົບລະດູການນີ້.

 

ທັງນີ້ເມື່ອລະດູການທີ່ຜ່ານມາ ຊິວວາ ລົງຫຼິ້ນໃຫ້ກັບ ເປເອັດເຊ ລວມທຸກລາຍການ 45 ນັດຍິງໄດ້ 1 ລູກພ້ອມຊ່ວຍທີມເກັບແຊ້ມທຸກລາຍການໃນປະເທດອີກດ້ວຍ.