ລືມດຸ​ປານໃດຈຶ່ງ​ຈະ​ເປັນ​ສັນຍານ​ສ່ຽງ​ໂລກ​ສະໝອງ​ເສື່ອ​ມ ຫຼື ອັນຊາຍ​ເມີ

ບາງຄັ້ງໃນໄວໜຸ່ມ ຫຼື ໄວເຮັດວຽກຄື​ເຮົາ ເຮັດຫຍັງຫຼາຍໆຢ່າງພ້ອມກັນ ຫຼື ອາດຈະນອນເດິກຈົນ​​ເມື່ອຍ​ເພີ​ຍ ກໍອາດເປັນສາເຫດໃຫ້ເຮົາຫຼົງໆລືມໆຫຍັງເລັກໆນ້ອຍໆ​ໄປແດ່ເຊັ່ນ ລືມ​ໂທລະສັບມືຖື, ກະແຈ​ເຮືອນ ບໍ່ແນ່ໃຈວ່າ ລັອກລົດ ຫຼື ຍັງເປັນຕົ້ນ. ແຕ່ຫາກຂີ້ຫຼົງຂີ້ລືມຫຼາຍເກີນໄປກໍອາດເປັນສັນຍານເຕືອນໄພເຖິງໂລກສະໝອງເສື່ອມ ຫຼື ອັນໄຊເມີໄດ້ຕ້ອງລົງ​ເລິກເຖິງຂັ້ນໃດ​ແນວ​ໃດ ຄິດ​ອອກ ມີຂໍ້ມູນມາໃຫ້ກວດ​ເບິ່ງຕົນເອງ ແລະ ຄົນທີ່ທ່ານຮັກກັນ​ເດີ້ ມາ​ເບິ່ງ​ນຳ​ກັນ​ເລີຍ! 

10 ສັນຍານເຕືອນໄພໂລກສະໝອງເສື່ອມ ຫຼື ອັນໄຊເມີ

  1. ລືມແມ້​ແຕ່ສິ່ງ​​ເລັກໆ​ນ້ອຍໆ ໃນຊີວິດປະຈໍາວັນຖາມ​ຊ້ຳໆ ທັງໆທີ່ຫາ​ແຕ່ຈະຮັບຊາບຂໍ້ມູນໄປບໍ່ດົນລືມນັດລືມເຮັດວຽກຕ່າງໆເປັນຕົ້ນ.

2. ວຽກ ຫຼື ກິດຈະກໍາທີ່ເຄີຍເຮັດຢູ່ເປັນປະຈໍາເລີ່ມຈະເຮັດໄດ້ລໍາບາກຫຼາຍຍິ່ງຂຶ້ນເນື່ອງຈາກຈື່ຂັ້ນຕອນບໍ່ໄດ້ ຫຼື ລືມບາງສ່ວນຂອງການເຮັດໄປເຊັ່ນ: ເຮັດອາຫານລືມໃສ່ເຄື່ອງປຸງ ລືມວ່າໃສ່ເຄື່ອງປຸງໄປແລ້ວຈຶ່ງໃສ່ເພີ່ມເປັນຕົ້ນ.

3. ເລີ່ມມີບັນຫາດ້ານການເວົ້າ ການໃຊ້ພາສາເວົ້າບໍ່ຮູ້ເລື່ອງ ເວົ້າບໍ່ຄ່ອງແຄ່ວຄື​ແຕ່ກ່ອນ ຕ້ອງຄິດກ່ອນເວົ້າ​ແຕ່​ພັດຂຶ້ນຮຽງລໍາດັບໃນການໃຊ້ຄໍາຜິດເປັນຕົ້ນ.

4. ສັບສົນເລື່ອງວັນເວລາ ແລະ ຫົນທາງໂດຍບໍ່ສາມາດຈື່ວັນເວລາໄດ້ ແລະ ທາງໄປສະຖານທີ່ທີ່ຄຸ້ນເຄີຍໄດ້.

5. ມີຄວາມສັບສົນໃນຄວາມສໍາພັນຂອງພາບ ສີ ສຽງ ໄລຍະທາງ ຈົນອາດເຮັດໃຫ້ມີບັນຫາໃນການຂັບລົດ.

6. ສະຕິປັນຍາດ້ອຍລົງເຄີຍເຮັດສິ່ງໃດໄດ້ດີກໍເລີ່ມເຮັດບໍ່ໄດ້ຄື​ເກົ່າຕັດສິນໃຈໃນເລື່ອງຕ່າງໆບໍ່ໄດ້.

7. ວາງສິ່ງຂອງຜິດທີ່ຜິດທາງ ແລະ ຍັງຄົງໃຊ້ຊີວິດຕໍ່ໄປຄືບໍ່ຄິດວ່າເປັນສິ່ງທີ່ຜິດປົກກະຕິເຊັ່ນ ເກັບລີໂມດ​ໂທລະພາບໄວ້ໃນຕູ້ເຢັນ.

8. ອາລົມປ່ຽນແປງງ່າຍ ແລະ ວ່ອງໄວເຊັ່ນ ດຽວໂມໂຫ ດຽວຮ້ອງໄຫ້ ດຽວຫົວ.

9. ບຸກຄະລິກໂດຍລວມປ່ຽນໄປຈາກເດີມ ເຄີຍລ່າເລີງສົດໃສອາດກາຍເປັນຄົນຊຶມເສົ້າ ເຄີຍເວົ້າເກັ່ງແຕ່ກາຍເປັນຄົນງຽບຂຶມ ຫຼື ບາງຄັ້ງອາດກາຍເປັນຄົນທີ່ມີບຸກຄະ​ລິກຄ້າຍຄືເດັກນ້ອຍ.

10. ທີ່ຢູ່ ເລີ່ມແຍກຕົວອອກຈາກສັງຄົມບໍ່ຢາກພົບປະຜູ້ຄົນເກັບຕົວຢູ່ແຕ່ໃນຫ້ອງເສີຍຊາບໍ່ສົນໃຈແລະ ກະຕືລືລົ້ນ ຫຼື ຕື່ນເຕັ້ນຕໍ່ສິ່ງຮອບຂ້າງ.

  • ອາຫານບໍາລຸງສະໝອງລົດຄວາມສ່ຽງເປັນໂລກສະໝອງເສື່ອມ ຫຼື ອັນໄຊເມີ
  1. ໄຂມັນບໍ່ອິ່ມຕົວເຊັ່ນ ນໍ້າມັນໝາກກອກ ນໍ້າມັນຮວງເຂົ້າ ລວມເຖິງອາຫານທີ່ມີໂອເມກ້າ 3,6 ແລະ 9 ເຊັ່ນ ປາທະເລ ຖົ່ວເຫຼືອງ ຜັກໂຫມເປັນຕົ້ນ.

2. ໂປຣຕີນເຊັ່ນ ໂປຣຕີນຈາກເນື້ອປາບໍ່ວ່າຈະປາທະເລ ຫຼື ປານໍ້າຈືດກໍໄດ້ແຕ່ຢ່າລືມເຮັດໃຫ້ສຸກກ່ອນກິນເພື່ອປ້ອງກັນ​ແມ່​ທ້ອງ ແລະ ແບັກທີເລຍຕ່າງໆ.

3. ວິຕາມິນບີພົບຫຼາຍໃນຖົ່ວ ງາ ສາ​ລີ ​ເຂົ້າໜົມປັງໂຮວີ​ດ ທັນຍະພືດຕ່າງໆ ລວມໄປເຖິງນົມອີກດ້ວຍ.

4. ​ໂຄລີນພົບຫຼາຍໃນເຂົ້າກ້ອງ ສາລີ ແລະ ໄຂ່ແດງ ແຕ່ຫາກໃຜທີ່ມີບັນຫາຄໍ​ເລ​ສ​ເຕີ​ລໍ ສູງຄວນກິນໄຂ່ແດງໜ້ອຍໆ.

5. ສານເຄີຄູມິນພົບໄດ້ໃນຂີ້ໝິ້ນຊ່ວຍຕ້ານການອັກເສບ ແລະ ລົດການເສື່ອມຂອງສະໝອງຈາກໂລກອັນໄຊເມີໄດ້.

ສິ່ງສໍາຄັນຄືກິນອາຫານໃຫ້ຫຼາກຫຼາຍສະຫຼັບກັນໄປອອກກໍາລັງກາຍຢ່າງສະໝໍ່າສະ​ເໝີ ແລະພັກຜ່ອນໃຫ້ພຽງພໍຫຼັກໆ 3 ຂໍ້ນີ້ກໍຊ່ວຍໃຫ້ທ່ານສຸຂະພາບດີບໍ່ມີໂລກໄພໄຂ້ເຈັບມາ​ບຽດບຽນແລ້ວ.